صور سيارة خالد خليفة رحمه الله بعد الحادثه

المشاركة الأصلية كتبت بواسطة fineart607 اللهم ارحمة وارحم اموات المسلمين من صورته يتضح انه كان انسان محترم وطيب ربنا يدخلة فسيح جناته ويجعل قبره روضة من رياض الجنة

امين يا رب العالمين وجزاك الله كل خير

المشاركة الأصلية كتبت بواسطة mainz الله يرحمك يا خالد يا خليفه .

امين يا رب وجزاك الله كل خير

المشاركة الأصلية كتبت بواسطة tarbook الله يرحمه ويدخله فسيح جناته ويصبر اهله وان شاء الله نصيبه جنه الفردوس ان شاء الله انا رايى انها تتصلح احسن عشان سعرها كده بجد مجبش نص تمنها

جزاك الله كل خير وانا فعلا منحاز للرأي ده لان حرام بجد العربية تتباع حوادث القوايم بتاعتها سليمة وفيها جنب سليم بالكامل والسقف بالكامل سليم والصالون سليم بالكامل

المشاركة الأصلية كتبت بواسطة خالداعزالناس ربنا يرحمه ويدخله فسيح الجنات

امين يا رب وجزاك الله كل خير يا استاذ خالد

المشاركة الأصلية كتبت بواسطة ahmedemad السعر دة فعلا قليل اوى العربية تتلم بأقل من 10 الاف بس بره التوكيل وربنا يرحمه وفى الجنة ونعمها ان شاء الله

جزاك الله كل خير يا استاذ احمد وان شاء الله تتصلح وتتعمل وترجع زي الاول بأذن الله

المشاركة الأصلية كتبت بواسطة ahmed_harb777 الله يرحمه ويدخله فسيح جناته ان شاء الله وبارك الله فيك يا احمد

الله يباركلك يا ابو حميد وجزاك الله كل خير

المشاركة الأصلية كتبت بواسطة lover4ever8989 ربنا يرحمك يا استاذ خالد ويجعل مثوك الجنه بص يا حمد العربيه الشغل الى فيها سهل جدا والله العظيم لولا المشاكل الى انا فيها كنت جيت خدت العربيه ورجعتها بعد اسبوعين احسن من الزيرو وعلى فكره كل تجار الحوادث هيبخسو فيها حتى لو كانت حدثه خفيفه انا من رايئ انها تتصلح ومش هتصرف من 12 الى 15 الف بالكتير بس المهم الصنيعى الى يشدها يكون نضيف ابعد عن التوكيل هيكلفك كتير ده عن تجربه والله فى صنايعيه انضف من التوكيل وبعد ماتخلص هتتباع ب 75000 على الاقل اهل المرحوم خالد اولى بيهم احسن من 28 الف ولا انتا رايك ايه لو احتجت اى حاجه كلمنى وان شاء الله ربنا يقدرنى واعرف احلهالك

الله يباركلك يا ابو حميد ويعزك وانتا فعلا كلامك مظبوط وبأذن الله انا هكلمهم النهارده واعرض عليهم تصليحها واللي فيه الخير يقدمه ربنا

المشاركة الأصلية كتبت بواسطة memodina1 رحم الله جميع امواتنا ورحم استاذ خالد سعيد بس بصراحة العربية مش عاملة حادثة جامدة اوى فراى مع الاعضاء انها تتصلح افضل وفعلا انا مع الراى انى كلنا نشارك ونصلحها بس امانة عايز اعرف الله يرحمة توفى فى هذا الحادث ولا الحادث قديم وهو توفى عادى بمرض او ما شابة واسف على السؤال

امين يا رب العالمين وجزاك الله كل خير

وخالد الله يرحمه توفي نتيجة انه فوجئ بتحويله علي الطريق الصحراوي مصر اسكندرية وملحقش يفاديها والعربية اتقلبت بيه وتوفي وانتقل الي رحمة الله

وان شاء الله انا هعرض علي اهله الموضوع وربنا يسهل وتتصلح

المشاركة الأصلية كتبت بواسطة حسام البورسعيدى رحمة الله عليك يا استاذ خالد .. اللهم اسكنة فسيح جناتك واجمعنا به فى صحبة سيدنا محمد عليه الصلاة والسلام ... العربية تتصلح يا كورسير باذن الله ... وعلشان تتعمل صح و بنضافة هتتكلف حوالى 15 الف .. بس يا ريت الشاسية يكون سليم .. ولو احتاجت اى حاجة من بورسعيد قولى بس .. والله الواحد يتمنى يرد ولو جزء من جمايل استاذ خالد رحمة الله عليه ... مبدئيا يا كورسير العربية لازم يتكشف عليا كويس ويتعمل حصر بكل المطلوب علشان نقدر نحدد هتتكلف كام .... وجزاك الله كل خير يا كورسير .. متابع ..................

جزاك الله كل خير يا حسام باشا وان شاء الله اهل خالد يوفقوا ونجيب حد يحصر اللي هيتعمل فيها وربنا يسهل بأذن الله

المشاركة الأصلية كتبت بواسطة acasper3d الله يرحمه ويغفر له انا مش مشارك اوي في المنتدي .بس كنت اعرف خالد الله يرحمه من المنتدي وكان شخصية محترمة وربنا يرحمه ويغفر له وان شاء الله في الجنة . بس انا اسف علي كلامي ده بس تقريبا كده خالد توفي في الحادثة عشان مكنش لابس الحزام .هي الحادثة واضح انها بعيده عن كرسي السائق بس غالبا عدم لبس الحزام بيخلي airbag ميفتحش . والله يرحمة ويحسن مسواه وياريت يجماعة كلنا نلبس الحزام كأمان بس مش اكتر

هو الله يرحمه فعلا مبيحبش يلبس الحزام وهو سايق وكمان الايرباج كانت فتحت قبل كدا في حادثه قديمة ولقها هتتكلف 10000 جنيه علشان ترجع زي ما كانت

المشاركة الأصلية كتبت بواسطة حازم شاهين رحم الله خالد خليفة اﻹصلاح هو اﻹختيار اﻷفضل طبعا و إن شاء الله بعد اﻹصلاح العربية تجيب سعر كويس ﻷهل المرحوم

جزاك الله كل خير

المشاركة الأصلية كتبت بواسطة خالدصالح الله يرحمه ويحسن اليه

امين يا رب وجزاك الله كل خير يا استاذ خالد

المشاركة الأصلية كتبت بواسطة ابوشروق اللهم أرحم أخونا خالد واسكنه فسيح جناتك

امين يا رب وجزاك الله كل خير يا ابوشروق

[mahmoudey]

ربنا يرحمه، وفى الجنة إن شاء الله

وربنا يصبر أسرته ويكرمهم بالخير

--