اسألة عن الساجا قبل ما اشتريها ...رجاء دخول ملاك السيارة

[حسام الغرباوي]

المشاركة الأصلية كتبت بواسطة hazoka بص يا حسام انا معايا 2010 مانويل وبنسبة للأسئلة :- 1- لا الشكل واحد (شخصياً افضل الشكل القديم) 2-لأن العربية عالية و رفيعة فثبتها مش قوي اوي بس يفي بالغرض وسرعه 120 بتكون كويسة 3-العفشة كويسة جداً وناعمه . 4-استهلاك البنزين كويس في المانويل بس الاتوماتك بيشتكوا منة . 5-الصوت ودي مشكلتي هو عالي فعلاً بس انا ماعرفش دة عندي بس ولا في كل العربيات ولكن يمكن عشان الهورس باور بتاع المتور عالي نسبياً بس هي كويسة جداً في السحب . اتمنا اني اكون افدك وربنا يفوقك للأحسن ان شاء الله

شكرا جدا يباشا

بس العربية اية رايك فيها عموما

والعربية اللي في المرفقات دي ساجا ؟

والالوان الموجودة في المعرض اي احسن لون ولون عربيتك اية

[Mohamed Elhasafy]

المشاركة الأصلية كتبت بواسطة حسام الغرباوي السلام عليكم ورحمة الله وبركاتة انا هدخل في الموضوع علي طول انا العربية عجباني اوي اوي الصراحة بس متردد شوية وعايز اسالكم شوية اسالة 1 - اول حاجة شكل العربية يعني هل الموديل الموجود بتاع 2011 هوا دا ولا الشكل القديم 2 - ثبات العربية علي الطريق عامل اية لاني بجري شوية بالعربية 3 - العفشة عاملة اية في الطريق المتكسر ....يعني بتحس ان صوتها مكتوم وكويس ولا بتحس انها متفككة ولا اية يعني العفشة اخبارها اية 4 - استهلاك البنزين كام كيلو لكل لتر ....من التجربة الشخصية ليك مش اللي مكتوب في التقارير 5 - صوووووت العربية ....عالي واطي متوسط ...يعني مثلا لو ماشي علي 120 او 130 صوت العربية تحث بية ولا عالي ولا طبيعي قطع الغيار متوفرة ولا لأ انا قريت موضوع هنا لعضو عن قطع غيار بديلة بس عايز اعرف يعني القطع الاساسية متوفرة ان ان شاء الله ناوي اجيب الاتوماتيك 2011 منتظر رايكم ان شاء الله

السلام عليكم ...
1-الشكل القديم (ويارب تفضل كده كام سنه علشان نلاقى قطع غيارها بره التوكيل)
2-ثبات ممتاز بالنسبة للفئة السعرية (و لاحظ حضرتك إن العربية عالية) ... أنا ما بحبش أجرى لكن أكتر من مالك بيقول إنها لغاية 140 زى الفل ... بس ما تطمعش لإنها مش لانسر (اللهم بلغت)
3-العفشة صوتها مكتوم نسبياً (على فكرة ده بيتوقف على العربية اللى كنت راكبها)
4-إستهلاك البنزين يوازى ال 1600 بل يفوقه فى أول كام ألف
5-صوت العربية ملحوظ (مش لدرجة كراكة يعنى) بس على فكرة الصوت ممتع و بتحس معاه بقوة العربية
6- قطع الغيار لغاية دلوقتى فى التوكيل بس و يوجد بعض البدائل لبعض القطع
مبروك مقدماً

[hosamsamy]

السلام عليكم ورحمة الله وبركاته
أخي العزيز
1- العربية الساجا 2011 تختلف قليلاً في الشكل عن 2010 حيث زادت فيها الإشارات الضوئية في المرايات الجانبيه.
2- بالنسبه لثبات السيارة: فدي من أهم مميزات السياره دي حيث أنها ثابته على الطريق بصورة رائعه تذكرني بسيارتي الأولى الهوندا
3- بالتسبه للسحب في السرعات العاليه: فالسياره رائعه في السحب على الرغم من كونها 1300 سي سي فقط ولكنها تحتاج إلى بعض ثواني لبدء السحب يعني ماتكبسش فجأه على دواسة البنزين هيا هاتسحب منك لوحدها لو ثبتت قدمك على الدواسه وذلك عن تجربه شخصيه
4- بالنسبه لاستهلاك البنزين فهو حوالي 35 لتر/460 بسرعه ثابته 90 كلم/ساعه بدون تكييف كلم في الطرق السريعه & 35 لتر/300 كلم في وسط البلد حيث الإشارات والزحمه والقرف. على العموم الإستهلاك يختلف حسب قوة ضغطك على دواسة البنزين، يعني خللي دوستك يادوب زي الشعره حاتفرق معاك كتير عن تجربه شخصيه.
5- بالنسبه لصوت السياره فهذه السياره تتميز بالصوت الهادئ جداً يعني ممكن السياره تكون دايره لكن ماتحسش بيها والكلام ده برضه عن تجربه شخصيه.
6- بالنسبه للعفشه في الطرق الوعره فإنتى بتحس كأنك راكب في عربيه بي إم دبليو لافيه طقطقه ولا تزييق ولا تخبيط في أي جزء من السياره ودي برضه عن تجربه شخصيه حيث أنني أسافر لقريتي شهرياً والطرق هناك حدث ولا حرج.
بصراحه شديده السياره أكثر من ممتازه وده بعد استخدام 6000 كلم بالتمام والكمال العيب الوحيد في توكيل عز العرب لأنه في الطريق الصحراوي وفرع العجوزه مالوش لزمه إلا في صيانة الألف كيلو الأولى فقط بعد كده أي حاجه تانتيه لازم تحجز قبلها بكام يوم وتخبط مشوار للصحراوي
حسام سامي
بروتون ساجا حمراء أوتوماتيك موديل 2010

[Mohamed Elhasafy]

أستاذ و رئيس قسم
وصف و تفاصيل مفيش بعد كده ... بس ال 2011 هنا فى مصر هى هى ال 2010