استفسار عن سعر سيارة ماتركس مستعمله

[ha_thewolf]

الصراحه انا بشتري
و بسم الله ما شاء الله مافيهاش ولا خربوش و فيها زي محضرتك قولت نظام ABS , TCS و هي كمان من منطقه حره بورسعيد اما بالنسبه للعفشه فكان معايا واحد اثق فيه جدا وقالي ان عفشتها زي الفل و طبعا فتش علي البرومه او الصدا و تقريبا كانت نضيفه

معلش انا اسف هوجعلك دماغك شويه بما انك معاك نفس العربيه و خبره طبعا عني كونت عاوز اعرف عيوبها و مميزاتها
فمثلا اعلي سرعه مع طبعا الثبات
وايه افضل نوع بنزين ليها
وقطع غيرها اخبارها ايه
غير كده اكتر حاجه شداني ليها انها عاليه عن الارض و انت عارف اليومين اللي فاتوا كل واحد عنده شويه اسمنت و زلط يعمل مطب معتبر يبوظ اجدع عربيه

[ha_thewolf]

شكرا لردك يا استاذ طارق

[tham1010]

المشاركة الأصلية كتبت بواسطة ha_thewolf الصراحه انا بشتري و بسم الله ما شاء الله مافيهاش ولا خربوش و فيها زي محضرتك قولت نظام ABS , TCS و هي كمان من منطقه حره بورسعيد اما بالنسبه للعفشه فكان معايا واحد اثق فيه جدا وقالي ان عفشتها زي الفل و طبعا فتش علي البرومه او الصدا و تقريبا كانت نضيفه معلش انا اسف هوجعلك دماغك شويه بما انك معاك نفس العربيه و خبره طبعا عني كونت عاوز اعرف عيوبها و مميزاتها فمثلا اعلي سرعه مع طبعا الثبات وايه افضل نوع بنزين ليها وقطع غيرها اخبارها ايه غير كده اكتر حاجه شداني ليها انها عاليه عن الارض و انت عارف اليومين اللي فاتوا كل واحد عنده شويه اسمنت و زلط يعمل مطب معتبر يبوظ اجدع عربيه

العربية فوق الممتازة. والحقيقة ا،ا مش بزود عن سرعة 50 علشان لسة بتعلم. ولكن والدى ساقها لحد 100 وكانت ثابتة ومفيش مشاكل. مش عارف أكتر من كدة هتكون عاملة أيه. على العموم أكثر من 100 تبقى خطر بالنسبة للشوارع بتاعتنا الضيفة والمطبات والناس اللى بتعدى وأنت ماشى.

الحقيقة قطع غيارها معقولة وأنا لحد دلوقتى مش غيرت فيها حاجة. لكن من معرفتى الحاجت بتاعتها زى حاجتات معظم الهيونداى متوسطة فى السعر. وطبعا هتلاقى موزعين كتار بتبيع قطع الغيار. فمش هتلاقى مشكلة.

أنا بحط بنزين 90 ولكن التاجر لما سلمها لى كان حاطط فيها 2 لتر 80 وكانت ماشية عادى. أنا بفضل 90 علشان دة اللى العربية تمشى معاه كويس ويريح الماتور. والعربية إقتصادية يعنى لو مشاوريك على القد شغل وتوصيل مدارس وتسافر مرة فى الأسبوع يمكن تحط 35 جنية كل أسبوع.

أحلى حاجة فيها إرتفاعها ولكن لا تظن إنها عاليه قوى أرتفاعها عن الأرض 16 سنتى. فى عربيات سيدان إرتفاعها 16 سنتى برضوا. العربية تحس إنها مرتفعة من الكراسى من جوة.

كنت أفضل لو جبت العربية الأوربى لانها نفس العربية الماتركس اللى عندنا. اما اللافيتا فهى مختلفة من حيث المحرك يعنى محركها 1500 CC وفيها 12 صباب مش 16 صباب زى الماتركس الأوربى. الأوربى أفضل واغلى 4 الألف.

ممكن أسال حضرتك هى العربية معروضة عليك بكام؟؟؟ بقالى مدة مش نزلت الجمرك.

[ha_thewolf]

معروض عليه 34500 الف
ومعلش انا مش فاهم 12 صباب او 16
غير كده هرفق صوره لها

[tham1010]

السعر ممتاز أنا كنت شارى 37 الف وكانت عاملة 150 الف كيلوا مش 100 الف زى بتعتك.

بص يا أخى الماتور فى حاجة أسمها صبابات ودة موضوع هندسى شوية ومش مهم أشرحة المهم حضرتك تعرف أن ماتور الكورى (1500 cc - وفيها 12 صبابا لتزويد الماتور بالبنزين) الماتركس المصرى وكمان الأوروبى بتكون (1600 CC وفيها 16 صباب) طبعا الإختلاف دة بيقلل من قدرة العربية شوية يعنى قوة سحب الكورى اقل من المصرى شوية يعنى لو العربية مليانة ناس وفى سباق المصرى تلقيها تجرى شوية أسرع من الكورى لان الماتور اقوى شوية صغيرة. مش عارف هل الإختلاف دة يعمل مشكلة فى الصيانة أم لا لانى حتى الان لم أتعرض لاى أعمال صيانة لان العربية من الأساس كانت كويسة. ولكن من حيث المتانة طبعا الكورى يكسب.

أقولك لك حاجة مش تزعل. اعتقد ان العربية دى مرشوشة من برة لان مش معقوله عربية بقلها 10 سنين ماشية وعاملة 100 الف كيلوا وتكون جديدة كدة. مش عارف أنا شاكك بس ولكن ممكن تكون زى بتعتى يعنى من بعيد تلقيها مفهاش أى خدوش ولكن لما تقرب وتدقق تلاقى شوية خدوش خفيفة.

نصيحة قبل ما تشترى وتمشى شوف كل اللمبات شغالة ولا لا لانى بعد ما رجعت لقيت لمبة الواطى محروقة. الحمد الله إنها لمبة 3 جنية وخلاص. كمان حاجة تأكد أم العربية CLS لان فى ماتركس عادى وبتكون أرخص ألفين ولا حاجة. اقولك تعرفها من أين؟ سهله خالص بص لكرسى السواق العربية CLS بتكون فيها بكرتين تعدل بيهم الكرسى وتكيفة على مزاجك الماتركس العادى مش بيكون فيها بكر خالص فى جنب الكرسى