انا حجزت fsv

[elalfy1000]

اخي الكريم
انا من البداية وانا بأحجز اكدت على مسئول المبيعات ميعاد الأستلام لأن رخصة السيارة التى كانت معى كانت ستنتهى 8-12-2011 واعلمتة اننى سأقوم ببيع السيارة قبل هذا الموعد بـ 15 يوم على الأقل ولابد من ان يكون لدي اخري لأنه كما تعلم بعد ما تتعود على سيارة لا تسطيع الحركة بدونها وقام هو بدورة بالتأكيد انه يوجد دفعة ستصل يوم 15-11 ولكن معظمها محجوزة والباقى منها فاضية مانيول مش كاملة وممكن استلم منها لو حبيت فقلت له والكاملة مانيول هاتوصل امتى قال لى اول 12 فقلت له اكية وطلب منى المتابعة فى التليفون وتابعتة والنتيجة هي ان الدفع التى كان من المفتض وصولها 15 -12 لم تصل حتى الأن وكلما اتصلت به يعطي مواعيد وبعد فترة يغير الميعاد : 5-12 وبعدين 10 -12 وبعدين 15 -12 وبعدين اول يناير ففكرت وقلت ممكن تيجي اول يناير وممكن لا فقررت تغير الماركة والحمد لله وفقت لـ ليفان 620 حجم اكبر من البرليانس وموتور 1600 وعربية جميلة وصينى ذى البرليانس الفرق من وجه نظرى هو الوكيل فالبفارية نار على علم اما وكليل اليفان فهو السعودي جروب وبصراحة شديدة انا اول مرة سمعت عنه لما كنت فى معرض اوتو ماك واتفرجت على السيارة وقد كانت اعجبتنى بس انا منت رايح على البرليانس وبالنسبة للعربون بتروح فرع القطامية معاك الوصل المختوم من الشركة وبصرفولك المبلغ على طول

وتيجي بالسلامة يا باشا
وربنا يوفق الجميع لما فية الخير

[asaadawi]

أخي الفاضل
شكرا جزيلا لك
وألف مبروك ع الليفان
ربنا يديلك خيرها ويكفيك شرها
مع السلامة

[jojojojojo]

يا جماعه الشركات ديه بتبقي عندها العربيات بس هي بتاخر التسليم وبتخليك تنتظر شهرين او تلاته عشان ترفع السعر وعلي فكره الكلام ده مش من عندي انا قريته في ملحق اخبار اليوم بتاع السبت في راجل محترم بيعمل عمود كل يوم سبت في الملحق اخبار اليوم للسيارات والدليل علي ذلك ان سوق السيارات في حاله ركود الايام ديه يعني مفيش بيع ولا شرا وخاصه ان العربيه اللي حضرتك حجزها مش منتشره اوي فاكيد متوفره وبكثره بس هما بيعطشوا السوق بالبلدي عشان يرفعوا السعر ويكسبوا اكتر هوه ده عيب المصريين انا شايف ان لو الحجز لقيته هيقعد اكتر من شهر كنسل الحجز واستني شويه وهتلاقيها في كل حته ومحدش هيشتريها كمان

[tamer.koko]

مبروك وربنا يديك خيرها ويكفيك شرها وكمان انا اختي معاها الfrv وجميله

[elalfy1000]

الله يبارك فيكو جميعا

والعربية جميلة وعجبانى ( واسعة جدا خامات الصالون كلها عالية الجودة - فرش جلد - تابلوة جلد مطعم بالخشب حاجة كدة محترمة مكنة عفية وبالنسبة للسحب مبدأيا كويس بس انا فى فترة التلين )
وعموما ربنا يوفق الجميع