تنفخ الكاوتش هواء عادي ولا نيتروجين؟؟

[AHMEDCAR]

يوم الجمعه يا معلم

[m_o_sakr]

المشاركة الأصلية كتبت بواسطة marwanelbendary الفايدة من النيتروجين يا جماعة مش أي حاجة غير انه هواء نقي لا يحتوي على غازات وأبخرة وأحيانا قطرات مياه صغيرة جدا مما يؤدي الى زيادة الضغط في الاطار عند تعرضه للحرارة العالية عند القيادة وخصوصا لمسافات طويلة, سرعات عالية وأجواء حارة

اولاً تسلم ايدك
بس ليا تعليق بسيط
احب اضيف على الى حضرتك وضحته ان النيتروجين (غاز خامل-غير قابل للإشتعال ولا يساعد عليه) من اهم مميزاته قله تأثره بتغير درجه الحراره يعنى معاملات التمدد و الإنكماش فى الحجم بتكون بنسب صغيره لتغير درجه الحراره

[marwanelbendary]

المشاركة الأصلية كتبت بواسطة m_o_sakr اولاً تسلم ايدك بس ليا تعليق بسيط احب اضيف على الى حضرتك وضحته ان النيتروجين (غاز خامل-غير قابل للإشتعال ولا يساعد عليه) من اهم مميزاته قله تأثره بتغير درجه الحراره يعنى معاملات التمدد و الإنكماش فى الحجم بتكون بنسب صغيره لتغير درجه الحراره

الله ينور

بس برضه ماتنساش ان الهواء الجوي 79% نيتروجين
والنيترجين اللي احنا بنحطه نسبة أكتر شويه بس مش نيتروجين نقي تماما..

فاحنا بالتالي بنقارن من حيث نقاوة الغاز من الشوائب والأبخرة

[m_o_sakr]

المشاركة الأصلية كتبت بواسطة marwanelbendary الله ينور بس برضه ماتنساش ان الهواء الجوي 79% نيتروجين والنيترجين اللي احنا بنحطه نسبة أكتر شويه بس مش نيتروجين نقي تماما.. فاحنا بالتالي بنقارن من حيث نقاوة الغاز من الشوائب والأبخرة

تمام انا متفق معاك, انا كنت بزود معلومه بس, لكن الله ينور عليك

[أشرف الشفقى]

طب من الآخر كده، سؤال جانبى، وموجه بالذات للأخ المهندس مروان، أنا جايب عربية i10 جديدة، وفى الكتالوج كاتبين أنفخ على 33 فى الحمل العادى وعلى 35 فى الحمل العالى (أكتر من 3 راكب). والناس فى مصر بتنفخ العجل عادة على 27 فى الصيف وعلى 30 باين فى الشتا. أعمل إيه، أسمع كلام الكتالوج بتاع الi10 وأنفخ على 33 ولا أمشى زى ما الناس فى مصر بتعمل وأنفخ العجل على أقل من كده؟

طبعاً الi10 معمولة فى الهند، يعنى الجو هناك حر زينا، مش فاهم ليه كاتبين فى الكتلوج 33 و35. حد يدلنى على الصح إيه أعمله. نفسى أحافظ على العربية وأعمل الصح يتعمل. (كلمة "يتعمل" ده مش خطأ نحوى، ده بس صيغة نحوية مفتكسة ومستخدمه أحياناً لزوم اللعب بالكلام.)