مقبل على شراء جولف 2 وعاوز رأيكم

[حازم محروس]

السلام عليكم وكل سنه وانتم طيبين
اولا : انا لسه اول مره هاركب عربيه . والجولف 2عجبانى كتيييير , لكن فيه ناس بتقلقنى منها من ناحية قطع الغيار بيقولوا قطع غيارها غاليه قوى , كنت عاوز رأي حضراتكم ، علما بأنى موظف يعنى محدودى الدخل ذى ما بيقولوا ، ارجو النصيحه بجد

[mahranahm]

السلام عليكم ورحمة الله وبركاتة
اولا انا اخوك مهران معايا جولف 2
ندخل فى الموضوع
انت عايز تركب عربية ودى اول مرة تركب عربية
انا حقولك الوصلنى قبل ما اشترى العربية بتاعتى (( وعلى فكرة انا اشترتها من المنتدى او عن طريق رجالة المنتدى )) .
العربية جامدة جدا جدا جدا
لو ركبتها وعايز تغيرها لاى سبب مش حتعرف تركب مستعمل تانى خالص لازم تركب جديد
ندخل فى النصائح الانا خدتها فى الاول ومدى تطبيقها بعد الشراء
قطع غيرها غالية بالنسبة لموديلاتها (( الالمانى مش غاليبة ))
يعنى مينفعش حضرتك ولا اى حد تانى يقارنها بقطع غيار ال 128 او الفيات
لان طبعا الماركة بتحكم .
توافر قطع الغيار (( كل حاجة موجودة بس لليدور يعنى معظم قطع غيارها موجودة استعمال خصوصا فى الحرفيين فى القاهرة )) .
بالنسبة للاسكندرية انا مفيش حاجة كنت عايزها ليها ملقتهاش بس غالية شوية .
بس فى نفس الوقت معمرة جدا جدا جدا
ارجوا ان يكون كلامى طمنك شوية وعلى فكرة انا عارض عربيتى للبيع فى المنتدى
ودى الرابطة بتاعت الموضوع وعايز فعلا اركب جديد مش عايز مستعمل عشان انا شبعت خلاص فى الاول لما اشترتها كان نفسى يبقى عندى عربية وخلاص الاحساس ده انا فرغته فى الجولف .
http://masrmotors.com/vb/showthread.php?t=92049

اتمنى لك التوفيق ان شاء الله تعالى

[حازم محروس]

السلام عليكم ورحمة الله وبركاته
الأخ مهران
اولا:شكرا جزيلا على اهتمامك وردك
ثانيا : اكيد انت افادتنى كتييير.
حتى لو قطع غيارها غاليه شويه بس بتعمر جدا جدا جدا ذى ما حضرتك بتقول تبقى المحصله واحده.
انا من القاهره ، وكنت عاوز عربيه تكون 1600 سى سى وفيها تكيييف
وربنا يوفقك وشكرا جزيلا وكل سنه وانت طيب

[mahranahm]

المشاركة الأصلية كتبت بواسطة حازم محروس السلام عليكم ورحمة الله وبركاته الأخ مهران اولا:شكرا جزيلا على اهتمامك وردك ثانيا : اكيد انت افادتنى كتييير. حتى لو قطع غيارها غاليه شويه بس بتعمر جدا جدا جدا ذى ما حضرتك بتقول تبقى المحصله واحده. انا من القاهره ، وكنت عاوز عربيه تكون 1600 سى سى وفيها تكيييف وربنا يوفقك وشكرا جزيلا وكل سنه وانت طيب

وكل سنة وحضرتك طيب وربنا ان شاء الله يوفقك الى ما يرضاه لك وترضاه انت .
وان شاء الله اسمع عنك قريبا انك امتلكت السيارة الانت عايزها
واباركلك ويعطيك خيرها ويكفيك شرها