|
#31
28-12-2011, 01:40 PM
|
||||
|
||||
رد: اسرار مش اسرار
الحلقة القادمة ايه ولا ده سر؟؟؟
|
|
#32
31-12-2011, 12:34 PM
|
|||
|
|||
رد: اسرار مش اسرار
اسف لتغيبي من يوم الثلاثاء الماضي لطروف صحية وان شاء الله نتابع مع بعض حاجة جديدة حلوة عشان السنة الجديدة وكل سنة والمنتدى كله بخير وان شاء الله السنة اللى جاية احلى
|
|
#33
01-01-2012, 06:01 PM
|
||||
|
||||
رد: اسرار مش اسرار
|
|
#35
03-01-2012, 02:32 PM
|
|||
|
|||
|
رد: اسرار مش اسرار
طمس الحقائق فى الحركة الصهيونية...
اليوم ان شاء الله السميع العليم ، وبعد ما تشربوا كوباية شاى حلوة كدا نمزمز فى الموضوع دا....والموضوع دا يارجالة درجة اهميته بالغة جدا ولازم كلنا كمواطنين عاديين ننتبه له ونبدا فى نشر حملات التوعية ونبدأ بمنازلنا واهلنا واصحابنا ( وهى بالفعل بدأت من زمان الحملات دى لكن بين الأوساط المهتمة والمثقفة بس وليس بين عامة الناس ) ، وزى ماهو باين من عنوان الموضوع كدا انه عن الحركة الصهيونية واللى بتعمله فى قلب الحقائق ويمكن ناس كتير منكم قرأت فى مواضيع مختلفة فى الحركة الصهيونية وتمام ما شاء الله مش محتاجين تعريفات للحركة الصهيونية ....احم احم نبدأ على بركة الله الناس الصهاينة دول يا جماعة عندهم استراتيجية خاصة جدا فى قلب الحقائق للنقيض وتعتمد هذه الاستراتيجية على الدعاية المكثفة جدا و الجذابة و المستمرة على مدى زمنى بعيد ( عشرات السنين – مئات السنين .....يعنى خطط لأولاد اولادهم وهكذا ) . وقالك بقي ( ماحدش يطلع يقولى : هو مين دا اللى بيقولى هو يعرفنى منين ههههههههه )  قالك فى فترة ما بعد قيام الثورة الصناعية الكبري فى اوروبا وتقدم العلم فى كل المجالات وازدهار الطب النفسي وجدوا حاجة عجيبة جدا ( قال يعنى اكتشفوا قارة امريكا ) وجدوا انك لما تردد كلمة او جملة او مفهوم على العقل المفكر ( العقل الصاحى اللى بنفكر وبنحسب بيه يعنى) تؤثر على العقل الباطن وتطبع صورة او تفسير للكلمة لااااااااااااااااااا شعوريا أبسطهاااااااااااااااااااا اااااااااااالكم لما واحد يقعد يقول لأبنه من وهو فى سنة اولى مدرسة : يا فاشل يا فاشل ....طب كلمة فاشل بتعصبك !! طب ياله يا فاشل يا فاشل ... يروح العقل الباطن ياعيني بتاع العيل يطبع عندهم صورة عن نفسه انه فاشل وغبي وحمار بديليين .... ويبدأ يتصرف على هذا الأساس و للأسف السبب أبوه . والعكس صحيح : فعائلة الدكتور زويل كانوا ينادوه منذ صغره بالدكتور أحمد ........... جم بقي الصهاينة دول يستغلوا الموضوع دا وينشروا جمل وكلمات مزيفة لقلب الحقائق ( على النقيض تخيلوا !! ) قالوا عن حرب 1948 م اللى هى قامت عشان اعلان اسرائيل انها دولة .....يطلقوا عليها فى وسائل اعلامهم وفى الوسائل العالمية اسم حرب التحرير ( ملحيمت هشيحرور ) وكانت لبانة فى بقهم حرب التحرير .. حرب التحرير .. الناس فى العالم استغربوا وقالوا تحرير ايه دا يا خواتى اللى بيتكلموا عنه !! رد الصهاينة بكل بجاحة : دي حرب تحرير أرض الأباء من المغتصبين العرب الوحشيين اللى قاعدين فيها من الاف السنين .......ولسة الى هذا اليوم يطلقوا عليها حرب التحرير وجميع وسائل الاعلام العالمية تستخدم نفس المسمي لها. وعن حرب اكتوبر ( بيقولوا عليها حرب يوم الغفران : ملحيمت يوم هكيبور ) فى كل المحافل الدولية معروف ان اسرائيل لقنت مصر درسا لن تنساه وان مصر حاولت ان تباغت اسرائيل الا ان اسرائيل اجمعت قواها بسرعة وضربت الجيش المصري بعنف ( ادونا علقة سخنة على حد وصفهم احم احم هتعرفوا والله ان احنا اللى اديناهم الفرصة يقولوا كدا ) الناس دي بقي عملت ايه عشان تقول كدا !!!! عملوا مادة اعلامية عبارة عن فيلم وثائقي ( الكلام دا من زمان على فكرة ...من بعد الحرب كدا) وصوروا فيه اللى حصل كاملا فى ثغرة الدفرسوار وطبعا فقرة فى الأول عن اندلاع الحرب وتهور المصريين فى مسألة العبور ) ومصورين بقي الطيارين الاسرائيلين والمدفعية الاسرائيلية ورفع علم اسرائيل وحبة لقطات كدا كلها هجص فى هجص ما تجيش 25% من الحرب ....لكن .... للأسف دا اللى اتنشر دوليا من جهة اسرائيل واحنا فى البلالاااااااااااااااا يا معلم ولا عندنا مادة وثائقية ولا صورنا غير لقطات خفيفة كدا على ما أوسم ونصها متفبرك فى الافلام..............ولو حد فيكم سافر لأوروبا وانا بيتهيألى ان بالفعل حد من اعضاء المنتدى مقيم فى اوروبا لكن مش متذكر مين صراحة ...المهم لو سألتم أى مثقف اوروبي او امريكي عن حرب اكتوبر 1973 هتلاقيه فكر كدا شوية وسرح ويقولك قصدك حرب يوم الغفران !! فتقوله اه انت تعرف ايه اللى حصل فيها !! هيقولك مصر حاولة تستفز اسرائيل وتهورت فى مسألة العبور وراح من المصرين الاف مؤلفة و اسرائيل ضربت مصر بشدة وبعنف جعلت من الرئيس السادات يلجأ لمجلس الأمن و أمريكا ويطلب وقف اطلاق النار ولولا هذا الطلب كانت اجتاحت اسرائيل القاهرة ......................... ..........الخلاصة كله كلام ملفق ابن كلب ولا يمت للحقيقة بشيء لكن اهو دا اللى طلع من جانبهم واحنا ما حدش طلع قال حاجة من عندنا وكمان ولا حد علق على كلامهم ولا يحزنون واحنا بس اللى نعرف اننا انتصرنا واحنا بس اللى عارفين اننا هزمناهم لدرجة ان بعض الشعوب العربية تنسب النصر لها كاملا ونحن لا ننكر دور الأمة العربية لكن فى دول بترجع الفضل الكامل بعد الله لها .............ودا نتيجة لاننا مش بنوثق مجهودنا ولا حتى بنرد على اى كلام مش صحيح. وعن الجيش الاسرائيلي ...... يطلقون عليه فى اسرائيل وفى وسائل الاعلام العالمية كلمة ( تساهال ) وهى اختصار لجملة ( تسافا هاجانا شل يسرائيل ) بمعنى - ودققوا قوى فى المعنى الله يخليكم - ( جيش الدفاع الاسرائيلي ) ........كانت وسائل الاخبار عندنا زمان بيقولوها لكن لما انتبهوا ليها ماحدش بقي بيقولها .........تخيلوا بقي لما كل اولادنا او اولاد العالم يسمعوا جملة جيش الدفاع الاسرائيلي ...جيش الدفاع ...جيش الدفاع .... هيلصق فى مخيلتهم ان جيش اسرائيل دا مدافع واتعمل عشان يدافع عن حقه او يصد هجوم ما من ناس اشرار ( اللى هو احنا العرب الاشرار ) فى حين ان جيش اسرائيل لم يدافع الا مرة واحدة فى حرب 73 فقط لا غير و بقية حروبه هو معتدي ومبادر بالهجوم . وعن العمليات الاستشهادية و الشهداء اللى بيدافعوا عن ارضهم ويقومون بعمليات استشهادية فبيقولوا عليهم ( محبليم / مخبليم ) ومعناها ( مخربين ) فى الاخبار يقولوا تم احباط عملية تخريبية وضبط المخربين ..........وبيترجموها فى اوروبا انها عمليات تفجيرية من الفصائل الجهادية ( الوحشة الكخة الارهابية ) ...........فى حين ان حق الدفاع عن الارض مشروع لكل انسان فى العالم. ودا يقودنا لمصطلح مهم جدا نجحوا فيه بالفعل وهو مصطلح ( الأرهاب ) ااااااااااااااااااااااااا اه ااااااااااااااااااااااااه ولو انى عارف ان ممكن حد يطلع يهاجمنى بس انا هنقل اللى يريح ضميري وربنا يستر .. يا عرب يا مسلمين لازم الكل يعرف الفرق بين بعض الكلمات يفرقهم فى المدلول شعرة ( التخويف – الترويع – الارهاب – التهديد ......والكلمات المشابهة الاخرى ) فكل كلمة تختلف عن الأخرى وكل منها لها مدلول وحاله معينة تطلق عليها ، ومش هندخل فى تفاصيل لغوية لكن خلونى اقولكم الأية دي : (( .....وأعدوا لهم ما استطاعتم من قوة ومن رباط الخيل ترهبون به عدو الله وعدوكم.... ) والله عز وجل لا يقول الا ماهو فى مصلحتنا ويأمرنا بأن نعد ما نستطيع من القوة لنرهب به عدو الله وعدونا وليس لنعتدي عليه او نخيفه او نروعه فالقوة هنا تحول بين اعتدائهم علينا و حفاظهم على عهدهم والسلام معنا . أبسطهاااااااااااااااااااا اااااااااالكم انا دلوقتى شاب كويس صادق ملتزم وكريم و سمعتى زى الجنيه الدهب وكل الناس بتحبني وفى نفس الوقت بروح كل يوم الجيم وعضلاتى طبيعية طالعة من التيشيرت ( دا مثلا يعنى ) ونظرا لطبيعتنا البشرية فكل واحد له عدو وصديق فيقوم العدو يحقد ويحسد ويتمنى لو ان يتسبب لى فى اى متاعب وخلاص او يضربنى فلما يشوف عضلاتى يرجع عن تفكيره السيء . هو دا الارهاب .....اللى جاى من الرهبة ....من أرهب – يُرهب – تُرهب – تُرهبون ، واسم الفاعل ( إرهابي ) فان الله يحثنا ان نكون مُرهبين وليس مروعين او مخيفين فالرهبة نراها فى وجه الرجل الفاضل او الشيخ او العالم او صاحب المنصب ويمكن الجمع بين الرهبة والحب فى نفس الوقت تجاه شخص واحد ........... لكن تم استبدال مدلول الكلمة لكى تدل على عمليات سفك دماء او تفجيرات او مافيا ( مقنعة فى شكل اسلامى ) وهكذا ليحرفوا مدلول كلا من كلمتى ارهاب و مجاهد فى سبيل الله. وبدل ان نفخر بها ونقول لربنا لقد اعددنا كل ما استطاعنا يارب من قوة وأرهبنا عدوك وعدونا ، أصبحت كلمة مهينة ولعياذ بالله يتبرأ منها المسلمون. طيب فيبقي ايه المطلوب مننا : المطلوب اننا قبل ما نردد كلام وخلاص لازم نفكر فيه ونشوف هل الكلام اللى بنردده دا صح ولا غلط ....حتى لو بننقل على لسان حد تانى فنقول ما يتوافق معنا ولا ننقل فقط كالمسجلات والراديو. اخيرا اتمنى يكون الموضوع خفيف كالعادة ويكون عجبكم ..... وفى الأخر فإن كل ما نشرته او ما سأنشره يستوجب المزيد والمزيد من البحث . وانا جاهز للنقاش او التوضيع لأى جزئية ملحوظة لمستر استرا : انا ما حبيتش اكتب بالعبرى علشانك يا كبير 
|
 |
|
|
