العودة   مصر موتورز مجتمع السيارات > السيارات الأوروبية > سيات SEAT

سيات SEAT سيات SEAT سيات الاسبانية الاصل الالمانية الطابع قائد الجناح الرياضى فى مجموعة فولكس الالمانية من اهم موديلات سيات كوردوبا ابيزا وتوليدو وليون


موضوعات متميزة

إضافة رد
 
أدوات الموضوع
  #6  
قديم 28-10-2011, 01:52 PM
ahmedibeza ahmedibeza غير متواجد حالياً
 
تاريخ التسجيل: Sep 2011
المشاركات: 17
ahmedibeza is on a distinguished road
افتراضي رد: خاص لملاك ابيزا 94


المشاركة الأصلية كتبت بواسطة abb مشاهدة المشاركة

هو بلنسبه لمسعدين الشنطه انا جبتهم جداد من حوالى سنتين وشغلين كويس جدا من عند الشيخ حسن فى الحرفيين وكانوه ب 120 ج صناعه تركيا
شكرا للمعلومه القيمه اظن انى هجيب جديد افضل من استيراد انا اللى متاح بالنسبالى فتح الباب اللى فى فيصل يا رب الاقى الحاجات دى عنده
شكرا للاهتمام والرد
رد مع اقتباس
  #7  
قديم 10-12-2018, 10:08 PM
فريداحمد فريداحمد غير متواجد حالياً
 
تاريخ التسجيل: Jan 2011
المشاركات: 5
فريداحمد is on a distinguished road
افتراضي رد: خاص لملاك ابيزا 94


المشاركة الأصلية كتبت بواسطة ahmedibeza مشاهدة المشاركة

السلام عليكم

انا عضو جديد ابيزاوى فى المنتدى ولاحظت ان عدد المشاهدين لمنتدى السيات فى مصر موتورز اعلى من اى منتدى تانى انا دلوقتى وانا بكتب الموضوع شايف 40 مشاهد وده رقم كبير جدا بالنسبه لمنتدى تانى مشهور جدا وكان عدد المشاهدين 2 بس المهم اتفتحت نفسى لمنتدى السيات بس اتصدمت لما لقيت ان المشاركات قليله قوى والردود تكاد تكون معدومه ازاى العدد ده كله من المشاهدات والصفحه الاولى فيها مواضيع اخر رد فيها كان الشهر اللى فات فاتمنى نحرك الموضوع شويه ولو حتى بالاسئله والاجابات وانا هبدأ بنفسى

انا لسه شارى عربيه ابيزا 94 وكانت من غير موتور ومرفوعه 4 سنين بس حاله شاذه من حيث الدواخل والاستخدام بس كانت محتاجه فرش للكراسى والكونصول اللى فى نص التابلوه ودهان خارجى المهم بدات رحله البحث عن مكنه وانا خبرتى بالابيزا 0% المهم ان ربانى هدانى انى اسقط مكنه انجيكشن 1.4 بدل الكربراتير اللى كانت فيها وانا الفتيس كان موجود عندى من غير مجموعه الدبرياج
-وكانت التكلفه كالاتى:
1- مكنه 1.4 انجيكشن كامل متشال منها الباور والتكييف 3500
2- طقم بوجيهات يابانى ngk عشان نقدر نحكم على المكنه 70
3- فلتر زيت المانى بس مش حلو قوى يعنى عشان هيتغير كده كده 45
4- مجموعه دبرياج كامله هو بيتكلم فى 300 بس انا هدفع 150 حلو قوى
5- زيت موبيل عادى عشان هيتغير برده 75
6- غيرت اخر الشكمان اللى بيركب فى المانفولد وعملت مسامير جديده 50
المصاريف دى طبعا شامله التركيب بس طبعا كان ملوش دعوه باى مشكله تانيه فى العربيه وبوز الشكمان اللى غيرته اخدته مع المكنه كادوه
الاتفاق على اسبوع واحد بس العربيه اخدت اكتر من كده ب5 ايام تقريبا
-التقرير المبدئى عن المكنه الجديده :
1- الموتور ناعم ما شاء الله بشكل غريب يمكن عشان انا مش متعود على الانجيكشن
2- اتفقنا انا وصاحب الورشه انى مقرصشى اكتر من 3 ار بى ام عشان الموتور برده بقاله فتره مركون
3- صاحب الورشه كان ايده على قلبه لما دور اول مره وده معناه انها بطيخه وهو وحظه لانه كان فاكك الكبالن لانه عامل حسابه ان المكنه ممكن تتشال
4- الشكمان كان بيخبط وده لان اللى اشتغل فى الشكمان اشتغل والموتور مش داير عشان كده مقدرشى يحكم عليه
5- العربيه كانت بتبرجل فى اول الدواره وممكن تبطل كمان استشرت واحد ميكانيكى صاحبى قاللى وديهالو يظبطهالك
6- العربيه سخنت منى والمروحه مشتغلتشى واضطريت اقف كذا مره وانا رايحله عشان العربيه تبرد مع ان المشوار كان تقريبا 2 كيلومتر
-نتيجه اول مره اروحلو بيها:
1- كان فى ترموستات فى الكوعه اللى بتودى الميه للردياتير بايظه وكانت مبتفتحشى فكانت الميه بتفضل جوه الموتور بتغلى ولما شيلناها الدنيا اتظبطت وقاللى دى بتنفعك فى الدواره فى البرد بتخلى العربيه تسخن بسرعه
2- البرجله اللى كانت فى اول الدواره زادت وبقت على طول وبوظت السحب خالص راح الصنايعى ظبط الكلام من الاسبراتير والبرجله اختفت تماما
3- لما طلعت اجرب لقيت انى لما بكبس قوى على المكنه بتتخنق بس لو سايستها باخد منها جرى حلو وطبعا انا بدات اقرص لانها معايا من اسبوع او اكتر
4- الصنايعى قاللى دى محتاجه الكهربائى اللى بيفهم فى الكنترول عشان يحطها على الجهاز
التقرير الثانى بعد زياره الورشه:
1- السحب فرق تماما ولولا السرعه مش شغاله عندى كنت قلت هى بتجرى بسرعه كام
2- الموتور هدى اكتر من الاول وريحه العادم مظبوطه وبتسخن فى وقت قصير مع انى شلت الترموستات اللى بيقفل الدوره
3- الموتور متناسب تماما مع العربيه بكامل حمولتها ومفيش اى اجهاد عليه
-ان شاء الله انا رايح تانى قريب عشان احط العربيه على الجهاز واطمن ان المكنه تمام وادى الراجل باقى فلوسه واخد الورق بقى

كل اللى فات ده كلام جميل وحبه معلومات مفيده قشطه انا بقى عايز مصلحتى وهى ان ليا بعض الاسئله الرخمه
1- مفتاح الكونتاكت فيه مشكله وانا مشغلها بزراير مؤقتا سعر الكونتاكت كام ومن عند مين وهل ينفع احاول فيه واصلحه
2- العربيه عندى ارتفاعها مظبوط عن الارض بس بتوطا قوى من ورا لما بشيل فيها اى حموله هل ده طبيعى ولا عندى حاجه غلط فى العفشه ورا
3- لو فكرت اشترى كرسيين قدام بدل اللى عندى يطلعوا بكام ومنين
4- جوز المساعدين بتوع الشنطه اجيبهم جداد احسن ولا استيراد
5- الشبكه اللى قدام عندى مكسوره فى منها جديد ولا ادور لى استيراد

على فكره انا اخترت الاسم ده مخصوص ahmedibeza مع ان كلمه ابيزا غلط بس عشان فى واحد فى المنتدى هنا اسمه mohamedibiza شخص محترم جدا وبيحب يساعد الناس جدا و نفسى ابقى زيه حتى فى الاسم بس بدل محمد اكتب احمد بس لقيته محجوز
اى حد عنده معلومه او نصيحه او حتى كلمه تشجيع يكتبها لان المنتدى بجد محتاج مواضيع اكتر من كده وردود متواصله داحنا اربعين مشاهد وفى بكره شغل امال لو يوم اجازه

تحياتى للجميع واسف على الاطاله
بجد معلومات جميلة جدآ بس مش عارف ثمن الموتور 1400الانجكشن عامل كام دلوقتى ويجى من عند مين لان الموتور بتاعى 1300
وشكلة بطلع فى الروح وايضآ الكاربراتير بايظ وانا لسة شارى قنطرة من الحرفيين 400 جنية استيرادودة للعلم
رد مع اقتباس
  #8  
قديم 10-12-2018, 10:10 PM
فريداحمد فريداحمد غير متواجد حالياً
 
تاريخ التسجيل: Jan 2011
المشاركات: 5
فريداحمد is on a distinguished road
افتراضي رد: خاص لملاك ابيزا 94

ياريت حد يقلى الموتور 1400 انجكشن عامل كام للابيزا94
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 11:48 AM.


Powered by vBulletin® Copyright ©2000 - 2019, Jelsoft Enterprises Ltd.
www.MasrMotors.com ™ Copyright ©2008 - 2019
Egyptian Automotive Community
جميع الحقوق محفوظة - مصرموتورز 2008 - 2017