المشاركة الأصلية كتبت بواسطة M!NA
من حوالي شهر... وفقت في شراء سيارة جيب شيروكي موديل 2000 ... مانيوال 4 سلندر 2500 سي سي... و الحمد لله... اساسياتها كلها طلعت ممتازة... بس أكيد المستعمل بيحتاج شغل علشان يفوق...
بالصدفة البحته.. عرفت مركز خدمة في منطقة صقر قريش - المعادي (على الأوتوستراد) يملكه 3 شركاء كلهم كانوا بيشتغلوا في توكيل عز العرب...
و كلمة حق... ناس أمناء جدا جدا و شغلهم أفضل من شغل التوكيل... الى جانب أنه كله بيكون قدام عينيك...
أول مرة رحت المركز ده كان قبل اتخاذ قرار شراء العربية... و كشفت عليها عندهم...
الأجهزة اللي عندهم حديثة جدا و زي اللي موجودة في التوكيل بالظبط....
كشفوا على العداد (من خلال الكمبيوتر الداخلي) و اكتشفوا ان العربية عاملة 300 ألف كيلو مش 100 ألف زي عدادها ما بيقول...
كذلك تم الكشف على آلات الجر و الشاسيه و باقي الأساسيات... و كانت كلمتهم أن العربية كويسة... بس فيها 3-4 آلاف جنيه مصاريف...
و فعلا توكلت على الله و نفذت فيها... و عملتلها اللازم من ناحية الحاجات اللي بتحتاج تتغير...
و كان الاجمالي شامل مصنعيات و خامات و بقشيش... 2100 جنيه تقريبا...
تم تغيير 4 بوجيهات و طقم أسلاك
فلتر هواء
زيت موبيل 10,000 و فلتر زيت
طقم تيل أمامي
عدد 2 أويل سيل (بيكونوا بين الفيتيس العادي و فيتيس الغرز)
زجاج أمامي (القديم كان فيه شروخ)
صب قاعدة فيتيس
تغيير زيوت الكورونة الخلفية و الأمامية (بزيت 140)
تغيير زيوت الفيتيس العادي و فيتيس الغرز (بزيت 90)
معلش اذا كنت طولت عليكم... دا أول موضوع ليا في المنتدى...
و أي حد عنده استفسار عن الشيروكي أو مركز الخدمة المذكور ... يسأل و أنا تحت أمركم...
|
السلام عليكم . انا عندى شروكى 95 . ومحتاجة شغل جامد وروحت اصلحها فى صقر قريش . فى مركز اسمة جيب لاند و بصراحة طلعو نصبين جدا .. دفعت
فى كلام كدب ...ودى غلطتى انى وصقت فى المركز دة ... واحب اقول للجميع خلو بالكو من المركز دة .. فعلا حرمية .. ارجو حد يدلنى على محل قطع غيار سيارت جيب شروكى 95 ... و شكرا
12-09-2012, 06:59 AM
رد: تجربتي مع الشيروكي و مركز خدمة أكثر من ممتاز ...
