|
مكافحة سرقة السيارات موضوعات حماية السيارات من السرقة و للاعلان عن سيارات مفقودة ( مسروقة ) |
|
أدوات الموضوع |
#1
|
||||
|
||||
الان كل ما يمكنك فعلة لكى تحافظ على سيارتك من السرقة
السلام عليكم ورحمة الله وبركاته
انا كنت عملت موضع قبل كده بستفسر فيه من الشيخ طارق جزاه الله خيرا عن كيفية الحفاظ على السيارة من السرقة وكان الجواب ان يتم عمل مفتاح فصل لدائرة الكهرباء وقد وعدت الشيخ طارق انى اكتب الاسعار اول ما اعمل كده ملحوظة:اللى هنعملة ده مش هيحفظ السيارة من السرقة 100% بس انت بتحاول تقلل فرصة السرقة الى اقل حد ممكن والافضل من هذا كلة انك وانت بتركن العربية تقول (استودعكم الله الذى لاتضيع ودائعة) ووالله الذى لا اله الا هو لن تسرق سيارتك لانها وديعة عند رب العالمين. المهم انا قررت اعمل الاتى 1:مفتاح فصل 2:انذار 3:سنتر لوك اتوكلت على الله ورحت مكلم الكهربائى (الكهربائى ده شاطر جدااااا الله اكبر علية بس عيبة غالى شوية بس راجل متعلم الكهرباء على اصولها) المهم الراجل قالى ماشى وشوف هتعمل امتى و الكلام ده كلة هيكلفك 200 جنية وبعد فصال بقى 170 المهم رحت عند محل اكسسورات كبير عندنا فى المنطقة واشتريت جهاز انذار ولف = 150 جنية و سنتر لوك ولف = 70 جنية يبقى كلة = 220 يبقى كلة كلة =220+170=390 جنية مع العلم الانذار علية ضمان 5 سنين ومن اجهزة الانذار المشهود لها بالكفائة مع العلم انه تقفيل مصر بس جودة عالية جدا المهم روحت عند الكهربائى النهاردة الساعة 11 بليل وركب اجهزة السنتر لوك وقالى سيب العربية وبكره نكمل القصة بعد لما يخلص وعالى فكرة نوع العربية 128 وهو اللى خرم مكان مواتير السنتر وقالى جهاز الانذار هلفهولك فى كيس علشان مفيش مياه تاثر فيه وقالى لو عاوز تخلى زجاج كهرباء للبابين اللى قدام هجيبلك مكن كورولا او لانسر وبالتركيب وكلة حوالى 350 جنية وهتاخد ضمان منى لو حصل حاجة تاخد فلوسك تانى وهذا ما اتذكرة اليوم وغدا نكمل ان شاء الله بعد التركيب و جزاك الله خيرا يا شيخ طارق ملحوظة ارجوا ان تدعوا لى الله عز وجل ان يهدينى وان انجح فى دراستى وان يغفر والداى و المؤمنين |
#2
|
||||
|
||||
رد: الان كل ما يمكنك فعلة لكى تحافظ على سيارتك من السرقة
موضوع مهم جدا مفتاح فصل لدائرة الكهرباء للحفاظ عليها من السرقة
|
#3
|
||||
|
||||
رد: الان كل ما يمكنك فعلة لكى تحافظ على سيارتك من السرقة
بسم الله الرحمن الرحيم
النهاردة بدأنا تركيب الاشياء اللى ذكرتها عند الكهربائى والعمل اخد حوالى 4 او 5 ساعات وتم الاتى 1:تركيب الانذار 2:توصيل السنتر الذى تم تركيبة امس على الانذار ليعمل كلة مع بعضة 3:تركيب مفتاح فصل بحيث العربية تدور مارش فقط 4 تركيب نور للطابلوه من تحت بحيث ينور منطقة ارضية الكرسين الامامين بعد كل هذا اليكم اللمميزات للانذار والسنتر 1:الانذار اكتر من ممتاز و متطور جدا و يمكن اضافة اكثر من مفتاح علية 2:يتم التحكم فى كل خصائص السنتر من ريموت الانذار 3:يمكن اضافة جهاز سنتر لشنطة العربية وفتحا بزرار فى الريموت مخصص لكده (الكهربائى قالى هتكلفك حوالى 60 جنية طبعا انا الحصالة اللى معايا فضيت وقلتلة بعدين بقى) 4:يمكن عمل زجاج كهرباء وتوصيل وحدات الرفع على الانذار 5:العربية لو نسيت تقفل الابواب هى بتقفل لوحدها بعد حوالى 30 ثانية 6:اول ما تفتح العربية ومشيت خلاص ومع اول دوسة للفرامل قفل الابواب الاربعة يقفل و لما تبطل العربية وتشيل المفتاح من الكونتاكت الاقفال بتفتح لوحدها 7:يوجد ريموت من الاثنين به حديده ممكن توديها لبتاع المفاتيح يعملك عليها مفتاح الكونتاكت ولو عملت سنتر للشنطة يبقى كلة فى مفتاح واحد بس من غير اى مفاتيح 8:بعض الاضافات يمكن اضافتها وهى مثلا لو واحد سرق العربية لا قدر الله يمكن من الريموت ايقاف العربية و قفل السنتر على السارق لحين التصرف (طبعا الحكاية ديه لو انت لحقت العربية واللى بيسرقها موجود فيها) بس كده وهى ديه كانت حكايتى مع زيادة معدل الامان من السرقة فى العربية بس بردوا مفيش فايده بدون التوكل على الله عز وجل وارجوا ان تدعوا لى ان يوفقنى الله فى دراستى وان يغفر لى ولوالداى و للمؤمنين والمؤمنات الاحياء منهم والاموات اخوكم فى الله سيد السلام عليكم ورحمة الله وبركاته |
#4
|
||||
|
||||
رد: الان كل ما يمكنك فعلة لكى تحافظ على سيارتك من السرقة
حاسس ان الموضوع مش عاجبكم فين الردود الحلوه منكم
|
#5
|
||||
|
||||
رد: الان كل ما يمكنك فعلة لكى تحافظ على سيارتك من السرقة
تسلم ايدك يا باشا على الموضوع
__________________
جميع المواضيع منقولة للأمانة لا تجادل احمق فانه ينَزلك لمستواه ثم يغلبك بالخبرة |
|
|