عملت حادثة و عايز رأيكم و مشورتكم

[Dr.Yasserrr]

للأسف عملت حادث بالسيراتو بس الحمد الله ان انا سليم و بما انى جايبها بالتقسيط فكان كده كده متأمن عليها ....
اتصلت بالتأمين لحظة الحادث اللى طلب منى انى اعمل محضر , فعملته وو ديتله رقم المحضر فعمل لى الاخطار وبعته الشركة اللى للأسف طولت على - 8 أيام - لحد ما جه المندوب علشان يصور و يتفق ع المقايسة اللى عملتهالهم فى عيسى زى ما طلب منى بتاع شركة التأمين....
المقايسة مبدئيا بحوالى 11 ألف جنيه ... لدى شوية استفسارات :
هل فعلا انا المفروض اتحمل مبلغ 10 % من اجمالى قيمة التصليح ؟
هل من حقى انى آخد قطع الغيار التالفة التى ستغير و تستبدل بالجديدة لأن فيها حاجات تقريبا كويسة و تلفيات بسيطة .. فممكن استغلالها فيما بعد ؟
مع العلم ان شركة التأمين هى المصرية للتأمين التكافلى .. و بالمناسبة ايه رأيكم فيها ..
و لكم جزيل الشكر

[dr_maged]

قدر الله وماشاء فعلا الف سلامة عليك والحمد لله انك كويس احمد ربنا ليل نهار واوعى الشيطان يعرف يدخلك وتعترض على امر ربنا محدش يعرف كان ممكن يحصل اية تانى

وان شاء الله يكون موقفك قوى وما تدفعش حاجة....... انا معرفش الرد على اسألتك بس ان شاء الله زمايلنا هنا يقدروا يفيدوك

[zoomaa&mizaa]

الحمد لله الذى لا يحمد على مكروة سواه .
لو التصليح بيتم فى التوكيل فعلا حضرتك هتتحمل 10 % من أجمالى قيمة التصليح لاكن لو هيتم خارج التوكيل حضرتك مبتتحملش أى حاجة .

[aaet1]

حضرتك مأمن مع أى شركة تأمين، المفروض والعادى انك تتحمل 10% من قيمة قطع الغيار بس مش من اجمالى التصليح

[AbOnOrA]

لازم يكون معاك المنتج اللى اصدرلك الوثيقة هو اكتر واحد ممكن يساعدك ، واللى اعرفه انك يا اما بتسلم القطع التالفة لان الشركة بتعمل عليها مزاد وتبيعها او بيتخصم منك نسبه مش فاكر كام وتحتفظ بيها
وبروضو اللى هيكادلك مندوب الشركة
وربنا يعوض عليك ويجعله فى ميزان حسانتك يارب بس مهم تقعد على ايد الناس اللى هتشتغل فيها لان فيه اماكن علشان بتشتغل للتامين بتشتغل اى كلام معرفش ايه العلاقة بس انت فهمهم ان لو العربيه ليك عليها اى تعليق مش هتمضى استلام