سؤال في 128 عن الموتور

[ramez0000]

انا معاية 128 باماتورها الاصلي و عايز اخلي الموتور سخن كدة و يسحب على طول ممكن حد يفدني و كل سنة و انتم طيبين

[ايمن منصور ((عباسى ))]

اني ماتور فيهم ال 128 ليها ماتورين واحد 1100 والتاني 1300
ال 1300 ده موتور 128 الابرت وده مش محتاج حاجه لانه جامد علي العربيه ويحسسك انك ركب عربيه غير ال 1100 بيبقي ضعيف شويه
بس علي العموم الموتور بيحتاج ظبط تاكهيات ولازم يبقي متخصص الي يظبط التكهيات يعني مينفعش الميكانيكي
وبرده ظبط الكربتير مهم جدا ةلازم واحد متخصص
واهم حاجه الاسبرتير ولو تعرف تجيب واحد اليكتروني بتاع الفيات تمبرا حتحس بفرق كبير
لانه من غير ابلاتين او كندنسر يعني حيظبط الكهرباء تمام

[ramez0000]

هو موتورها 1100 هو الاسبرتير الاليكتروني سعرة كام و شكرا ليك جدا على الاهتمام

[ايمن منصور ((عباسى ))]

ممكن يعمل من 100 الي 200 وانت وشطرتك في الفصال
وممكن من التعديلات انك تركب الكربتير بتاع ال1300 هو حيزود استهلاك البنزين شويه بس حتحس بفرق
وممكن برضه تركب جيربوكس بتاع موديل 90 وطالع وده 5 غيار حيريح معاك الموتور وحيزود السرعه يعني ممكن تجيب ال150 كويس
واي سؤال انا تحت امرك اصل ال28 دي حبيبتي وعلمتني حجات كتير

[فادى]

محرك ال128 يقدم اداء جيد للغاية طبعا اذا كان بحالة جيدة
لو الاداء سىء بيبقى غالبا لعيب فى المحرك او الاسطوانة.
لو الاداء سىء جدا و هناك احساس بفقدان العزم و خاصة فى المطالع, يبقى اسطوانة دبرياج, غير الاسطوانة.
لو الاداء سىء خاصة عند الضغط على دواسة الوقود لأخر المشوار لا تشعر بفارق يبقى الكاربيراتير أو الاسبيراتير لا يعمل بشكل جيد.
برضو بص على فلتر الهوا ممكن يكون محتاج تغيير و ليه أثر كبير على اداء السيارة.
و اضبط التاكيهات لأن ليها اثر هى الاخرى.
و لمزيد من المتعة و لو كانت ميزانيتك تسمح يمكن تغيير علبة التروس الاربع سرعات بعلبة 5 سرعات و هو تعديل شهير فى ال128 و له تأثير جيد على الاداء.