صور سيارة خالد خليفة رحمه الله بعد الحادثه

المشاركة الأصلية كتبت بواسطة AboNoRa ربنا يرحمة ويصبر اهله ويوسع عليه وعليهم برحمتة انا شايف انهم لو هيقدرو يستخدمو العربيه تاني يبقى الافضل تتصلح لكن لو كده كده هيبيعوها سواء متصلحة او متكسرة واللى يهمنا هو ان اكبر قيمة مادية توصلهم يبقى الحسبة تختلف اولاً لازم مقايسة دقيقة تتعمل علشان نعرف بالظبط تكاليف الاصلاح كام ... مينفعش بالنظر كده والصور حتى مش واضحة اوى القوائم واضح ان بعضها تأثر والسقف متطبق والموتور محدش عارف حالته عاملة ازاى فممكن العربيه تتكلف اكتر من اللى احنا متصورينة صاج وسمكرة وعفشه وموتور واكسسوارات فعلشان نفكر صح لازم قيمة الاصلاح تكون واضحة ونخصمها من القيمة المتوقعة للبيع فيه بعض الاعضاء قال انها تتباع ب 75 انا معتقدش لان السعر ده تتباع بيه موديلات 2008 - 2009 كاملة بحالة ممتازة وديه بعد الاصلاح هتبقى راشة جوه وبره وايرباج مفتوح وقوائم مش عارف مالها ده غير انى افتكر ان العداد كان عامل كتير فعلاً لان الله يرحمة كان بيسافر بيها كتير فاعتقد السعر ده كتير اوى ولو جابت 60 الف يبقى كويس نحسب ساعتها مثلا ان الاصلاح هيتكلف 20 الف نطرحهم من ال 60 الف نلاقى ان اهل المتوفى هيوصلهم 40 الف لو احنا شيلنا من تكلفة الاصلاح النص هيوصلهم 50 لو ربنا قدرنا نشيل الملبلغ كله هيوصلهم ال 60 فاقترح فى الحالة ديه اننا نكون لجنة من عضوين تلاتة او اكتر ينسقو مع بعض للحصول على المقايسة واتمام الاصلاحات بدل ما واحد بس يشيل المجهود ده كله ويشتركو معاه فى الثواب كمان

فعلا كلامك مظبوط جدا يا ابونورا وانا بردك مش ممانع في اي تعاون واي حاجه هتحتاجوها انا تحت امركم بس بردك لازم اعرض الموضوع عليهم

المشاركة الأصلية كتبت بواسطة sam ram متهيألي ان مساهمات الاعضاء حتكون تبرع لوجه الله تعالى لأن صعب جدا اننا نرجع قيمه التبرع لكل الاعضاء المساهمين خصوصا لو جمعنا تبرعات كتيره من اعضاء كتيره بقيم مختلفه وساعتها ممكن كورسير يعرض الموضوع على اهله على ان قيمه الاصلاح حيتم خصمها من تمن البيع منعا لاحراجهم ... لكن نكون فاهمين ان التبرع ده لوجه الله تعالى ولاولاده الا اذا كان في اعضاء يقدروا يساهمو بمبلغ كبير لاصلاح العربيه على اساس انهم يستردوا المبلغ ده من تمن البيع ... ولهم الاجر و الثواب برضو موضوع ان العربيه تتصلح و يستخدموها تاني ده صعب شويه .. لأن ذكرى العربيه مؤلمه ... حيكون الافضل يبيعوها و يجيبوا غيرها

الله ينور عليك يا استاذ سامح وانا معتقدش انهم هيحتاجوها في حاجه لان جماعة خالد مبتعرفش تسوق وبنته لسه في تانيه اعدادي والمحل بتاعهم يعتبر قريب من البيت وخالد كان شاري العربية فقط علشان شغله اللي محتاج عربية دايما تحت رجله

الله يرحمه

[الأسد]

في شركة أسعارها معقولة لأنهم بيعرفوا يصرفوا اللي عندهم
شركة اولاد عبد الرحيم
208 ش ترعة الجبل
حمامات القبة, القاهرة
التليفون: 0224849088, 0123232843, 0124675320, 0102656881

[aymangalal]

الله يرحمك يا استاذ خالد ويجعل مثواك الجنه
شكرا لمشاعرك واخلاقك العالية يا استاذ احمد كورسير
وانا مع رأى الاعضاء الى قالوا تتصلح طالما ينفع وان شاء الله اهل المغفور له بإذن الله يستفيدوا منها او من ثمنها
و يا ريتنى اقدر اقدم اى مساعدة انا تحت امرك

المشاركة الأصلية كتبت بواسطة الأسد في شركة أسعارها معقولة لأنهم بيعرفوا يصرفوا اللي عندهم شركة اولاد عبد الرحيم 208 ش ترعة الجبل حمامات القبة, القاهرة التليفون: 0224849088, 0123232843, 0124675320, 0102656881

دي شركة ايه ديه يا بشمهندس شراء سيارات حوادث ولا تصليح واستعدال

المشاركة الأصلية كتبت بواسطة aymangalal الله يرحمك يا استاذ خالد ويجعل مثواك الجنه شكرا لمشاعرك واخلاقك العالية يا استاذ احمد كورسير وانا مع رأى الاعضاء الى قالوا تتصلح طالما ينفع وان شاء الله اهل المغفور له بإذن الله يستفيدوا منها او من ثمنها و يا ريتنى اقدر اقدم اى مساعدة انا تحت امرك

تسلملي يا استاذ ايمن واللي انا بعمله ده ميجيش صفر علي الشمال من جمايل خالد الله يرحمه عليا

[aymangalal]

المشاركة الأصلية كتبت بواسطة corsair اللي انا بعمله ده ميجيش صفر علي الشمال من جمايل خالد الله يرحمه عليا

ان شاء الله كل الخير اللى عمله يفضل فى ميزان حسانته.....
ومبادرة طيبة منك جدا يا استاذ احمد بعمل موضوع يجتمع فيه الاعضاء لتقديم شىء لاسرة الاستاذ خالد (رحمه الله)
جزاك الله كل الخير