تجربتي مع الشيروكي و مركز خدمة أكثر من ممتاز ...

[lordluck]

ايه يا جدعان محدش رد عليا

[aiman75]

اخى العزيز اريد ان اعرف عن الشروكى 2.5 ده بتستهلك بنزين اد ايه و اسعرها كام الان انا بسمع ان الاسعار ابتداء من 30000

[ايمن الجناينى]

اهلا بيك يا مينا,,,,,,,,,
أنا جديد فى المنتدى وعاوز أعرفعنوان مركز الصيانة دة بالظبط عشان عاوز أرووحلة
وألف مبروك على العربية

[salemwafy]

السلام عليكم هل عندكم معلومات عن شفرولية فرونتيرا شكرا

[amrmoona]

المشاركة الأصلية كتبت بواسطة M!NA من حوالي شهر... وفقت في شراء سيارة جيب شيروكي موديل 2000 ... مانيوال 4 سلندر 2500 سي سي... و الحمد لله... اساسياتها كلها طلعت ممتازة... بس أكيد المستعمل بيحتاج شغل علشان يفوق... بالصدفة البحته.. عرفت مركز خدمة في منطقة صقر قريش - المعادي (على الأوتوستراد) يملكه 3 شركاء كلهم كانوا بيشتغلوا في توكيل عز العرب... و كلمة حق... ناس أمناء جدا جدا و شغلهم أفضل من شغل التوكيل... الى جانب أنه كله بيكون قدام عينيك... أول مرة رحت المركز ده كان قبل اتخاذ قرار شراء العربية... و كشفت عليها عندهم... الأجهزة اللي عندهم حديثة جدا و زي اللي موجودة في التوكيل بالظبط.... كشفوا على العداد (من خلال الكمبيوتر الداخلي) و اكتشفوا ان العربية عاملة 300 ألف كيلو مش 100 ألف زي عدادها ما بيقول... كذلك تم الكشف على آلات الجر و الشاسيه و باقي الأساسيات... و كانت كلمتهم أن العربية كويسة... بس فيها 3-4 آلاف جنيه مصاريف... و فعلا توكلت على الله و نفذت فيها... و عملتلها اللازم من ناحية الحاجات اللي بتحتاج تتغير... و كان الاجمالي شامل مصنعيات و خامات و بقشيش... 2100 جنيه تقريبا... تم تغيير 4 بوجيهات و طقم أسلاك فلتر هواء زيت موبيل 10,000 و فلتر زيت طقم تيل أمامي عدد 2 أويل سيل (بيكونوا بين الفيتيس العادي و فيتيس الغرز) زجاج أمامي (القديم كان فيه شروخ) صب قاعدة فيتيس تغيير زيوت الكورونة الخلفية و الأمامية (بزيت 140) تغيير زيوت الفيتيس العادي و فيتيس الغرز (بزيت 90) معلش اذا كنت طولت عليكم... دا أول موضوع ليا في المنتدى... و أي حد عنده استفسار عن الشيروكي أو مركز الخدمة المذكور ... يسأل و أنا تحت أمركم...

الف شكرعلى الموضوع الجميل
برجاء كيف تنصحنى اذا اردت شراء سيارة جراند شيروكى سع موتورها 5700 سى سى حديثة نوعا وا هل اقوم بتحويلها الى الغاز ام لا ؟ مشوارى اليومى من 80 الى 100 كيلو اغلبة على الاوتوستراد واريد سيارة قوية ... انا معايا افيو ... موفرة جدا فة البنزين ولكن ضعيفة فى نفس الوقت و.... مالهاش هيبة .. هل توافقنى على ما افكر فية ؟ ولك خالص لشكر ....... عمرو عبد المنعم