اى معلومات عن الfrv انا تحت امركم

[waelbaha]

المشاركة الأصلية كتبت بواسطة a7lahamada استاذ وائل عايز اسال حضرتك سوال بعد اذنك فين الظبط مكان البفارية علي الدائري علشان عايز اروح هناك وهل ممكن اسوق السيارة عادي هناك اجربها ولو في شروط علشان كدة اية هية

مكانها على اليمين وانت جاي من مدينة نصر رايح المطار حتلاقيها علطول على اليمين بعد ماتنزل من الكوبري ولو انت جاي في الاتجاه المعاكس يعني كانك رايح مدينة نصر حتلاقيها على شمالك قبل مطلع الكوبري ساعتها ماتطلعش الكوبري ولف يو تيرن من تحته وادخل اول فتحه يمين علطول
وبالنسبة لتجربة السواقه سهله جدا بس بيطلبوا منك رخصة القياده وبيعملولك التصريح في خمس دقايق وبيطلع معاك واحد تجربها

[a7lahamada]

شكرااا جزيلا يا استاذ وائل ..............لو فيها مدايقة لحضرتك كنت عايز اعرف ال 1300 منها حلوة ولا وحشة وراي حضرتك بعد ما جربتها فيها بعيدا عن الكماليات

[waelbaha]

انا جربت ال 1600 اوتوماتيك بس
ماجربتش ال 1300 بس انا رايي الشخصي لو عاوز عربية قوية ومايفرقش معاك استهلاك البنزين قوي يبقى تبدأ تفكر ابتداء من ال 1600 لان ال 1300 تعتبر ضعيفه شوية وبالذات لما تكون محتاج التكييف علطول
لاني جربت الموضوع ده في اللانسر 1300 لما باشغل التكييف بالاقي العربية بدات تسخن شوية وده مش حلو
وعل العموم لو سالت الاستاذ خالد عن النقطه دي اكيد حتلاقي عنده اجابه ادق مني لانه جرب الاتنين وهو اكتر واحد يقدر يفيدك بمعلومات صحيحه مليون في الميه عن معلوماتي لان اللي باقولهولك معلومات عامه مش خاصه بال frv

[khaledazizeg]

المشاركة الأصلية كتبت بواسطة waelbaha استاذنا العزيز خالد في بداية الخطوات الجديه لشراء ال frv ذهبت للبافارية اللي في الدائري علشان اشوف العربية واعمل تست درايف طبعا لقيت حاجه غريبة ضايقتني جدا الفول اوبشن اوتوماتيك مافيهاش فوج لايت - ولا جنوط - ولا مرايات كهرباء - ولا جهاز انذار بالريموت - ولا زجاج خلفي اوتوماتيك - ولا باركينج سينسور بس هوا كان المفروض يقولك انك ممكن تركب الحاجات ديه فى التوكيل بس بيزيد تمنها 4000جنية تقريبا ولما سالت المسئول قاللي انها موجوده بس في موديل المانيوال ؟؟؟!!!!!!! طيب ليه يا جماعه كده الحاجات اللي تضايق دي؟ بصراحه بعد ماكنت رايح ونفسي مفتوحه لقيت نفسي قفلت منها جدا على الرغم من ان العربية حلوة جدا بس الحاجات الناقصه دي تضايق فعلا واللي يضايق اكتر انها موجوده في المانيوال ومش موجوده في الاوتوماتيك ديه تعتبر كماليات وممكن تتركب سواء فى التوكيل او برا التوكيل قلت طيب اجرب اسوق العربية يمكن يطلعلي حاجه تانيه مش حاسس بيها او شايفها ولما جربت الفرامل علشان اشوف امكانيات ال abs و ebd بصراحه لقيت نظام الفرامل يعمل بكفاءة عاليه ولكن ....................... لما ضغطت فرامل بقوة حسيت ان في حديد بيحك في حديد لدرجة اني خفت على الديسك ليكون من قوة الضغط يكون حصل حاجه داه طبيعى جدا وانا ركبت عربيات فيها abs كتير وكلهم عندهم نفس الموضوع بس بيفرق ممكن تلاقى عربية صوتها عالى وعربية صوتها واطى ولما سالت المسئول قاللي ده شيء عادي لان الاطارات تعتبر قريبة من السائق فلازم يسمع الصوت ده وهو صوت ال abs والصوت ده موجود في كل العربيات التانية حتى الكبير منها بس مش بيتسمع في العربيات الكبيرة لان الاطارات بتكون بعيده عن السائق !!!!!!!!!!!!! كلام الراجل داه سليم طبعا ده كلام المسئول هناك رديت عليه وقلتله اني كان معايا هوندا اكورد موديل 2008 لما كنت في دبي وعمري ماسمعت صوت الحديد ده حتى مع الفرامل المفاجئه قاللي ان الاكورد كبيرة واكيد فيها الصوت ده بس ماسمعتوش علشان الاطارات بعيده عن السائق!!!!!!!!! طبعا ماحبيتش اجادله في الموضوع ده لاني مش مقتنع بالرد اصلا وسؤالي للاستاذ خالد او اي حد مجرب العربية والفرامل دي هل فعلا الكلام ده صحيح ومافيش مشكله في الصوت ده؟ ولا الفرامل بتكون عادية ومافيهاش الصوت ده؟ ويكون العيب عيب عربية؟ الصوت داه طبيعى جدا واهم حاجة تلاقى البدال بتاع الفرامل يكون بيعلى ويوطى وياريت برده يا استاذ خالد تقوللي رايك ايه في موضوع الكماليات الناقصه دي؟ وهل في حد عنده اي معلومه بخصوص الدفعات القادمه هل ممكن ينزل فيها هذه الكماليات ام مافيش امل؟ المعلومات الى عندى ان فيه دفعة جديدة نازلة من الfrv اسمها cross over بس هتنزل بموتور 1500 102 حصان وشكلها جامد جدا افيدوني جزاكم الله خيرا نفسي اشتري عربية لاني استويت من العربيات الايجار

وعلى فكرة العربية ما شاء الله عليها ممتازة
انا كنت عامل حفلة خطوبة بتاعتى من يومين وكنت انا وخطيبتى الى فى العربية بس وانا الى كنت سايق وعملت بالعربية ال1300 احلى شغل بجد ربنا يباركلى فيها انا كنت بلف فى الميدان حولين الصنية الى فى الميدان بسرعة 90كم\س والعربية بسم الله ماشاء الله زى الفل وصحابى كان معاهم اوبترا وفيرنا ولانوس محدش فيهم عرف يأخدها بالسرعة بتاعتى بسبب ثبات العربية
وكنت ماشى زى المجنون بيها فى الشارع وامشى فى الحارة اليمين بسرعة 90كم\س وبعد كدة بسرعة انتقل للحارة الشمال وارجع تانى وكل داه وانا على سرعة 90-100 وكل صحابى كانوا منبهرين بالعربية

[khaledazizeg]

المشاركة الأصلية كتبت بواسطة a7lahamada شكرااا جزيلا يا استاذ وائل ..............لو فيها مدايقة لحضرتك كنت عايز اعرف ال 1300 منها حلوة ولا وحشة وراي حضرتك بعد ما جربتها فيها بعيدا عن الكماليات

انا هكلم حضرتك عن مقارنة مابين ال1300 وال1600 لان الحمد لله ربنا كارمنى ومعايا الاتنين
اولا العربيتين نفس البودى تماما مافيش اختلاف مسمار حتى
كل الفرق الموتور والجيربوكس
بالنسبة للأداء
ال1600 سريعة عن ال1300 فى التسارع بتاعها لكن العربيتين بيجروا بس الفرق فى بتجيب من 0-100 فى اد ايه؟
ال1600 بتسحب بنزين عن ال1300 فى الزحمة والطرق الزحمة
لكن ال1600 بتوفر بنزين فى السرعات العالية عن ال1300 فى مثلا150-180كم\س
التكييف واحد فى العربيتين بس لما بشتغل فى ال1600 مبيأثرش فى قوة العربية
لكن ال1300 بتحس بتأثير وتقل فى العربية
فى الحمولة ال1600 قوية

بس حضرتك لو بتضور على توفير البنزين والسواقة الهادئة خليك فى ال1300
لكن لو بتحب الشد والجرى والسرعات العالية ومش مأثر معاك البنزين يبقى خليك فى ال1600
واى معلومة اضافية انا تحت امرك