|
#1
21-07-2010, 10:41 AM
|
|||
|
|||
|
مسافرين بعد بكرة و عايز أسأل كام سؤال
ان شاء الله هنسافر يوم الجمعة الصبح مرسى مطروح بالعربية و دى هتكون أول سفرية
بيها العربية matrix 2010 automatic وهى عاملة حوالى 2900 كم بس فهل فى مسكلة كدة ولا عادى خصوصا ان الطريق طويييييل اوى. معلش عندى سؤالين كمان:1)ممكن ناخد الطريق على مرة واحدة ولا ننزل فى رست؟ :2)هو الباور بيفصل عند سرعة كام ؟ وشكرا على المعلومات و الردود مقدما و اسف عشان طولت 
|
|
#2
21-07-2010, 11:06 AM
|
|||
|
|||
رد: مسافرين بعد بكرة و عايز أسأل كام سؤال
الف مبروك علي العربية وان شاء الله توصل بالسلامة لو انتا عملت صيانة الالف يبقي مفيش اي مشكلة وتوكل علي الله والماتريكس بسم الله ما شاء الله تسافر اسوان رايح جي بدون راحه اللهم لا حسد انا ماسك الخشب هههههههههههههههه
بص يا جميل مفيش مشكلة انك تريح في نصف الطريق علشان انتا بردك ترتاح شوية من السواقة لكن العربية بسم الله ما شاء الله تستحمل سفر متواصل الباور بيفصل في الماتريكس تقريبا بعد ال 80 كيلو وربنا يسترها عليك وتوصل بالسلامة
|
|
#3
21-07-2010, 11:08 AM
|
|||
|
|||
|
رد: مسافرين بعد بكرة و عايز أسأل كام سؤال
اهم حاجه قبل ما تسافر تظبط ضغط الكاوتش وتكشف علي الميه في الريداتير والقربة
وتشوف السائل اللي في البطارية مليانة ولا قل
|
|
#4
21-07-2010, 11:18 AM
|
||||
|
||||
|
رد: مسافرين بعد بكرة و عايز أسأل كام سؤال
توصل بالسلامة ان شاء الله
وزى ماقال كورسير بالظبط العربيه تسافر وتيجى على الطوالى مفيش مشاكل بس طبعا تكون باصص على الكاوتش قبل ماتسافر كويس بما فيها الاستبن والعدة بتاعتك مستويات الزيوت والسوائل فى العربيه ووانت ماشى تاخد بالك من مؤشر الحرارة متقرصش على المكنه لمدة طويلة ومتمشيش على سرعة واحدة لمدة طويلة يعنى مثلا لو هتمشى على سرعة 100 يبقى تفضى ماشى 80 - 90 - 100 - 110 وتشيل رجلك من على البنزين لحد ماترجع 80 وتكمل تانى وممكن تمشى ال 80 - 90 على الغيار الرابع وبعدين تنقل الخامس ديه حاجات تريح العربيه اكتر والرست برضو كويس سواء للعربيه او لتركيز اللى سايق ممكن تقف مرة او اتنين طول الطريق وكل مرة نص ساعة كويس اوى
|
|
#5
21-07-2010, 12:32 PM
|
||||
|
||||
|
رد: مسافرين بعد بكرة و عايز أسأل كام سؤال
بعيدا عن السيارة لاني مش هقدر اضيف حاجة بعد ردود Abonora , corsair
اولا مبروك على العربية و ربنا يديك خيرها و يكفيك شرها ثانيا : ربنا يوصلك بالسلامة و تستمتع بالاجازة لان مطروح محافظة جميلة جدا ثالثا: عندي كام نصيحة بخصوص طريق مطروح لان شغلي هناك و انا ماشي على الطريق ده باستمرار 1- طريق العلمين وادي النطرون حاليا بيبقي فيه رادار فى منتصف الطريق و قبل بوابة الرسوم من ناحية العلمين بـ 5 كليو تقريبا 2- ايضا فى واحد تاني فى سيدي عبد الرحمن قبل هاسيندا 3- كمان فى واحد فى الكيلو 50 قبل مطروح 4- بعد ماتعدي كمين مطروح و بعد بوابة المدخل السرعة 60 كيلو داخل المدينة و دي المفأجاة الي بيبقو محضريناها لزوار مطروح و الرادار موجود عند موقف الاتوبيس اعتذر عن الاطالة و توصل بالسلامة
__________________
اللهم احفظ مصرنا الحبيبه من الفتن ماظهر منها وما بطن اللهم ولِي علينا خيارنا ولا تولِي علينا شرارنا اللهم احفظ شعبها من كل سوءٍ وشر يا رب العالمين اللهم يسر أمرنا وفرج كربنا وأرزقنا نعمة الامن والامان والاستقرار
اللهم أكتب لمصر وأهلها الخير حيث كان وكيف كان اللهم اجعل مصر سخاء رخاء وسائر بلاد المسلمين اللهم ارنا الحق حقا و ارزقنا اتباعه و ارنا الباطل باطلا و ارزقنا اجتنابه
|
 |
|
|
