الرجاء الاهتمام جدا جدا // فتيس نوبيرا اوتوماتيك , ال R فقط يعمل , وكل الدفع الامامى لا يعمل !! ارجو المساعدة ربنا يخليكم يا رب ..

[حسام البورسعيدى]

المشاركة الأصلية كتبت بواسطة ENG/A.S.A تسلم لى يا رب يا استاذ حسام .. ربنا يعزك يا رب .. والله المشكلة مش فى الفلوس خالص , القصة انى عايز الحاجة تتعمل صح وخلاص !! لأنى قرفت من العربيات وسنينها , الواحد يجيب عربية جديدة من التوكيل احسن له .. ناس كتير بتقول اقلبها عادة احسن لى .. وكمان هحتاج كبالن تانية لأن الراس بتاعتها مش بتمشى مع الاوتوماتيك .. ففعلا قصة .. ربنا ييسر الحال ,, واشكرك يا اخى للمساعدة .. ولو انى لحد النهاردا مش مقتنع ان الفتيس محروق !! اصلها فجأه كدا فى ثانية بدون مقدمات ولا اى اسباب !! فجأة يفصل كأن سلك كهربا مثلا فصل !! او اى حاجة فصلت ! يلا الله المستعان اشكرك

شوف يا غالى ..

اكشف على الفتيس بالاسكنر لزياده التاكيد قبل ما تعمل فيه حاجه ..

ممكن تكون فيه مشكلة فى سنسور ولا حاجه ..

[ENG/A.S.A]

طيب يا استاذ حسام ؟
مش عايز منى اى حاجة اصورها فى العربية ؟
اجيب لك شوية صور قريبة من الحدث ؟
وادور لكم العربية واسمعكم صوت العربية مثلا والذى منه ؟
اهو ,, جايز تطلع بفائدة ؟



وكمان انا كلمت الاستاذ محمود دياب , راجل عالموقع هنا لسه عامل مشاركة واحدة
والله وكيل راجل ذوق اوى اوى اوى اوى
وتابع معايا وكلمنى شوية وقالى على شوية حاجات , بس برده موصلتش لنتيجة ..
وقالى ان سعره الاوتوماتيك يعمل حوالى 1700 جنيه .. -- حاسس اه غالى اوى --


بس كدا !!

[ماجد المصرى وبس]

المشاركة الأصلية كتبت بواسطة ENG/A.S.A بسم الله والصلاة والسلام على رسول الله وبعد .. عندى مشكلة يا جماعة ,, عندى عربية نوبيرا , موديل 98 ,, والعربية دى كانت مرفوعة وهى كانت بتاعة معاقين وكدا والمهم اشتغلت وزى الفل .. وفجأة فى يوم بدون اى مقدمات خالص ولا اى شىء لاقيت ال R بس شغال , يعنى بترجع للخلف زى الفل وكل غيارات الدفع الامامى معطلة الــ D و ال 1 وال 2 وال 3 واحاول يمين شمال , مفيش !! والفتيس صوته عادى جدا , مفهوش اى مشكلة !! عادى يعنى ومعملتش حاجة سابقة زى دى قبل كدا ؟ ولفيت ياما عالنت اشوف حل , لاقيت ان المشكلة دى بتتكرر وبيغيرو فتيس وكمان عرفت ان فتيس نوبيرا الاتوماتيك زبالة الزبالة !! ملحوظة // 1- لما بفتح كونتاك العربية بس ,, بلاقى المربع البرتقالى اللى مكتوب فيه Check l ظاهر .. ولما بدور العربية بقى ,, العلامة دى بتروح ومش بتظهر !! الكلام دا بعد المشكلة ,, لكن صراحة مش فاكر شفتها قبل كدا قبل المشكلة ولا لأ !! 2- قبل ما الفتيس يعطل بأيام قليلة خالص , كان ساعات دايما لما اعطى R عشان ارجع من الجراش وبعدها بسرعة ادى D بعد ما تكون وقفت , كانت ساعات بتفلت ومش بياخد الغيار الا لما احركه سنه صغيره كد او اغير الغيار وارجع تانى عال D بس مكنش فى بالى خالص !! قلت عادى يعنى 3- شفت قياس الزيت بتاع الفتيس , لقيته احمر وجميل , وزيادة عن ال Max كمان .. 4- انا صورت لكم كل حاجة بالموبايل , حتى قياس الزيت , ومشكلة ال check وكل حاجة , بس هبقى ارفعهم لكم هنا .. وفى النهاية تنويه بس للأداره // الطبيعى انك بعد التسجيل تشارك فى المنتدى ! حتى بعد ال activation بس ليه تقلبونى تلت اربع ايام لحد ما انسى الموضوع خالص !! لحد ما تفعلو العضوية ؟ مينفعش الكلام دا !! المشكلة مهمة ومحتاج انشىء موضوع والشكر موصول للجميع مقدم

يا باشا فداك اهم حاجه وكانك بتحكى اللى حصل معايا بالظبط والله وبرضه R اشتغل وكل النقلات باظت وكشفت عليه لقيته محروق وجيبت واحد اتسراد من ميت غمر وعامل 1300 تقريبا من حوالى 5 شهور وع فكره انا من المنصوره كمان وروحت لاحسن احد بتاع فتيس اوتوماتيك اسمه محمد على شارع حسين بيه بعد شارع الجامع ع اليمين لو عايو اى حاجه كلمنى ودا رقمى 0104159920 ماجد ولازم بالعقل ف النوبيرا وعربتى م 2003 ومتطلعش بسرعه او ترجع بسرعه وتغير زيت الفتيس كل 30000 كيلو وربنا يستر

[ENG/A.S.A]

شكرا لك يا استاذ ماجد ..
الله يصلح حالك يا اخى ..



بس الحمد لله العربية اشتغلت :D
ولله الحمد


جبت لها واحد محترم من عندنا اسمه , اسلام حموده , بيشتغل فى توكيل عيسى فى المنصورة
جالى المهم قعد يقرص على البنزين وعاتى غيار ويمسك فرامل , ويرجع تانى يدوس جامد ويمسك فرامل وهكذا ويغير الغيارات ويعمل نفس القصة دى ..
قامت بدات تتحرك سنة سنة بسيطة اوى ..
والحمد لله لحد ما مشيت ,, واشتغلت ورجعت تانى زى ما كانت تانى ولله الحمد ..


بس بيقولى وارد انها ترجع تانى ..
وهو شايف ان الفتيس عايز شغل جامد ولا يتحل ويتعمر ,, ومش ينصح بأننا نجيب واحد تانى ..
قالى الفتيس دا زى البطيخة .. ممكن تجيبه يطلع قرعه !!


المهم بيقول انها عايزة استك وحاجة كمان .. ولو فتح فيه ممكن يلاقى حاجات تانية ..
بس حل المشكلة دى فى استك وحاجة كمان بس ..


المهم ان العربية شغالة , وانا شغال بيها لحد ما نقرر هنعمل الشغل اللى فيها امتى ..
والشكر موصوع لجميع الاخوة الافاضل اللى دخلو الصفحة هنا واهتمو وردو عليا
اشكركم

[حسام البورسعيدى]

المشاركة الأصلية كتبت بواسطة ENG/A.S.A شكرا لك يا استاذ ماجد .. الله يصلح حالك يا اخى .. بس الحمد لله العربية اشتغلت :D ولله الحمد جبت لها واحد محترم من عندنا اسمه , اسلام حموده , بيشتغل فى توكيل عيسى فى المنصورة جالى المهم قعد يقرص على البنزين وعاتى غيار ويمسك فرامل , ويرجع تانى يدوس جامد ويمسك فرامل وهكذا ويغير الغيارات ويعمل نفس القصة دى .. قامت بدات تتحرك سنة سنة بسيطة اوى .. والحمد لله لحد ما مشيت ,, واشتغلت ورجعت تانى زى ما كانت تانى ولله الحمد .. بس بيقولى وارد انها ترجع تانى .. وهو شايف ان الفتيس عايز شغل جامد ولا يتحل ويتعمر ,, ومش ينصح بأننا نجيب واحد تانى .. قالى الفتيس دا زى البطيخة .. ممكن تجيبه يطلع قرعه !! المهم بيقول انها عايزة استك وحاجة كمان .. ولو فتح فيه ممكن يلاقى حاجات تانية .. بس حل المشكلة دى فى استك وحاجة كمان بس .. المهم ان العربية شغالة , وانا شغال بيها لحد ما نقرر هنعمل الشغل اللى فيها امتى .. والشكر موصوع لجميع الاخوة الافاضل اللى دخلو الصفحة هنا واهتمو وردو عليا اشكركم

الحمد لله ..

بس يا ريت تشرحلنا اكتر هو عمل ايه بالظبط .. وقالك العيب من ايه ؟؟

وهل العربية ماشية دلوقتى ميه ميه والغيارات كلها تمام وفى معادها وكده ؟؟

لو كده يبقى ممكن مشكلة فى الكهربا مش اكتر ..

بس عموما بلاش تصرف على الفتيس ده كتير يعنى اكتر من 200 - 300 جنية يبقى حرام .. لانه ممكن فى لحظة يرجع تانى لا قدر الله ...

والف مبروك ان الفتيس اتظبط ويا رب ما يزعلك تانى ...