فكـــــــــرة مشـــــروع هايـــــلة...

[horas3000]

المشاركة الأصلية كتبت بواسطة waelfarid جزاكم الله خير فعلا الشباب عاوز يطلع في الاسانسير واللي يبص لغيره يتعب فيه واحد زميلي حكيم قاللي الحياة ثلاثة مراحل الاولي تشتغل وغيرك يقبض والثانية تشتغل وتقبض والثالثة غيرك يشتغل وانت تقبض

زميلك ده راجل فاهم و 100 100

[ابو هيما]

شكرا لجميع الأخوة الأعضاء الذين ساهموا بمشاركتهم فى الحوار واسمحلى يا أستاذbmkbmk و يا أستاذameer أنى أستعين ببعض كلماتكم التى ذكرتموها فى الرد على مشاركتكم فى الحوار.
أولأ :انا متفق معاكم مائة بالمائة أن الدراسة وتنمية القدرات بتتيح للأنسان فتح مجالأت جديدة وفرص كتير .

أنا عن نفسى الدراسة بعد الثانوية العامة هى اللى أجبارتنى أنى أدخل كلية تربية وأدرس أربع سنين حاجات مبحبهاش .
فى حين أنى انا كان كل أمنية حياتى أدخل كلية ألسن .بس بصراحة أنا ما سكتش ودرست بتعمق اللغة الأنجليزية الى أن أتقنتها وبدأت أشتغل فى السياحة بها .ثم أكتشفت بعد ذلك أن فى لغات تانية كتير نادرة البلد محتاجة لهاا ومحتاجة لشباب يتكلموا بيها وكان من ضمن هذه اللغات اللغة الروسية -خاصة وأن كمية السياحة الروسية الوافدة لمصـــر تشكل تقريبا نصف كمية السياح الذين ياتون لمصر كل عام ..والكلأم ده بياكدوا أكتر كلأمك يا ameeer فتعليم لغات جديدة هو ده اللى البلد محتاجة له (فالسياحة بعد قناة السويس تمثل الدخل الأول لبلأدنا وعمرك أبدا ماهتتعلم لغة وتقعد تقول أنا مش لأقى شغل - صدقنى هاتلأقى وهاتتخطف خطف من شركات السياحة -وصدقونى فى لغات كتيرة لسة البلد محتاجة للى بيتكلموا بيها -زى البولندى ..الدنيماركى ..اليابانى ...التشيكى والروسى ) واللغات دى أنتوا ممكن تتعلموها بسهولة فى المركز الثقافى الذى يتبع كل سفارة ولو مش عارف أزاى توصلله أو تلأقيه فهات رقم أى سفارة من السفارات دى وأتصل بيهم وهما هيقولولك ويدلوك ..بس أنت أبدا .
فى البداية كان الطريقة بدايته صعبة لتعلم مثل هذه اللغة وخصوصا أنه لأيوجد اماكن لتعليمها فى مصر سوى مكانين وهما المركز الثقافى الروسى الموجود بالدقى -أما المكان الثانى فكان كلية الألسن ومن ثم فقد أجبرتنى الظروف لتعلم هذه اللغة فى المركز الثقافى الروسى وبدأت ألأقى فرص شغل كتير فى شرم الشيخ مع مرتب كبير ..لكن كان حجم اللى أنا أتعلمته فى المركز مش كتير وكان يادوبك يكفى لتوصيل الموضوع للطرف الأخر وكان برده فى كلأم كتير لسه مش مفهوم ليا -وبالطبع ماكنش ينفع أننى أكمل بالمنظر ده وأخلى زميلى يتكلموا عليا..عشان كده غامرت وقررت أسافر مع صديق لى الى أوكرانيا ألأول كمجرد سياحة للتعرف على حال البلد وهناك لأقيت جامعة كويسة وقررت أنى أرمى كل حاجة وراء ظهرى وأتفرغ للدراسة وده يا أستاذ bmkbmk بيأكد كلأم حضرتك
فالمغامرة مطلوبة والمثل بيقول "يفوذ بالملذات كل مغامرا "
وديه كانت بالنسبة لى مغامرة صعبة جدا خصوصا أنى كنت متجوز وعندى طفلين والناس كلها وقفت ضددى وأتهمونى انى مجنون عشان أسيب شغلى ووظيفتى ومش بس كده ولكن بيتى كمان عشان أروح أدرس (خصوصا أن مدة الدراسة كانت سنة كاملة) ..بس أنا أتبعت كلأم النبى عليه الصلأة والسلأم " أطلبوا العلم ولوفى الصـــــــين "" وأطلبوا العلم من المهد الى اللحد"
وممشيتش وراء كلأم الناس وأعتبرت أنى كل اللى الفلوس اللى كسبتها ورايح عشان أتعلم بيها أنى هاستثمرها فى مشروع ناجح لى ولأولأدى ..والمغامـرة دى يا أصدقائى لأزم تكون مرتبطة بالتوكل الشديد على الله عز وجل -فحينما خرجت من منزلى وسافرت دعوت الله بأن يحفظ لى زوجتى وأولأدى وأن يصبرنا على البعاد ويحقق لنا مرادنا وحلمنا ..كنت بعيش فى ظروف صعبة ( بلأد برد وتلج فى كل مكان لدرجة أن درجة الحرارة كانت بتوصل سالب 35 تحت الصفر .تتخيلوا !!)
كنت بذاكر ليل نهار وكنت بتقى ربنا فى كل شىْ"أحفظ الله يحفظك -أحفظ الله تجده تجاهك "
عمرى مافكرت أنى أمشى مع بنت أو أصاحب واحدة وأنسى الهدف اللى أنا سافرت من اجله ..ولكم أن تتخيلوا مدى كرم الله عز وجل
أولأ) حصلت على الشهادة فى اللغة الروسية من الجامعة بتقدير أمتياز .
ثانيا ) رجعت مصـــــــــر وأصبح مركزى أحسن بين زميللى -واثق أكتر فى نفسى وأصبحت أتكلم فى مواضيع كتير باللغة الروسية بحرية تامة فى اللغة وبشكلم سليم جدا ..
ثالثا ) ربنا كرمنى وأشتريت شقة كويسة جدا ( عقبلكم جمعيا ) وأشتريت عربية كويسة أوى ( تويوتا ياريس ) بعيتها بعد كدة وجيبت ( لأنسر) أى نعم عملت بيها حدثة بعد كدة وأصبحت ماتنفعش خالص بس أنا بحمد ربنا أنوا كتب لى السلأمة وربنا يكتبها لكم جميعا على الطريق -
وصدقونى الطريق ما وقفش عند كده ولما المنافسة كبرت وأشتدت وبدأ يكتر اللى بيتكلموا روسى فكان لأزم أنى أطور تانى من نفسى وأذاكر تانى عشان أقدر أحافظ على مركزى اللى وصلت له -بالفعل ذهبت الى معهد سيناء للسياحة والفنادق ودرست سنتين تانين للحصول على ترخيص الأرشاد السياحى والحمد لله ربنا وفقنى وحصلت عليه .
عشان كدة يا أصحابى أنا بوصيكم دايما بالثقة فى الله عز وجل ( أجعل كل تكلك على الله ولأتتعشم أبدا فى بنى أدام وأجعل عشمك بس فى الله عز وجل ..أتقى الله فى كل خطوة تخطوها وأوعى تفترى ولأ بالقول ولأبالفعل على أى أنسان وصدقونى والله والله والله ربنا هايكرمكم أخر كرم وده عن تجربة شخصية وسامحونى على الأطالة ..بس يارب تكونوا تجربتى هى أفادة ليكم كلكم .ويارت تانى وبطلبها منكم جميعا -ياريت لو كل واحد يكتب لنا تجربته ليستفاد منها الجميع


وصدقونى والله "أن الله لأيضيع أجر من أحسن عملأ"

قال رسول الله صلى الله عليه وسلم
" خيركم للناس أنفعكم للناس "
صدق رسول الله

[horas3000]

و الله يا ابو هيما انا مش عارف اقولك ايه
فعلا قصة كفاح و مجهود جبار و ربنا اعطاك علي قد نيتك و مجهودك و وفقك و ده بيعزز كل اللي احنا اتكلمنا فيه و بيثبت فعلا انك انسان ذكي و طموح. و زي ما انت قلت التعليم و تطوير النفس و المهارات هو مفتاح النجاح بعد توفيق ربنا سبحانة و تعالي.

و انا فعلا مؤمن بده و بطبقه. انا دلوقتي داخل علي سنتين بدون شغل و ده بارادتي لاني كنت شغال في شركة مالتي ناشونال و مرتبي و مركزي كانوا زي الفل لكن انا قررت ان اسيب لانه كان بيتعارض مع الخطة اللي كنت حاططها لنفسي.

انا اتخرجت سنة 2005 من الجامعة الامريكية قسم محاسبة و كنت و اخد قرار اني مش هكتفي بالبكالريوس و اني لازم افرق نفسي عن غيري رغم ان ناس كتير قعدوا يقولولي و انت عايز ايه اكتر من كده ده اسم و شهرة الجامعة اللي انت متخرج منها يجيبولك وظيفة هايلة بمرتب هايل ناس كتير ما تحلمش بيه لكني اصريت و والدي ربنا يخليهولي اداني كل الدعم. و كان قراري اني اسافر امريكا او كندا و اعمل MBA في اي جامعة كويسة و بالفعل راسلت اكتر من جامعة لكن للاسف كل الجامعات كانت بتطلب علي الاقل سنتين خبرة عملية و طبعا ادايقت جدا بس مياستش و قلت خلاص اشتغل سنتين و ارجع لخطتي. و بالفعل لقيت شغلانة في مكتب تدقيق حسابات مشهور هنا في الكويت و كنت هخلص شوية اجرائات و هبتدي شغل و خلال الفترة ده اكلمت مع ابن خالتي و حكيتله علي الشغل و قالي بحكم خبرتة اني شهادتي تؤهلني اني اشتغل في اماكن احسن و قالي اركز علي الشركات العالمية عشان لما ارجع مصر تكون محطة كويسة في ال CV و فعلا اخدت بنصيحتة و قدمت في مكتب تدقيق حسابات برضة بس من ال big 4 و دول اكبر 4 مكاتب تدقيق في العالم كلة و ليهم فروع في كل حتة و بالفعل عملت انترفيو و قالولي هنرد عليك. المهم اتاخروا عليا فانا قلت انهم رفضوني و كنت خلصت اللي ورايا و رحت استلمت شغلي في المكتب الاولاني و سبحان الله كان في عندهم نقص في اللاب توبز فمبداتش شغل و قضيت اليوم اخد فكرة عن الشغل و المكتب و تاني اليوم لقيت المكتب التاني كلموني و قالولي علي الافر بتاعهم و كان المرتب اكبر و مع امتيازات تانية و بعد استخارة ربنا و استشارة والدي رحت تاني يوم مستقيل و استلمت شغلي في المكتب الجديد.

و بعد سنتين فكرت في الشهادة تاني بس لقيت ان ال MBA مبقتش مناسبة ليا لان طبيعة شغلي مش مناسبة معاها و لو خدتها مش هتفيدني و هبقي ضيعت السنتين اللي اشتغلتهم و كان قراري ان ابتدي في شهادة مهنية في المحاسبة مشهورة اسمها CPA مكونة من 4 مواد امتحانهم في امريكا بس و اللي بياخدها بتبقي فرصة اعلي انة يمسك مناصب ادارية او يحصل علي مرتب عالي. المهم ابتديت اذاكر و انا بشتغل بس طبعا كان فشل زريع لان مكانش عندي وقت. فكان قراري اني اسيب الشغل و تفرغت للدراسة و اخدت كورس ليها لمدة 9 شهور و ابتديت اسافر و الحمد لله خلصت 3 مواد و فاضلي 1 طالع الشهر الجاي امتحنها وربنا يسهل

فالي بيبص لقدام و يحسبها كويس و يتوكل علي ربنا بيلاقي نتائج كويسة و النجاح بيكون حليفة

معلش طولت عليكم بس برضة عشان الكل يستفيد