|
#1
29-01-2013, 07:32 PM
|
|||
|
|||
ايهما افضل فيات 128 ولا ريتمو؟؟؟
السلام عليكم ورحمة الله وبركاتة
انا قدامي ريتمو موديل 1980 جنوط اسبور وزجاج كهربائي ودوكو جديد وكاسيت فلاشة وعاملة 13 الف واعتقد ان صاحبها هيقبل التفاوض ومعاها رخصة سارية 6 شهور بس فيها ورقتين... عندي 3 اسئلة محيريني 1- هل العربية دي سوقها ماشي لو حبيت ابيع؟ 2- ياترى السعر دة معقول ومناسب للموديل دة لو حالتها جيدة؟ مع العلم اني معرفش الحالة بتاعتها لاني مكشفتش عليها لحد دلوقت 3- هل الريتمو افضل ام فيات 128؟ ***افيدوني افادكم الله*** 
|
|
#2
29-01-2013, 07:46 PM
|
|||
|
|||
رد: ايهما افضل فيات 128 ولا ريتمو؟؟؟
ريتمو الافضل  : 140109~347:
|
|
#3
29-01-2013, 08:07 PM
|
|||
|
|||
|
رد: ايهما افضل فيات 128 ولا ريتمو؟؟؟
الريتمو ملهاش سوق زى 128 عشان معروف عنها انها بتسخن كمان قطع غيار اقل من 128 ارشح لك 127 احسن عن تجربتهم كلهم
|
|
#4
29-01-2013, 09:53 PM
|
|||
|
|||
|
رد: ايهما افضل فيات 128 ولا ريتمو؟؟؟
الريتمو افضل من ال 128 بكتير ( انا مجلاب الاتنين )
عموما الريتمو عربية ممتاااااااااااااااااااااا ااااااااااازة فى كل حاجة حجمها وصالونها وتابلوها وشكلها واعدتها وسواقتها مريحة جدا( الريتمر اوسع من ال 125 و 131 وال 128 وكل ده الوحيدة الى شبها فى الوسع بس مش مريحة زيها 132 والكلام ده مش بالنظر الكلام ده بالمتر  )بس الريتمو فيها مشكلة زيها زى ال 128 وهى انها بتفتح شاسيهات قدام ولو عملت كده بتغلبك مع الزوايا حتى لو لحمتهم او قوتهم بعد الفتح لو حتاخدها وتقوى الشاسيه قدام قبل ما يفتح تبقى ممتازة (بس كده هترش الحوض جوا ) لازم تكون ناوى تقعدها معاك وموضوع الشخونية ده انا كان عندى بس ده مش عيب العربية دى حالة العربية انا مكنتى ال 1300 باظت بسببه وجيبت مكنه ريجاتا 1500 وريدياتير هيونداى اكسنت 2 مروحة وركبته واعدت حوالى 6 شهور مكشفش عالميا والعربية بتسخنش وفى خلال سنة زوتها مرتين تلاته وكانت حاجات بسيطة وحتى لو مطورها والريدياتير بتاعها واههتميت بيهم هتبقى زى الفل ومش هتسخن الريتمو بيعها تقيل اوى اوى اوى اوى عن ال 128 وال 127 والكلام ده ودى معلومة للازم تبقى عارفها ( انا طلع عينى على ما بيعتها وبيعتها ارخص من تمنها عشان كنت قفلت على بيعها خلاص ) انا ركبت عربيات كتير ومن اكتر العربيات الى ارتحت فيها وفى سواقتها كانت الريمو بس لو مش مظبوطة شاسيه وعفشه هتبقى من اكتر العربيات الى ممكن تتعبك اما ال 128 فانا الصراحة بستخصر فيها الفلوس حتى فى انضف موديلاتها سواء ال 85 او 89 الا لو واحدة هادية اوى او واحد وبيحسس عليها وحافظ مطبات البلد والا هتفتح منه شاسيه برده وتغلبه بس هى بياعة (لكن لو فتحت شاسيه بينزلوها الارض بتتباع اه بس بتخسر ) ال 127 عربية صغيرة بس كويسة هنا فى مصر (وللعلم هى بتفتح تحت الكرتيرة برده بس اقوى من الاتنين دول فى الشاسيه وبتجيب 120 و 130 و 140 عادى على موتورها ال 900 cc ) وبياعة جدا بس طبعا صغيرة وموتورها صغير لكن لو جايب واحدة حلوة ومحافظ عليها ومراعيها هتريحك ممكن تزود سنة بسيطة لو انت مش غاوى عربية من دول وتبص على البيجو ال 205 اغلى شوية بتبدا من 15 الف بس الى اسمعه من تجارب اصحابى انها فوق الممتازة ومتتصدمش اما تلاقى منها ب 35 و 40 و 45 الف عشان بيركبولها مواتير وتكيفات وبيعدلوها gti وبتتظبط جامد اوى بس انت ممكن تدور عليها من 15 لحد 20 وتلاقى واحدة على ابوها وفبريكة جوا ( وساعات برا ) بس انا كتجربة شخصية مجربتهاش انا يدوب سوقتها مرة واحدة لكن مليش تجارب معاها زى الريتمو وال 128 وال 127 اما بقى لو هتعدل وتظبط اى عربية ممكن تبقى ممتازة لو انت عايز تظبطها وشوف التعديلات الى حطهالك الاستاذ العبقرى كارز ادمير وقرر انت ودى هتلاقى منها لكل عربية خاصة ال 127 التوب وربنا يوفقك فى عربية حلوة تريحك ويديك خيرها ويحفظك من شرها ان شاء الله
|
|
#5
30-01-2013, 03:19 PM
|
|||
|
|||
|
رد: ايهما افضل فيات 128 ولا ريتمو؟؟؟
اتوجة بالشكر الخاص لكلاً من cars admire /linatrix / eslamafify على هذة المشاركة الرائعة كما اتوجة بالشكر الى كل الاعضاء الذين مروا بالموضوع واتمنى ان تكون هناك مشاركات اكثر حتى تعم الفائدة على الجميع
دمتم في خير صحة وسعادة وجزاكم الله عني كل الخير إن شاء الله
|
 |
|
|
