مشكلة فى استهلاك البنزين

[حسام البورسعيدى]

هى الرشاشات بنسبه كبيره ...

وفى حاجة كمان مهمة انت مش اخد بالك منها وهى فلتر الهوا ..

اكشف الاول على فلتر الهوا ولو وحش غيره ..

بعد كده غير الرشاشات الاربعة برشاشا اكسنت لو تنفع تركب عندك وتمنهم حوالى 200 جنية بالكتير استيراد (الاربع رشاشات) ..

وباذن الله المشكلة هتروح .......

[samirayad]

المشاركة الأصلية كتبت بواسطة buzzmusic انا معايا نوبيرا 1 97 مانيول وبردو استهلاك البنزين عالى جداً عندي انا غيرت طلمبة البنزين لانها كانت خلاص ضايعة والعربية بتعطل في السلانسية الحمدلله غيرتها والعطل راح لاكن في عطل تانى ان العربية في رعشة قوية في الديركسيون وروحت للمكانيكي ووضعنها على الجهاز وقالى لي الرشاشات لازم تتغير لانها السبب بس مفيش اي حاجة طلعت بتقول الرشاشات على جهاز الكمبيوتر، ولما ركبت الطلمبة الجديدة في تأخير في الدوراة اظن كدا ان فعلا الرشاشات هي السبب وانشاء الله خلال الاسبوع دا هاغيرها ، هي حد لي تفسير للرعشة القوية غير الرشاشات وهل لما اجيب رشاشات اجبها هيونداي ام اجيب رشاشات النوبيرا الاخ الفاضل اللى غير الرشاشات واتحلت المشكلة نرجو الافادة لو سمحت

14-06-2010, 05:48 AM

[حسام البورسعيدى]

المشاركة الأصلية كتبت بواسطة buzzmusic انا معايا نوبيرا 1 97 مانيول وبردو استهلاك البنزين عالى جداً عندي انا غيرت طلمبة البنزين لانها كانت خلاص ضايعة والعربية بتعطل في السلانسية الحمدلله غيرتها والعطل راح لاكن في عطل تانى ان العربية في رعشة قوية في الديركسيون وروحت للمكانيكي ووضعنها على الجهاز وقالى لي الرشاشات لازم تتغير لانها السبب بس مفيش اي حاجة طلعت بتقول الرشاشات على جهاز الكمبيوتر، ولما ركبت الطلمبة الجديدة في تأخير في الدوراة اظن كدا ان فعلا الرشاشات هي السبب وانشاء الله خلال الاسبوع دا هاغيرها ، هي حد لي تفسير للرعشة القوية غير الرشاشات وهل لما اجيب رشاشات اجبها هيونداي ام اجيب رشاشات النوبيرا الاخ الفاضل اللى غير الرشاشات واتحلت المشكلة نرجو الافادة لو سمحت

الرعشة دى لو معاها برجلة فى الموتور يبقى احتمال الموتور متلت يعنى ماشى 3 سلندر بس والعيب يا اما فى بوجيه فاصل او رشاش فاصل فحرام تغير الاربع رشاشات
غير اللى بايظ بس .. وممكن تكشف عليه بنفسك علشان تعرف اى واحد زى طريقة الكشف على البوجيهات بالظبط (انك تفك كابلات البوجيهات بالترتيب والكابل اللى مش هيخلى الموتور يطفى لما تفكه يبقى هو ده اللى فيه المشكلة)

لما تكتشف السلندر اللى فيه مشكلة طبعا اى ميكانيكى هيقولك على طول هات طقم بوجيهات .. قله لا بدل البوجيه اللى فى السلندر اللى فاصل باى بوجيه تانى من السلندرات التانية .. لو دار الموتور زى ما كان ومفيش فرق يبقى العيب من الرشاش ... لو حصل فرق والموتور مرداش يدور يبقى العيب من البوجيهات .....

[محمود يحيي ابراهيم]

هيونداي صدقني بس اختبرهم علي الجهاز الاول عشان تبقي ماشي سليم ولو متعرفش مكان انا اعرف

[yoga]

الوقت الطبيعى اللى المفروض الرشاش يفتح فيه قد ايه ؟

لان انا عندى ع الجهاز بييفتح 2.56 وينزل ع 1.79 يعنى مش ثابت ع 2.56 ودا من راى الميكانيكيه اللى كشفو ان الرشاشات تتغير هل الكلام ده صح ام خطأ؟