نوبيرا 1500 سى سى و1600 سى سى

[موسى 1234]

المشاركة الأصلية كتبت بواسطة moko_2004 الاوروبي افضل كامكانيات وكماليات ولها عيبين فقط 1- البوابة بتاعتها اغلي شوية و نادرة عن العادي لأنها استيراد فقط 2- الفتيس الاوتو بتاعها قليل و يصعب الكشف علية عند مركز غير متخصص يعني لازم كومبيوتر في التوكيل ولكن احدث و افضل من الفتيس الموجود في الكوري و المصري واقل في الأعطال

انا شايف انك بكدا جيبت من الاخر يصعب الكشف علية

[تامر الفولى]

على فكره كل المواتير الأستيراد اللى فى بورسعيد كلها 1500
لأن كل الكورى اللى بينزل من بره 1500 ومش 1600
واللى هيقولك غير كدا يبقى بيضحك عليك
انا معاك فعلا ان الموتور ال 1500 تجميعه بطئ ويعل فعلا
وانما 1600 تجميعه أعلى لدرجة أنى شكيت فى عربيتى لأن أبن خالتى معاه نوبيرا وان 1600
وانا نوبيرا تو 1500
وربنا يوفقك ان شاء الله

[FAR!D]

المشاركة الأصلية كتبت بواسطة moko_2004 فية فرق بين الاتنين الموتور ال 1600 بيكون 105 حصان عند 5400 ار بي ام الموتور 1500 بيكون 108 حصان عند 6000 ار بي ام دة معناه ان 1.5 اقوي لكن لازم تحرق علية وده بيؤدي الي قلة العمر الأفتراضي + استهلاك اكبر للبنزين و ضعف في العزم علي الأر بي ام القليل دة كل الموضوع

الله ينور عليك 1500 اقوى لانها معايا بسم الله ماشاء الله

[Islam Samir]

يا جماعة عايز اعرف بالضبط ايه هى قطع الغيار المختلفة بين الاتنين عشان مش كل ما اروح لميكانيكيى و يطلب حاجة احتاس و مبقاش عارف اللى هاجيبها دى بتاعة النوبيرا العادية ولا الاوروبى؟؟؟
يعنى مثلا اللى انا عرفته البوابة و الضفيرة .. ايه تانى بقى؟؟
يا اما لو حد يرشدنى على ميكانيكى متخصص دايو و عارف ايه اللى نوبيرا و ايه اللى مش نوبيرا و يكون فى صقر قريش او المقطم او الحى السادس سبقى برده عمل فيا جميل
وشكرا