كل شىء عن تصميم وانشاء المواقع للهواية او تحقيق الارباح

[AbOnOrA]

المشاركة الأصلية كتبت بواسطة _amr.mostafa_ شكرا استاذ وائل مجدي على الشرح المقدم من حضرتك انا كان عندي استفسار انا قريت خبر من يومين عن ان الشركة ممكن تشتري نطاق خاص بدل مثلا .com تبقى .amr مثلا ايه الغرض او الفائدة من الحكاية دي ؟؟ وهل ممكن نلاقي في يوم نطاق لمصر موتورز

هو زى ما انا قولت المؤسسات المنظمة للانترنت عندها مشكلة فى ان مفيش اسماء مكفية الاستخدام المتنامى للانترنت
خاصة مع تركيز غالبية الناس على استخدام دوت كوم بالاساس
فهى محاولات لترويج نطاقات اكثر وتوفير اسماء اكثر لكافة المستخدمين

مش بس كده ده بقى فيه امكانية حجز النطاق بالعربى

يعنى تكتب فى المتصفح جوجل.كوم بحروف عربى وطبعا بكل اللغات الاخرى بنفس النظام

بس معتقدش تنشر اوى البدائل ديه دلوقتى

[AbOnOrA]

نصائح هامة فى اختيار الدومين

1. اختيار اسم مميز

حاول دائما الاسم اللى تختارة ميكونش فيه اسم تانى شبهه لموقع مشهور او معروف لان ده هياثر من ظهور نتائج من موقعك لحساب الموقع الاشهر


2. اختيار اسم يعكس المحتوى

يعنى لو بتعمل موقع سيارات يبقى لازم الاسم يكون فيه حاجة ليها علاقة بالسيارات بالطب بالرياضة باى حاجة المفروض يكون الاسم بقدر استطاعتك يصف محتوى الموقع


3. خليك فى دوت كوم
كما اسلفنا يفضل اختيار الاسماء المنتهية باختصار .com لانها الاشهر والاكثر شيوعاً للمستخدمين

4. اختار اسم سهل الكتابة
اختار اسم يكتب كما ينطق ديه مهمة اوى انك تختار اسم يتكتب زى ما يتسمع علشان اى خطاء املائى فى كتابة الاسم من المستخدمين هيوديهم لمواقع تانية غيرك فحافظ على ان الاسم يكون سهل فى الكتابة وميكونش فيه حروف لا تنطق


5. اختار اسم سهل التذكر
كل ما كان الاسم سهل التذكر ومش مكون من كذا مقطع ونطقة وشكل حروفة سهلة كل ما كان افضل

6. عدم استخدام الرموز
يفضل تجنب استخدام اى رموز فى الاسم ومها طبعا الشرطة ( - ) او الارقام

7. الاسم الاقصر افضل
حاول قد المستطاع كمان يكون الاسم مكون من عدد قليل من الحروف 5 - 8 بالاكثر لان الاسم الاقصر اسهل وافضل

8. اختار الاسم اللى الناس بتدور عليه
فيه ادوات كتير تقدر تعرف منها ايه اكتر الحاجات فى المجال اللى بتعمل فيه السايت الناس عادة بتدور عليه فى محركات البحث
فكر ايه الكلمات اللى الناس عادة بتكتبها لما بتدور على موضوع يخص مجال موقعك ولو قدرت تختار اسم فيه نفس الكلمات الدلالية اللى الناس بتستخدمها فى البحث ده هيكون افضل بكتير

[mr_astra]

تسلم ايدك يا ابو نورا
بس انا مش زبون انا صاحب مكان
الموضوع باختصار زى ما قلت لحضرتك احنا جهاز مدينة تقدر تقول الحى اللى انت تابع لية بالظبط
بنتعامل مع عملاء وبنقدم خدمات
ممكن العميل ينزل نموذج لحاجة معينة زى مثلا الاوراق المطلوب لاستخراج رخصة مبانى او نموذج تانى اسمة الاوراق المطلوبة لاستخراج رخصة تشغيل ( صناعى ) وخد عندك بقى حاجات كتير من دة
وبعدين كل زبون لة عندنا طلب معين ممكن يكون مقدم على رخصة مبانى وعاوز يسال عنها هل خلصت يجى يستلمها ولا لسة طب ولو لسة مخلصتش هل فى اوراق مطلوبة لم تستوفى من جانبة او لا ..... هل راجعنا التصميمات البنائية بتعة وطلع فيها مشاكل او لا
زبون تانى عاوز يعرف طلب تركيب عداد الكهرباء خلص ولا لسة
زبون تانى عاوز يعرف معاد القسط السنوى بتاعة
كتير كتير يا ابو نورا زى ما قلتلك لازم يكون فى تفاعل من جانبنا مع العميل
فكرت اعمل منتدى فى الاول بس حسيت ان انشاء موقع اسهل وافضل
يبقى الخصلك الكلام عاوز موقع يقدر الزبون يحمل نماذج واستمارات من خلالة او ان يطرح سؤال ونقوم بالرد علية كلا فى مجال اختصاصة
هاااااااااا مستنى بقى اهو

[AbOnOrA]

المشاركة الأصلية كتبت بواسطة mrastra تسلم ايدك يا ابو نورا بس انا مش زبون انا صاحب مكان الموضوع باختصار زى ما قلت لحضرتك احنا جهاز مدينة تقدر تقول الحى اللى انت تابع لية بالظبط بنتعامل مع عملاء وبنقدم خدمات ممكن العميل ينزل نموذج لحاجة معينة زى مثلا الاوراق المطلوب لاستخراج رخصة مبانى او نموذج تانى اسمة الاوراق المطلوبة لاستخراج رخصة تشغيل ( صناعى ) وخد عندك بقى حاجات كتير من دة وبعدين كل زبون لة عندنا طلب معين ممكن يكون مقدم على رخصة مبانى وعاوز يسال عنها هل خلصت يجى يستلمها ولا لسة طب ولو لسة مخلصتش هل فى اوراق مطلوبة لم تستوفى من جانبة او لا ..... هل راجعنا التصميمات البنائية بتعة وطلع فيها مشاكل او لا زبون تانى عاوز يعرف طلب تركيب عداد الكهرباء خلص ولا لسة زبون تانى عاوز يعرف معاد القسط السنوى بتاعة كتير كتير يا ابو نورا زى ما قلتلك لازم يكون فى تفاعل من جانبنا مع العميل فكرت اعمل منتدى فى الاول بس حسيت ان انشاء موقع اسهل وافضل يبقى الخصلك الكلام عاوز موقع يقدر الزبون يحمل نماذج واستمارات من خلالة او ان يطرح سؤال ونقوم بالرد علية كلا فى مجال اختصاصة هاااااااااا مستنى بقى اهو

يا باشا طبعاً انت صاحب مكان

بالنسبة للى حضرتك بتقولة تطبيقة بشكل مجانى مش هيبقى كويس وهيبقى مرهق جداً

لانك هتعمد على اكتر من برنامج اواكتر من موقع بيقدم خدمات شبيهه بشكل مجانى وطبعاً مع الترويج لاسم الموقع وخدماتة

فالافضل ان التطبيقات ديه تتعمل بشكل احترافى على موقع محجوز باسمكم

واللى هيحصل اننا هنصنف انواع التفاعل بينكم وبين العملاء الى ملىء نمازج
وديه هناخد احنا النمازج الموجودة عندكم ونعيد تصميمها على الانترنت بحيث العميل يخش يملاها وتوصلكم بعد ارسالها

والى استفسارات عامة وديه بنعمل لها نموزج عام يحط فيه العميل استفسارة ويحدد بخصوص ايه وتوصلكم للرد عليها على اميل العميل

والنمازج ديه كلها هتبقى جزء من الموقع الخاص بيكم وهيبقى فيه طبعاً معلومات عامة ومزايا اخرى حسب احتياجكم

فانت قولى فيه ميزانية لده ولا لاء علشان نقرر مابين الطرق الاحترافيه او طرق (تمشية الحال) مجاناً

[mr_astra]

مشكور يا ابو نورا على التفاعل الجميل من حضرتك
الفكرة كلها فى الروتين
سلطة رئيس الجهاز عندنا لغاية 22 الف جنية يعنى نقدر نشترى حجاجة بـ 22 الف من غير ما ناخد موافقة السلطة المختصة
بس بيقابلنى مشاكل كتير موافقات والاجهزة الرقابية زى الجهاز المركزى ومندوب وزارة المالية
انا فاكر اما جينا ندخل النت هنا اخد مننا غلبة وزهق وبندفع لشركة تى اى داتا كل ست شهور بشيك وبنخصم منهم ضرايب ودمغات وكلام من دة
خلاصة الكلام السكة طويلة ومش مضمونة فى النهاية لان ساعات بيطلعك حاجات كدة مستخبية متعرفش تتداركها الا لو كنت محترف دحك على الحكومة وانا مابعرفش اعمل كدة