كم أكثر سرعة مشيت عليها؟؟؟

[bmkbmk]

المشاركة الأصلية كتبت بواسطة homosh ههههههههههه لا انا متصورتش اكتر من 160 وكان متحرك مش ثابت وشيلت 4 نقط عالرخصهptmnlo123per144 بس فس حاجه يا باشا عايز اسألك عليها هوا فعلا الرادار بعد ال180 مبيلحقش يصور ؟؟؟ptmnlo123per1127 الحاجه التانيه هل في هيدرز في الكويت ولا ممنوع برضو؟؟

معلهش بقى يا باشا ... 4 نقط تفوت ولا حد يموت
والله يا باشا حكاية انه مابيصورش بعد 180 ممكن اصدقها على رادارات مصر .. لكن فى الخليج الرادرارات متقدمة جدا و كانوا جايبين واحد ممسوك مرة فى الجرايد متصور 195 ..
و بالنسبة لتعديلات العربيات كلها يا باشا ممنوعة هنا برده لا هيدرز ولا شكمانات ولا حتى تفييم بس بالنسبة للهيدرز ممكن تعدى فى الفحص لأنها مابتبقاش باينة الا بقى لو من النوع اللى بيعمل صوت عالى ... هيقولك وقف يا حلو

[خالدخليفة]

المشاركة الأصلية كتبت بواسطة bmkbmk معلهش بقى يا باشا ... 4 نقط تفوت ولا حد يموت والله يا باشا حكاية انه مابيصورش بعد 180 ممكن اصدقها على رادارات مصر .. لكن فى الخليج الرادرارات متقدمة جدا و كانوا جايبين واحد ممسوك مرة فى الجرايد متصور 195 .. و بالنسبة لتعديلات العربيات كلها يا باشا ممنوعة هنا برده لا هيدرز ولا شكمانات ولا حتى تفييم بس بالنسبة للهيدرز ممكن تعدى فى الفحص لأنها مابتبقاش باينة الا بقى لو من النوع اللى بيعمل صوت عالى ... هيقولك وقف يا حلو

انا كنت سايق 175 والرادار مسكنى لكن مسجلها 136 وبعدين قلت ايه الرادار العبيط ده واضح انه مبيعرفش يقرا لكن حضراتكم وضحتو انه ممكن ميسجلش صح لكن على فكرة لازم تعرفو ان فكرة الرادار عبارة عن قياس المسافة على الزمن فيديك السرعة وطبعا السادة الظباط طالما سعادتك تجاوزت السرعة ولو بنص كيلو مشش هتفرق ان كانت 120 والا 140 والا 200 حتى لان عندنا شغالين مانيوال يعنى لما عربية تعدى بسرعة تفوق السرعة المقررة بيبقى فى واحد قاعد قصاد شاشة الرادار بيبلغ باللاسلكى عربية رقم كذا ماركتها كذا ولونها كذا متجاوزة السرعة والتانى اللى بيستقبل ماسك ورقة وقلم وبيقيد الكلام ده اول متظهر ادامه العربية المبلغ عنها يوقفها ولذلك دايما بين الرادار واللجنة مسافة تزيد عن الكيلو علشان يدوا للى بيكتب فرصه انه يكتب واول مالعربية تتاخد رخصها يشطب عليها فى الورقة ويشوف غيرها وهكذا ده كلام شفته بعينى ولما اتمسكت فى مطروح بسرعة 65 قلتله انا مش متجاوز السرعة القانونية فاتصل باللاسلكى وقال له النيسان النبيتى رقم كذا ملاكى القاهرة كانت ماشية بسرعة كام فرد عليه وقال 65 ياباشا

[خالدخليفة]

وعلى فكرة انا لاحظت ان مسألة السرعة دى فى ردود الناس معظمها عملية نفسية لاثبات نوع من التفوق بغض النظر عن قدرات وامكانيات عربيته ولذلك هتلاقى نادرا واحد لما يقوللك انا كملت الطريق كله بنفس السرعة تقريبا وده شىء مش صح ولذلك انا بستغرب على نفسى مبحبش السباقات لكن بجرى ولو واحد حاول يسابقنى بوسع له لكن احيانا طبعا شوشو يضحك عليا بسبب واحد متهور لكن اعجب واحد بجد ضحكنى واحد معاه سيات 133 القديمة خالص دى و دى معروف ان سرعتها لو زادت عن 90 ولمدة بسيطة ممكن تحر ق الموتور طيب انا معايا نيسان صنى 2008 وده مصر يسابقنى ولما وسعتله علشان يعدى فضل يجرى وانا لما بسوق 100 ممكن انام فبزود شوية وده مصر يجرى ورايا اخر م زهقت اخدت رقم العربية وروحت جارى160 لمدة نص ساعة وقعدت على قهوة وطلبت شاى وانا براقب الطريق لحد مظهر صاحبنا كملت كوباية الشاى بسرعة وحاسبت وجريت لحقته وروحت ماشى جنبه مش بعدى اسبقه ولاسايبه يسبقنى واضرب بعينى الاقى شاب لذيذ كده وقاعد ورا الدركسيون ودايس جااااامد ومتشعبط فى الدركسيون وغالبا شويه شويه هينط يجرى ادام العربية وعمال يكافح وعصبى طبعا مشيت جنبه 5 دقايق وبعدين قلت ياواد متستفزوش احسن يعمل حادثة وذنبه يبقى ف رقبتك روحت سايبه وماشى وده يدل على قلة الفكر لان مرة قابلنى واحد معاه جيب شيروكى ولما شافنى بجرى جرى ورايا وحصلنى وادانى كلاكسات وهديت السرعة وفتحت الزجاج وسالته فى حاجة فقال لا بس الدنيا ليل والجو متاخر وتعال نجرى ورا بعض فقلتله اسف رحم الله امرىء عرف قدر نفسه (صدق رسول الله) قدرة موتورك اعلى يبقى هنتسابق ازاى وسبته ومشيت

[bmkbmk]

المشاركة الأصلية كتبت بواسطة خالدخليفة انا كنت سايق 175 والرادار مسكنى لكن مسجلها 136 وبعدين قلت ايه الرادار العبيط ده واضح انه مبيعرفش يقرا لكن حضراتكم وضحتو انه ممكن ميسجلش صح لكن على فكرة لازم تعرفو ان فكرة الرادار عبارة عن قياس المسافة على الزمن فيديك السرعة وطبعا السادة الظباط طالما سعادتك تجاوزت السرعة ولو بنص كيلو مشش هتفرق ان كانت 120 والا 140 والا 200 حتى لان عندنا شغالين مانيوال يعنى لما عربية تعدى بسرعة تفوق السرعة المقررة بيبقى فى واحد قاعد قصاد شاشة الرادار بيبلغ باللاسلكى عربية رقم كذا ماركتها كذا ولونها كذا متجاوزة السرعة والتانى اللى بيستقبل ماسك ورقة وقلم وبيقيد الكلام ده اول متظهر ادامه العربية المبلغ عنها يوقفها ولذلك دايما بين الرادار واللجنة مسافة تزيد عن الكيلو علشان يدوا للى بيكتب فرصه انه يكتب واول مالعربية تتاخد رخصها يشطب عليها فى الورقة ويشوف غيرها وهكذا ده كلام شفته بعينى ولما اتمسكت فى مطروح بسرعة 65 قلتله انا مش متجاوز السرعة القانونية فاتصل باللاسلكى وقال له النيسان النبيتى رقم كذا ملاكى القاهرة كانت ماشية بسرعة كام فرد عليه وقال 65 ياباشا

شكرا يا باشا على المعلومات القيمة دى
بس المشكلة فى الخليج الوضع مختلف ... قيمة المخالفة على حسب السرعة
يعنى نفترض مثلا الطريق سرعته 80.... أولا بيديك 19 كيلو سماح ... يعنى لو ماشى 99 مش هيصور ...
لكن لو ماشى 100 هيصور و تبقى المخالفة 20 دينار كويتى
لو ماشى من 101 الى 110 هتكون المخالفة 30 دينار كويتى و هكذا ... و اكتر مخالفة 50 (1000 جنيه مصرى)
دينار كويتى و لومخالف السرعة باكتر من 50 كيلو فرق ممكن يبقى فيها سحب الرخصة او العربية لمدة 3 شهور و ممكن توصل لسجن و ترحيل كمان .....
و مفيش تصالح مباشر فى ساعتها و الكلام ده لأن اصلا كل كاميرات السرعة محدش واقف عليها دى بتبان و حضرتك رايح تجدد الرخصة كل سنة و تشوف بقى مخالفاتك .....
و الكاميرات غالبا ثابتة و اماكنها معروفة و بقالهم فترة بيحطوا عربيات فى جنب الطريق فيها كاميرات و اماكنها بتتغير ..... و دى فيه ناس كتير ماتعرفهاش
بس يا باشا و ربنا يستر علينا من المخالفات و الكاميرات

[homosh]

المشاركة الأصلية كتبت بواسطة bmkbmk شكرا يا باشا على المعلومات القيمة دى بس المشكلة فى الخليج الوضع مختلف ... قيمة المخالفة على حسب السرعة يعنى نفترض مثلا الطريق سرعته 80.... أولا بيديك 19 كيلو سماح ... يعنى لو ماشى 99 مش هيصور ... لكن لو ماشى 100 هيصور و تبقى المخالفة 20 دينار كويتى لو ماشى من 101 الى 110 هتكون المخالفة 30 دينار كويتى و هكذا ... و اكتر مخالفة 50 (1000 جنيه مصرى) دينار كويتى و لومخالف السرعة باكتر من 50 كيلو فرق ممكن يبقى فيها سحب الرخصة او العربية لمدة 3 شهور و ممكن توصل لسجن و ترحيل كمان ..... و مفيش تصالح مباشر فى ساعتها و الكلام ده لأن اصلا كل كاميرات السرعة محدش واقف عليها دى بتبان و حضرتك رايح تجدد الرخصة كل سنة و تشوف بقى مخالفاتك ..... و الكاميرات غالبا ثابتة و اماكنها معروفة و بقالهم فترة بيحطوا عربيات فى جنب الطريق فيها كاميرات و اماكنها بتتغير ..... و دى فيه ناس كتير ماتعرفهاش بس يا باشا و ربنا يستر علينا من المخالفات و الكاميرات

يا بشا انتا في نعمه كده ptmnlo123per144 هنا الرادار أقل حاجه 500 ريال وملكش سماح الشارع 80 يبقي 81 يصور وطبعا المخالفه بتزيد حسب السرعه كل 20 كيلو اوفر 300 ريال واربع نقط رزع عالرخصه والرادار بيصورك لقطه ليك ولقطه للعربيه عشان يبقي معروف مين اللي كان سايق وبعد 14 نقطه الرخصه تتسحب 3 شهور كمان 14 تتسحب سنه كمان 14 يسحبو منك الرخصه نهائي ويدخلوك مدرسة السواقه من جديد وتخش تمتحن امتحانات الرخصه كأنك لسه بتخدها لاول مره طبعا لو عندك مثلا 4 نقط وعدي عليها سنه من غير اي نقط زياده بيتشالو
مخالفه تانيه غريبه الشكل دورت العربيه واتحركت مسافة 5 متر عشان اركن صح وكانت الساعه 10 بليل لقيت الشرطه ورايا ومشغلين الانوار زي ما اكون مطلوب ورزعني مخالفه لاني مكنتش فاتح النور وكانت 1000 ريال ptmnlo123per111كسر الإشاره ده اللي كارثه حقيقيه فعلا
من 6000 ريال وسبع نقط الي 50000 ريال و12 نقطه علي حسب تقدير الشرطه
الحزام 500 , الموبايل أو تشغيل الدي في دي أو انك تقعد طفل جمبك 500 ,عدم ترك مسافيه كافيه 500 ,عدم إضاءه الانوار في الفتره بعد غروب الشمس او في حالة الغيوم 1000 واخيرا عدم احترام قواعد الاشارات يعني متديش اشاره لما تخش يمين او شمال 500 طبعا انا بقول المخالفات اللي اتخالفتها بس لان الباقي معرفوش واوعدكو لو في مخالفه جديده هقولكو عليها علطووووووووووووووووولptmn lo123per122