انا ليه اختارت أسبرانزا m11 هقولكم

المشاركة الأصلية كتبت بواسطة سلوى محمد بريقع السلام عليكم نويت باذن الله ان اشترى m11 لو سمحت تقول لنا بعد تجربتك لها عذه الفترة ما رأيك فى أدائها عموما و بعد استخدامك لها هذه الفترة التى لا بأس بها مهندسة / سلوى

السلام عليكم يا بشمهندسه
بالنسبه للعربيه فوق الممتازة
انا دلوقتي عامل 4000 كيلو وخلاص فاضلي حبه فكه واوصل ل 5000 كيلو و الصيانه
مفيش اي عيوب مواجهاني و لله الحمد
عربيه تنفع جدا شبابيه " حركات و لعب و غرز و تخميسات " وحش الغرز بمعني الكلمه
العربيه ثباتها فعلا روعه جربتها فوق ال 80 مره وكل مره تثبت كفائتها عن المره الي قبلها
عندها قدره غير طبيعيه علي التحكم في الدركسيون في السرعات العاليه
انا من هوات السرعات والله بجيب ال 200 ولا اكني ماشي علي 200 اكني ماشي علي 90
ثبات جدا وهدوء في العربيه ولو مشغله التكيف و الله الي معاكي هينامو ولا هيحسو بالوقت
اخت بيها من المنصوره لطنطا "56 كيلو " والله ب تلت ساعه والي عطلي كده المطبات باستهلاك بنزين بالتكيف " 20 جنيه رايح جاي "
اخت بيها من طنطا لاسكندريه "124 كيلو " في نصف ساعه و خمس دقايق باستهلاك بنزين "35 جنيه رايح جاي بالتكيف رايح جاي "
اخت بيها من طنطا للقاهره "96 كيلو " نثف ساعه بالظبط باستهلاك بنزين 27 جنيه باتكيف رايح جاي "
وكل دي الارقام السفر بدري في حدود الفجر الطريق هادي و فاضي
كاستهلاك بنزين كويسه جدا
كسرعه و ثبات و قوه جميله جدا
كتكيف تلالالاجه
كفرامل روعه ماشاء الله
كقوة و الله ساجها ماشاء الله صلب جدا
والله دخلت فيا عربيه زباله كبيره ونش كبير في اسكندريه و العربيه اتنطرت مني نازل اشوفها قولت بس خلاص العربيه ضاعت
والله خربوش مش حتي الصاج اتني بقول لحضرتك خربوش
نفس الموقف راكن في طريق فيه ميل عربيه نقل كبيره جدا شايله علي اخرها حموله وراكنه قدامي العربيه ريحت مسافه لا تقل عن 5 كتر يعني نازله بقوة و حموله عاليه جدا
والله الصاخ بس حصله تانيه بسيطه جدا تيجي تترد علي البارد
يعني خلاصه وزنها مناسب جدا للبور و الموتور
ومتسمعيش كلام حد انها وحشه او موتورها وحش او في زنه او بالازاز وش
ككسيت روعه فعلا ماشاء الله
بصراحه انا بسافر بيها يوميا و كل يوم في بلد شكل مفيش اي مشاكل نهائي ماشاء الله
بنزين 92 كويس جدا فيها
انا عربيتي فضي زي الي في التوقيع
وشايف ان ده اكتر لون بيخبي التراب و بيبان جمالها فيها
اتوكلي علي الله و اشتريها و اي حاجه انا تحت امر حضرتك
انا مهندس مدني من طنطا
م/ احمد ابوالاسعاد

[abo-salama]

مبروك عليك وربنا يحميها لك

[toto toto]

ربنا يحفظهالك ويحميها لك يارب

[mohamed saied]

المشاركة الأصلية كتبت بواسطة rotana_cinemaa انا كان عندي دايو لانوس عربية جميلة قعدت معايا 3 سنين كنت شاريها مستعملة المهم وبكل صراحة كان شكلها نوعا ما جميل بالنسبالي وسعرها في المستعمل رخيص وكمان كنت بحطلها بنزين 80 وطبعا ده كان توفير بالنسبالي كبير جدا قطع الغيار كانت عند البقال زي مبيقولو لكن كنت حاسس اني راكب عربية قديمة شكلها محفوظ من سنة 1997 كمان بقت تاكسي وده غاظني اوي لاقيت موديلات في التاكسي زي تيوتا وفيرنا والنترا واسبرانزا a516 موديلات جديدة وجميلة حواليا تاكسيات بدئت أحس بعدم رضا من الدايو الانوس كمان حصلي حادث بسيط جدا والحمد لله وهو ان الدايو كنت ماشي بيها بسرعة عادية وموش كبيرة وفجاة وقف قدامي عربية مرسيدس ركبت علي الفرامل طبعا زحفت وصرخت ووقفت بعد مدمي نشف وكانت خبطت شنطة العربية المرسيدس خبطة خفيفة الخبطة دي معملتش في شنطة المرسيدس حاجة لكن بهدلت الأقصدام عندي ووش الكبوت ساعتها حسيت اني راكب عربية مصنوعة من الورق وشكلها بعد الخبطة بقي وحش جدا وزاد جوايا بقي الأحساس بأني لازم أغير العربية المهم فترة بقي التفكير في التغير ياتري اجيب أيه 1 _ الهيونداي مثلا مهي فيرنا وتاكسي وبردو صاجها اي كلام وفارملها تيل عادي ولا abs ولا حاجة 2 _ الدايو الشيفورلية مثلا مهي نفس العربية ونفس الصاج وكل شيئ وفرامل عادية وتاكسي مغرق الدنيا 3 _ الأوبترا مثلا نفس الصاج ونفس الفرامل ونفس الشكل طيب اغير بقي خالص واشتري حاجة غريبة 4 _ الماتريكس هي هي عربية حلوة وكبيرة لكن نفس الفرامل وغالية فوق 80 الف جنيه ومن غير الاوبشن والكامليات 5 _ بروتون جين تو بصراحة شكلها جميل وسعرها حلو وموش تاكسي ولا منتشرة أوي الله طيب والكماليات والاوبشن مفيش طيب ايه الحل بقي انا زهقت وموش قادر اخد قرار سألت نفسي انا عايز أيه بالظبط لاقيت نفسي عايز عربية اولا متعديش 80 ألف جنية وثانيا فيها كل الأوبشن وثالثا شكلها شيك جدا ومختلف جدا وموش منتشرة ورابعا صاجها متين وفراملها abs وخامسا وسادسا وسابعا والله العظيم مالاقيت غير أسبرانزا m11 حبيبتي شكلها تحفة مليانة أوبشن كاملة موش منتشرة وموش تاكسي وفيها abs وفيها كمان الي عرفته بعدها abd توزيع الفرامل وصاجها بجد جامد جدااااااااااا الله وسعرها 75 ألف جنية للدرجادي روحت شوفتها في المعرض بتاع المصرية أتجننت عليها شوفت التيجو 1600 بردو اتجننت عليها المهم الحيرة بقت بالنسبالي في الأختيار بين عربيتين مجنني وبفكر فيهم ليل نهار التيجو 1600 ولا أسبرانزا m11 المهم فكرت وأستشارت تاني نصحوني بعض الناس بالتيجو والبعض بي m11 وانا محتار والقرار صعب وعيني وقلبي كانو متجههين للتيجو 1600 بصراحة أكتر من m11 المهم واحد صاحبي اشتري التيجو 1600 وشوفتها معاه بالصدفة وسوقتها وأتكيفت أوي وسألتو رأيك ايه بصراحة خوفني قالي العربية ناشفة وبطيئة والماتور موش قادر عليها والعفشة موش قادرة علي وزنها وجرها بدأت أفكر ازاي وقولت صاحبي يمكن موش عايزني اجيب عربية زي عربيته روحت بقي أشتري لأني خلاص موش قادر أعيش من غير عربية والقرار كان تيجو 1600 المهم من الناس الي معرض المصرية ومعرض تاني غير المصرية لاقيتهم بيرشحولي ال m11 وبيشكرو فيها جدا ولاقيتهم عندهم نفس الكلام بتاع صاحبي ان التيجو 1600 ضعيفة وال 2000 هي الي ملهاش حل وانا موش هقدر علي تمنها المهم روحت متخذ قرار وانا في المعرض والله شوفو النصيب بقي عندكم أسبرانزا m11 أيوة الوان أيه فضي وأسود لاء هاخد الأسود العربية شبه الكيا سيراتو والعربية فخمة أوي في اللون الأسود أشتريتها وانا مرعوب وقلقان وخايف لكن دلوقتي بعد مشترتها ب3 شهور ونص أحساسي أن ربنا كرمني بيها شكلها تحفة بجد ومجنن أصحابي ومعجبين بيها أكتر من التيجو كمان لاقيت التيجو منتشرة جدا 2000 وال 1600 موش منتشرة وأسبرانزا m11 لاقيتها موش منتشرة هي كمان وده عيب في توفير قطع غيارها وأكسسوارها وميزة بجد انها خداعة بشكلها الفخم والجميل والغريب ان ناس كتيرة جدا من مالكي السيارات بجميع موديلاتها بيوقفوني ويسألوني عن سعرها وبيناتها وحبينها ومعجبين بيها جداااااااااااااااا ولحد بقي متنتشر وتبقي تاكسي اكون انا خدت متعتها ادعولي ربنا يباركلي فيها ويبعد عني العين والحسد وربنا يوفق ويكرم كل الي يختار زي حلاتي عربية سعرها جميل وكل شيئ فيها جميل من شكل وامكانيات وفخامة واوبشن كامل وعيبها الوحيد بالنسبالي عشان انا طماع هههههههههه أن مفيش منها فتيس أتوماتيك حتي لو 80000 كنت هشتريها عشان المانيوال تعبت منه اوي بصراحة وزهقت لكن والله غيارتها ناعمة جدا جدا كانها أتوماتيك وأسف طولت عليكم ونصيحة اعرف امكانياتك المادية واحتياجاتك أيه والباقي علي الله والي ليك فيه نصيب هتشوفو وأسيبكم في رعاية الله

الف مبروك وربنا يباركلك فيها وعلى فكرة انا برده العربية ديه عجبانى وسعرها دلوقتى 70000 جنيه

[kemo87]

انت عندك حق انا فعلا العربية لفتت نظري....ربنا يباركلك فيها ...بس ياريت لو في حاجة لقدر الله ظهرت فيا تقولنا.......و1000000مبرو ك