هل ممكن استخدام شفاط البنزين اثناء القياده (وليس التسخين فقط) مع دواسه البنزين

[محمد حسن عبد الرحمن]

خلى الميكانيكى يظبط الموتور كويس أو بتاع الكربراتير يظبطة تمام ولازم وهو بيظبطة يكون المحرك ساخن علشان يظبط على الصح أما بالنسبة لموضوع أنك لما تشدة يبرجل العربية ويخليها تبطل فده حاجة من أثنين تعملهم شد الدراع شوية صغيرين مش لآخره أو حاجة ثانية دور العربية وعلق رجالك على دوسة البنزين شوية وبعدين شد الهواء بالنسبة لعمله كمثبت سرعة فده غلط علشان هيخليى البويجهات تهبب والعربية تقاطع معاك وكمان يخليها تبطل وهى ماشية ويفضل عدم إستخدامه للتسخين ويتم التسخين بتعليق رجالك على الدواسة بتاعت البنزين أفضل والموضوع ده عن تجربة شخصية ليا.
وأرجو أنى أكون قدرت أفيد حضراتكم ولو بجزء قليل.

أخوكو محمد

[a7med33]

شكرا لكل الاعضاء الكرام

[sayed2077]

الشفاط مل مهمته يزود بنزين بس يقلل الهوا اللى داخل

بمعنى ان مثالا لما حضرتك بتدوس بنزين برجلك عادى انت بتزود كمية البنزين اللى داخله فى الماتور وفى نفس الوقت بتزود كمية الهوا اللى داخله للماتور

الشفاط بقى مهمته يزود البنزين الداخل للماتور بس ميدخلش هوا كتير

وده علشان البنزين لما بتكون العربيه بارده الصبح جدااا مبيشتعلش لو كانت نسبة الهوا كبيرة لازم تكون نسبة الهوا قليلة علشان يشتعل والماتور بارد

وللتأكيد على كلامى

حضرتك جرب الطلع على طريق وشد الشفاط للاخر
هتلاقى ان بدال البنزين بقى فيه سنه بوش كده ناتجه عن ان الشفاط مشدود فشادد سلك البنزين

حاول بقى العربيه تاخد سرعتها على الشفاط
وحط رجلك سنه على البنزين بسيطه اوووى واثبت عندها لغاية ما العربيه تجيب اقصى سرعه ليها عند الضغطه ديه

ومره واحده اقفل الشفاط وانت دايس برضوا نفس ضاغطة البنزين هتلاقى مره واحده اول ما تنزل الشفاط العربيه جريت اكتر بنفس ضغطة البنزين اللى كنت حضرتك ضاغط عليها وانت مشغل الشفاط وده لان كمية الهوا اللى كانت داخله للماتور قليلة


بمعنى اخر الشفاط تدور بيه العربيه الصبح لاول ثلاث دقائق فقط بعد كدا سخن عادى برجلك

[svneleven]

المشاركة الأصلية كتبت بواسطة sayed2077 الشفاط مل مهمته يزود بنزين بس يقلل الهوا اللى داخل بمعنى ان مثالا لما حضرتك بتدوس بنزين برجلك عادى انت بتزود كمية البنزين اللى داخله فى الماتور وفى نفس الوقت بتزود كمية الهوا اللى داخله للماتور الشفاط بقى مهمته يزود البنزين الداخل للماتور بس ميدخلش هوا كتير وده علشان البنزين لما بتكون العربيه بارده الصبح جدااا مبيشتعلش لو كانت نسبة الهوا كبيرة لازم تكون نسبة الهوا قليلة علشان يشتعل والماتور بارد وللتأكيد على كلامى حضرتك جرب الطلع على طريق وشد الشفاط للاخر هتلاقى ان بدال البنزين بقى فيه سنه بوش كده ناتجه عن ان الشفاط مشدود فشادد سلك البنزين حاول بقى العربيه تاخد سرعتها على الشفاط وحط رجلك سنه على البنزين بسيطه اوووى واثبت عندها لغاية ما العربيه تجيب اقصى سرعه ليها عند الضغطه ديه ومره واحده اقفل الشفاط وانت دايس برضوا نفس ضاغطة البنزين هتلاقى مره واحده اول ما تنزل الشفاط العربيه جريت اكتر بنفس ضغطة البنزين اللى كنت حضرتك ضاغط عليها وانت مشغل الشفاط وده لان كمية الهوا اللى كانت داخله للماتور قليلة بمعنى اخر الشفاط تدور بيه العربيه الصبح لاول ثلاث دقائق فقط بعد كدا سخن عادى برجلك

أنا كنت معتقد أن الشفاط ده ما هو الا سلك زي سلك الاكسلاتير بيشد دراع ال كاربراتير عادي زي دواسة البنزين. مش عارف!!

[ahmed_gamal777]

: THUMBS~220:
مش هقدر اذود عن كلام الاخوة الافاضل