gen 2 أم برسونا

[shakshak2011]

يا جماعه ال Persona 2009 المانوال بها كل الكماليات
ABS و تارة ملتى فنكشن و جنوط و باركينج سنسور .. مفيش منها هاف أوبشن
الى فيها هاف أوبشن هيا ال GEN 2 و بتكون أوتوماتيك
الكلام ده من موقع كونتاكت كارز

[احمد سعيد عفيفى]

ياأخ harizy لم اتمكن من الدخول على الرابط المكتوب ، المرجو الافادةعن محتواه وأسباب رفضك للتوكيل علماً بأنه لا يوجد توكيل فى مصر خال من العيوب

[SALAHHAKIM]

السلام عليكم
بيرسونا 2010 كامله
جنوط اسبور 15 تحكم طاره تحكم فى ارتفاع المقعد والطاره تحكم فى شده الاضاءه للتابلوه
ايه بى اس + ايه بى دى اضواء شبوره 4 زجاج كهرباء 2مفتاح ريموت+ ايموبلايزر سى دى ام بى 3 2 اير باج السعر 82 الف و88 الف وعليها عرض سنه تأمين هديه
الجين تو نفس الكلام بيزيد فرش سبور + تحكم فى ارتفاع الاضاءه للكشافات . مسحه خلفيه السعر 84الف و90 لموديل 2010

[رنوشة]

انا شايفة ان البروتون من افضل العربيات وكمان الجين تو امكانيتها احسن من الساجا
ربنا يوفقك اخى الغالى

[master.formats]

المشاركة الأصلية كتبت بواسطة harizy يا بهوات من باب النصيحة مش أكثر ياريت تراجع اللينك ده قبل ما تفكر فى البروتون لأن العربية زى الزواج يجب أن تبحث عن عيلة (توكيل) ثم أى بنت (عربية) من بناته ( عربياته) أكيد تبقى كويسة، فلو التوكيل سئ يبقى بلاش العربية، أحنا بندور على راحة البال، وبعدين الواحد بيدور على عربية تريحه مش تتعبه وتطلع عينه http://www.**********.net/Nile/147301-a.html

هو اللينك مش شغال...
بس واضح ان حضرتك لست من ملاك بروتون و بتحكم بالسماع بس...

أرجوك لا تحكم على أي شيء بدون تجربة...

البروتون من عيلة ماليزية أصيلة مأصلة وهي نتاج تزاوج بين عائلات بروتون في ماليزيا و لوتس في بريطانيا و ميتسوبيشي في اليابان.. و ثمرة هذا الزواج المبارك جين2 و أخواتها...

أما التوكيل فهو لا علاقه له بجودة السيارة وانما له علاقة بخدمة ما بعد البيع...
أما توكيل بروتون "عز العرب" فهو نفسه توكيل سيتروين و دودج وجيب وكرايسلر

وعن تجربة فهو ليس بأسوأ التوكيلات... هو متوسط و الشهادة لله هو في تحسن مستمر.. طبعاً له عيوب مثله مثل كثير من توكيلات السيارات في المحروسة... لكن الملاحظ أنه يسعى للتحسن..

بروتون ماركة محترمة و كل ملاكها بيعشقوا سياراتهم -حتى تعساء الحظ الذين عانوا مشاكل مع سياراتهم ومع التوكيل- و أنا عن نفسي لو فرضنا جدلاً أنني بعت جينتي بربع مليون جنيه حروح اشتري جين2 تانيه وادلع نفسي بالباقي... يعني لا أتمنى ركوب سيارة غيرها والحمد لله .. وكثير ممن أعرفهم كذلك ..