نويت إن شاء الله أشترى عربيه لادا 2107 موديل 2013 زيرو جميع الكماليات

[mohamed hossam elemam]

: 12EA7A~153:

[abokoko]

لو حضرتك لسه مشترتشي العربيه
ففكر شوية

انا معايا لادا موديل 2007 - ومن قبلها كان معايا فيات 125
بحمد ربنا الف مليون مرة على ال لادا لانى اعطاها معقوله وقليله
وسهلة الحل وقطع الغيار رخيصة - الحمد لله

لكن
لو امكانياتك المادية ممكن تزيد فاشترى حاجة تانيه
بسبب
ال لادا حتى لو 2013 فهى تكنولوجيه الثمانينات
وهتحس دايما انك راكب عربيه اقل من اللى حواليك
ولو حبيت تبعها مستقبلا فهى تقيلة فى البيع
وهتخسر فى تمنها


هقول لحضرتك حاجة تقرب افكارى ليك
اركب تاكسيات الفتره دى
اركب انواع مختلفه ومن بينها لادا واتعمد تغير وضعيه الركوب مره من الامام ومرة من الخلف
واعمل مقارنات فى الاحساس بالطريق والراحة والوسع والعزل
مع ملاحظة عدم اسبعاد العامل المادى لانه ميزه ال لادا

[sherifabden]

بصراحة انا لو مكانك مشتريهاش
عربية خشنة وعفشتها سيئة وضيقة جدا وتصيمها غبي مفيهوش اي عامل من عوامل الانسيابية دا غير انها غير مريحة من الداخل
ملهاش ميزة غير انها حمارة شغل وعالية عن الارض وقطع غيارها منتشرة
بس سؤال
هوا اللادا فيها ازاز كهربا ؟؟

[محمد حنفى]

المشاركة الأصلية كتبت بواسطة sherifabden بصراحة انا لو مكانك مشتريهاش عربية خشنة وعفشتها سيئة وضيقة جدا وتصيمها غبي مفيهوش اي عامل من عوامل الانسيابية دا غير انها غير مريحة من الداخل ملهاش ميزة غير انها حمارة شغل وعالية عن الارض وقطع غيارها منتشرة بس سؤال هوا اللادا فيها ازاز كهربا ؟؟

انت حضرتك مش ملاحظ انك متشائم اوى منها
بالعكس انا شايف انها واسعه جداً وعفشتها احسن من عربيات كتير بتستحمل
وحضرتك اكيد بتقارنها بعربيات هيونداى
لا انا عايزك تقارنها ب 127 او 132 او 131 او 125 واكيد حتحس انها احسن

وهى مفهاش ازاز بالكهرباء

[محمد حنفى]

المشاركة الأصلية كتبت بواسطة abokoko لو حضرتك لسه مشترتشي العربيه ففكر شوية انا معايا لادا موديل 2007 - ومن قبلها كان معايا فيات 125 بحمد ربنا الف مليون مرة على ال لادا لانى اعطاها معقوله وقليله وسهلة الحل وقطع الغيار رخيصة - الحمد لله لكن لو امكانياتك المادية ممكن تزيد فاشترى حاجة تانيه بسبب ال لادا حتى لو 2013 فهى تكنولوجيه الثمانينات وهتحس دايما انك راكب عربيه اقل من اللى حواليك ولو حبيت تبعها مستقبلا فهى تقيلة فى البيع وهتخسر فى تمنها هقول لحضرتك حاجة تقرب افكارى ليك اركب تاكسيات الفتره دى اركب انواع مختلفه ومن بينها لادا واتعمد تغير وضعيه الركوب مره من الامام ومرة من الخلف واعمل مقارنات فى الاحساس بالطريق والراحة والوسع والعزل مع ملاحظة عدم اسبعاد العامل المادى لانه ميزه ال لادا

انا من وجهة نظرى انها مناسبه لفلوسى وامكانياتى وانا مش ناوى ابيعها لانها من العربيات التىى تتوارثها الاجيال

انا قارنتها ب 127 اللى كانت معايا علشان كده انا مقتنع بيها