|
|||||||
| رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand. |
 |
|
|
أدوات الموضوع |
|
#16
19-09-2011, 04:17 PM
|
||||
|
||||
رد: لماذا اشتريتك يا لوجان ؟
اولا 1000 مبروك اللوجان ثانيا شرف كبير انضمام واحد لية التجارب دي لمالكي اللوجان ونرجو استمرار تبادل الخبرات ما بينا - ومتابع بشغق
__________________
فى كل شارع فى بلادى صوت الحريه بينادى     Ashraf Kerima
|
|
#17
19-09-2011, 07:42 PM
|
|||
|
|||
|
رد: لماذا اشتريتك يا لوجان ؟
اولا شكرا لكم جميعا على اهتمامكم و ردودكم الجميلة دي ..
و نكمل .. قررت انه انا لازم اشتري عربية.. في ناس شايفة العربية دي كماليات بس في حالتي انا العربية دي ايدي و رجلي لانه انا عندي شغل كل يوم في حدايق الهرم و اكتوبر و المهندسين ( التلاتة يوميا ) ده غير مرور صباحي على الكلية بتاعتي في القصر العيني مرة او مرتين في الاسبوع اي نعم .. انا عندي 30 سنة و لسه بروح الكلية  ده غير الطوارئ ..الساعة 4 الفجر مثلا في عز البرد و شوارعك يا اكتوبر مفيهاش صريخ ابن يومين.. يعني العربية اساسية لشغلي و تنقلاتي و حياتي اليومية اضف الى ذلك اني راكب عربية من اول ما طلعت رخصة و متعود الاقي عربيتي تحت رجلي.. فقررت انه لازم اطلع اللي تحت البلاطة و اشتري اي عربية و قرش من هنا على قرش من هنا لقيت معايا 40 الف و استشرت الاصحاب و المعارف.. والدي طبعا كان بيشجع الزيرو .. اما الاصدقاء على القهوة فكان في 4 اراء الاول بتاع الناس العاقلين انزل اشتري عربية مستعمل على قد فلوسك لغاية لما ربنا يكرمك و تغير .. و في الحالة دي تبقى عربية بياعة زي الاكسنت او الاكسيل او اللانوس علشان لما اجي ابيع متاخدش وقت.. و انت شايف حال البلد و اللي معاه قرش بينام عليه و الثورة و الكلام ده .. الثاني بتاع الناس العمليين انه اشتري زيرو على اد حاله و اقسط لانه الزيرو لا يعلى عليه.. الثالث بتاع الناس الرايقين انت راجل ركيب و ليك مزاج تشتري عربية جامدة زي الجيتا او الاوكتافيا كسر زيرو (عاملة 70 - 80 الف كيلو كده ) و تدفع اللي معاك مقدم و تقسط الباقي.. الرابع بتاع الناس العاقلين اوي اوي اوي انه بلا عربية بلا وجع دماغ دي بيت تاني يا عم الحاج و قضيها تاكسيات و ميكروباصات.. طبعا فيما عدا الرأي الرابع دماغي كانت بتروح و تيجي و مكدبش عليكم ..قلبي هفهف على الزيرو ..انا شاب فرفور و متعود عليه و مرة خدت مقلب في الفيليشيا و ربنا ستر و طلع صاحبها محترم و رجعها .. و كمان الاكسل تعبتني (موش اوي) بس كفاية انها رجعتني للاخوة حبابيبنا الصنايعية لاني كما اوضحت من قبل ضليع في الميكانيكا و لو وقفت مني هركنها على جنب و اسيبها و اروح اشوف عيانيني  و حكاية اني اقسط في عربية محترمة كسر زيرو دي خوفتني ..طب افرض عملتها معاك و انت عليك قسطها هتعمل ايه ؟؟ .. من ناحية هي العربية اتجربت قبل كده فمفيش خوف من عيوب الصناعة ومن ناحية تانية انت هتأمن عليها زي الزيرو فلو حصل حاجة التأمين هيشيل ..و عربية الاحلام بقى و هنعيش ..بس لو لبست في واحدة فيها فتيس و لا عفشة و لا اي حاجة من الحاجات اللى تخنق دي يبقى ازاي الحال بقى ؟؟؟ المهم خدت قرار الزيرو و قلت هي عربية بسبعين الف جنيه اخلصها على تلات سنين و ربك هو اللي بيرزق.. وكل برغوت على اد دمه ..و لحافك على اد رجليك و الكلام ده.. و طبعا كان اول اختيار ليا هو البونتو الكلاسيك ( تأثير الابيزا تاني ).. و ركز معايا ..بونتو اللي كل الناس بتشكر فيها كعربية بس كل الناس اجمعت انه قطع غيارها نار و توكيلها سيئ للغاية .. بس برده الابيزا منغششة في دماغي و انما الحب هو الحب الاول  و نزلت المعرض و خدت مراتي معايا و قلت افرجها على البونتو و اللانوس و اللوجان و انا عندي نية اكيدة ان اقنعها بالبونتو ..  خدتها بمنتهى الطيبة و البراءة ..و اول ما شافتها ...ايه دي..مالها كده شبه المكواة ..دي قريبة اوي من البولونيز ؟ مكواة ... و بولونيز ...البونتو يا مفترية اللي مفيش حد في مصر موتورز كلها بجلالة قدرها قال عليها كلمة وحشة بقت مكوة و بولونيز .. و بعدين احنا هندفع سبعين الف في عربية هاتشباك ..لا لا لا..انت ناسي انه انا حامل و هيبقى في بيبي و محتاجين عربية واسعة علشان خاطر حاجاته ..انسى الهاتشباك و هات عربية سيدان ..اللوجان شكلها حلو ..و اللانوس شغاالة برده .. حامل و بيبي و حاجات البيبي ..الا ليت الشباب يعود يوما ..الله يرحمك يا ايام العزوبية  المهم قلت خلاص يبقى لانوس ..لأني كنت ركبت اللوجان مع واحد صاحبي بس ركبت ورا و كنت حاسس انها عربية فقرانة من الاخر ..و الناس اللي داوشانا بيها دول فرحانين بيها ليه ..دي كحيتي خالص قام الاخ بتاع المعرض مارس هوايته المفضلة و لعب في دماغي انا و المدام يا دكتور حضرتك هتدفع 40 الف مقدم و هتدفع 800 جنيه قسط خليهم 50 الف و تدفع 1000 و لا 1200 و تجيب الاكسنت الاربي حاجة جديدة و محترمة و تقف اسد قدام العيادة  طبعا مراتي شافتها و انبهرت ...بس عيب عليكم فورا اتجهت الى المنتدى و عملت جلسة عاجلة على القهوة و قمنا و اتفرجنا على العربية و توصلنا في القهوة و هنا في مصر موتورز الى انها مقلب.. غالية جدا على الفاضي ..شكل وبس يعني بسعرها ممكن يبقى معاك لانسر او النترا او سيراتو و حذفت الاربي من دماغي و قلت اللهم اخزيك يا شوشو احنا قلنا سبعين اللي ودانا للميات اعقل يا متهور و رجعت لقرار اللانوس من تاني.. ثم حدث شيئ مصيري .. صاحبي اللي معاه اللوجان خلاني اجربها .. و اكتشفت انها حاجة تانية خالص عن اللانوس و الافيو و الاكسيل و الكلام ده خااااااااالص حاجة قريبة كده من الابيزا و اللانسر حبابيب قلبي .. سواقة جامدة مفيهاش احساس انا بسميه السواقة البلاستيك بتاع الكوري... بس برده فقرانة  المهم ..رجعت لمراتي كالاسد الهصور و قلتلها خلاص لوجان ...احسن مليون مرة من اللانوس فمراتي ضحكت و قالت بونتو -- لانوس -- ار بي -- لانوس --لوجان ربنا يكملك بعقلك يا عم القرارات الحازمة و كالعادة كنا قاعدين على القهوة بنتشاور قام واحد صاحبي مارس الهواية المفضلة و هي اللعب في الدماغ و قالي تعال اوريك عربية جامدة هتغير تفكيرك ... و وراني الرينو الاسكالا ... و الحكاية لسه طويلة و انا كده طولت عليكم و نكمل بعدين تقبلوا سلامي جميعا  - يتبع -
__________________
Dr.wael el7yran
|
|
#18
19-09-2011, 08:08 PM
|
|||
|
|||
|
رد: لماذا اشتريتك يا لوجان ؟
أسلوبك مشوق للغاية يا دكتور
متابع بشغف
|
|
#20
19-09-2011, 10:02 PM
|
||||
|
||||
رد: لماذا اشتريتك يا لوجان ؟
ياريت الفاصل ميطولش متبقاش زى القنوات اللى بطول فى الاعلانات والناس تنسى انه كان فيه مسلسل اصلا
بس بجد هنفضل منتظرينك عشان الموضوع مهم لناس كتير
__________________
|
|
|
|
