النسر فارتا بطارية اكتر من سيئة و خدمة عملاء اكتر من منحطة

[BASSEM BESO]

متزعلش نفسك يابشمهندس للأسف هى دى بلدنا بلد التخلف والجهل والصوت العالى

[hossamdoaaaa]

مصر هيا همى ..............

[didos]

معروف الكلام ده من زمان عنهم

[ahmed1981]

الحمد لله على كل حال
مفيش داعي الواحد يحرق دمه على الفاضي

هما بيخصموا كل شهر إستهلاك بنسبة
يعني يتم قسمة تمن البطارية على 12
لو غيرتها بعد ستة أشهر تدفع نصف ثمنها

أخويا حصل معاه نفس المشكلة
وشركة النسر خصموا منه إستهلاك ستة أشهر
وأخذوا منه 180 جنيه وأعطوه واحد جديدة
وكان هذا آخر علاقتنا بشركة النسر للبطاريات

لكن هو لسه في حد بيشتري بطاريات نسر ؟؟
خلاص زمانها راح وأصبحت سلعة تعبانة

أنا مقاطعها من زمان
ولم أعد أستخدم إلا بطاريات إيه سي دلكو AC DELCO السعودي
ممتازة جداً
تعيش سنتين مرتاح جداً
مستخدم منها حتى الآن حوالي سبع بطاريات في سيارات مختلفة ولم يحدث في واحدة منهم أي مشكله
وكمان جافة لا بتدلق حامض ياكل حديد السيارة ولا تبهدل القواطيش
وضمانها سنة إستبدال وليس خصم مثل النسر
والبطارية الوحيدة التي يكون مسجل عليها بوضوح تاريخ الإنتاج
وكيلها منصور شيفورليه تقريباً

أنا شايف أنواع كثيرة أخرى كوري مالية البلد
لكن سمعت إن بعضها صيني مضروب

المهم كان والد حضرتك أخذ البطارية البايظة منهم وراح إشترى بطارية جديدة AC Delco وباع لهم القديمة أوفر من اللي حصل
لكن الحمد لله

[hazem_khidr]

أخويا حصل معاه نفس المشكلة وشركة النسر خصموا منه إستهلاك ستة أشهر وأخذوا منه 180 جنيه وأعطوه واحد جديدة وكان هذا آخر علاقتنا بشركة النسر للبطاريات لكن هو لسه في حد بيشتري بطاريات نسر ؟؟ خلاص زمانها راح وأصبحت سلعة تعبانة

البطاريه النسر فارتا بطاريه ممتازه و كانت بتعيش في ال 125 لمده اربع سنوات
و اخر بطاريه شاريها من تلات سنوات لعربيه واحد قريبي نسر فارتا برضه لسه ضاربه من كام اسبوع
النسر فارتا طول عمرها بطايه محترمه و مش معني وجودعيب في بطاريه تبقي جميع البطاريات وحشه.

أنا مقاطعها من زمان ولم أعد أستخدم إلا بطاريات إيه سي دلكو AC DELCO السعودي ممتازة جداً تعيش سنتين مرتاح جداً

للاسف معظم الموجود من الديلكو اليومين دول متخزن من سنه 2009
وحتي تجار البطاريات في الغالي لا ينصحوا بها و ينصحوا بانواع كوري افضل و بالضمان ايضا

المهم كان والد حضرتك أخذ البطارية البايظة منهم وراح إشترى بطارية جديدة AC Delco وباع لهم القديمة أوفر من اللي حصل لكن الحمد لله

مش اي عربيه ينفع معاها البطاريه الجافه
لان البطاريه الجافه عاوزه عربيه تكون صح و مضبوطه
يعني الدينامو سليم و المارش كذلك ة الضفيره سليمه
و دا كله لا يتوافر الا في الموديلات الحديثه