#1
|
||||
|
||||
هو الجواز بقى موضة قديمة ولا انا اللى قديم
اليومين دول بقيت اسمع كتير اوى كلام غريب اوى اوى عن الجواز فقولت اخد رايكم فيه
مثلا ديه مشاركة لصديقة كتبت فيها الاتى :
واللى يقولك ديه افكار فلاحين وغيرها كتير من الردود اللى جابتلى اشمئزاز وقلبت بطنى وخليتنى اسيب كل حاجة فى ايدى علشان اكتب ردود عليها والاغرب ان بعد سيل الردود والمناقشات ديه اول ما كتبت ردودى الناس سكتت فمش عارف انا بقيت غريب ولا فيه ايه بالظبط بصراحة ديه كانت ردودى كلام عجيب كله من اوله لاخرة بصراحة .. اولاً فيه فرق كبير بين نظرة المجتمع كله حاجة ونظرة صاحبه بتكرهك حاجة تانية القياس لا يصح بالطريقة ديه حتى لو كانت متجوزة وناجحة وسعيدة وكل حاجة برضو هتلاقى واحد واتنين يتخانقو معاها ويوقلولها كلام يزعلها ومش منطقى ابداً ان علشان كلمة اخد قرار مصيرى زى ده .. ثانياً نظرة المجتمع للراجل الى مش بتجوز متختلفش كتير عن نظرته للبنت الاتنين بالنسبة للمجتمع حالة "شاذة" عن المعتاد اللى هو ان الناس تتجوز واللى يقرر يعيش فى مجتمع بدائى زى بتاعنا ده "خارج نطاق المعتاد والمألوف" لازم ياخد قرار من ياما ميبقاش حساس اوى كدة وميبصش لاراء الناس يا ينعزل ويعيش فى الصحراء يا يسيب ام البلد كلها ويطلع بره وبعدين فكر وهابى ايه اللى ليه دخل فى المشكلة انا نفسى افهم !! ديه عادتنا وتقاليدنا من ايام الفراعنة لدلوقتى روح شوف الصعيد كله مسيحين قبل مسلمين اهتمامهم بجواز بناتهم بيبقى ازاى .. بلاش دول اسالو اى ام او اب عن انتظارة لفرحة جواز بنته واسالوه عن علاقته بالفكر الوهابى ولا الهبابى !! وبعدين واحد يقولك اصل بره مبتجوزوش مين قالك يا بيه الكلام ده وانهى بره وانى مجتمع فى بره تحديداً العائلات الكبيرة فى اوروبا او امريكا الشمالية الجواز عندهم بنفس اهميته هنا اما الناس الصيع ديه قصة تانية فى اى حته طبعاً .. امريكا اللاتنينة بقى متختلفش عن الصعيد الجوانى حاجة زيهم جنوب ايطاليا مثلا او شرق اوروبا لو بنتكلم عن الصيع حتى اللى بره فهما اه مبيتجوزوش رسمياً بس " المعتاد والمألوف مجتمعياً " ان كل واحد او واحدة بيبقى له رفيق او رفيقة وبيعيشو مع بعض من غير قانونية الزواج ولو انا عايش بره وسنى عدى التلاتنين ولسه عايش مع امى صحابى هيهرونى تريقة برضو ولو عايش لوحدى هيشكو فيا انى هومو .. طب عمر حد شاف حد ليه مكانة اجتماعية بره وزير ولا سفير ولا برلمانى مش متجوز ! الخلاصة الجواز بره مسائلة قانونية بحته والوضع اللى بعض السفهاء هنا شايفه جنه ده وبال وكارثة اجتماعية على مجتمعاتهم هناك وبيحاولو يصلحو مش مبسوطين بيه وعلشان كدة بنلاقى دلوقتى قوانين فى اوروبا (الغربية) وامريكا تتحايل على مشاكل الجواز القانونى التقليدى هناك بحيث تضمن اطار قانونى للعلاقة الزوجية بدون مساوئ التبعات القانونية التانية وهو ما يعرف بقوانين الشراكة المدنية او الاهلية civil partnership / civil union ده مثلا مثال من انجلترا Citizens Advice - Living together and civil partnership - legal differences ...... انتهى الرد كلامى ده فيه حاجة غلط !! انا عن نفسى اتجوزت واللى كان كان خلاص بس بالنسبة لاخواتى الصغيرين اللى بجوزهم ولا اولادى اذا ربنا ادانى العمر اجوزهم هيبقى الجواز بتاعنا ده عادى كدة يعنى ولا ممكن يلغوه راخر باعتبار انه تخلف مجتمعى وفكر وهابى ويمكن يطلع عمل ارهابى كمان التعديل الأخير تم بواسطة AbOnOrA ; 08-12-2014 الساعة 03:05 PM |
#2
|
||||
|
||||
رد: هو الجواز بقى موضة قديمة ولا انا اللى قديم
بص يا وائل بيه حضرتك خبرتك اكتر منى
عن نفسى بطبيعة اشتراكى فى كتير من الصفحات العلمية سواء عربية ام اجنبية مش عايز اقولك كمية الالحاد و الكفر العلنى ( جاهرين بيه ) خاصة العالم العربى الموضوع بقى موضة و اكثرهم شباب او صبية و فتيات فتخيل واحد او واحدة مش مؤمنة بوجود خالق اساسا و بيبقى مثلا مصرى زيك و ممكن اسمه محمد او زينب و تبهتك بافكارها الموضوع كبير لانى بتكلم على اعداد كبيرة حد حيستغرب كلامى ايه علاقته بموضوع الجواز كله مرتبط ببعضه سحق الاديان و تعاليمها و ثوابتها ( الاسلامى خاصة ) تحت نعال الكفر و ضرب كل ثابت و التشكيك فيه هم مأمورين بكدا و بالمناسبة السعيدة ديى ليه كل ما ادوس على مشاركات جديدة يطلعلى "عذرا - لم يتم العثور على ما يطابق بحثك. حاول بطريقة اخرى." انا بتاع الطريقة الدغرى ايه بقى الاخرى ؟
__________________
سبحانك لا علم لنا الا ما علمتنا |
#3
|
||||
|
||||
رد: هو الجواز بقى موضة قديمة ولا انا اللى قديم
برنس ..................
|
#4
|
رد: هو الجواز بقى موضة قديمة ولا انا اللى قديم
الزواج شركة رأس مالها الحب والمودة ، وغرسها الاخلاص ، وعطاؤها الايثار والفداء والتضحية ، وتربتها
الرضا والقناعة ، وشمسها الوضوح والصراحة ، وسماؤها السكينة والطمأنينة ، وبابها القبول وحسن الاختيار ، وطعامها السلوى ، وشرابها الماء السلسبيل ، وكسبها سعادة الدارين ، وحقيقة ثمرتها رضا الله تعالى ، وجائزتها وربحها جنات عرضها السموات والارض ، طبعاً هذا الكلام عندنا نحن الشرقيون والمتمسكون بتعاليم دينهم وعاداتهم وتقاليدهم أما فى أوروبا وأمريكا فكما قلت حضرتك إنها مسأله قانونية ورسميه ولا يلجأ إليها إلا قليل من الناس .
__________________
م . نبيل عبد الرحمن مصر موتورز الإسكندرية
|
#5
|
||||
|
||||
رد: هو الجواز بقى موضة قديمة ولا انا اللى قديم
بما اني شاب فهحاول اقربلكم الموضوع شوية
موضوع الزواج في مصر بقي مكلف جداااا جداااا بقي زي الحج كده لمن استطاع اليه سبيلا المجتمع طبقات الطبقة الفقيرة واللي غالبا بيكون فيها درجة عالية من الجهل ( بدون مؤهل )وديه مفهاش مشكلة اوي بيتزوجوا باقل التكاليف وبيطحنوا او للدقة بيدعكوا في دوامة الحياة و مفيش هم عيال يتعلموا ولا يتعبوا يطلق او يتجوز تاني مش بتفرق والطبقة الغنية او اللي فوق متوسطة مفهاش مشكلة المشكلة في الشباب اللي في الطبقة المتوسطة اللي اتعلمت تعليم عالي وديه الشريحة العظمي ( للاسف الطبقة ديه بتتالكل في المجتمع بتنزل للطبقة الاقل وللاسف اكتر التعليم اللي اتعلمته مش بيأهلها لانها تشتغل في وظيفة مناسبة ) بيكون غالبا الاسرة مش قادرة تساعد الشاب اي مصاريف الزواج غير بقدر يسير من المصاريف وسعات مفيش اي مساعدة وبيكون مستوي مطلوب (( التكافؤ الذي ذكر في الاسلام )) النتيجة الواحد كشاب شبه مستحيل او صعب جدا يشتري شقة ومهر وجهاز بمرتبه ههههههههه فبيصرف نظر وخلاص ( الظروف كده و المجتمع كده ) وفي ناس بتتزوج في شقق ايجار وبعد شوية الاعباء المادية تزيد وتكون المحصلة المنطقية الطلاااااق وعيل بيتشرد * ملحوظة دراسة اثبتت ان لقب مطلقة عند البنات افضل من لقب عانس ( ممكن النت ترضي باي حد عشان ميتقلش عانس ،، مجتمعنا كده ) *ملحوظة كمان :: بورسعيد من اعلي معدلات الطلاق في مصر بسبب ازمة السكن وارتفاع اسعار العقارات لدرجة مبالغ فيها عن اي مكان في الجمهورية فنسبة العنوسة بتزيد .و .و .....و.....و....الخ انا اعرف ناس كتيييييييييييييييييييير جدا بتسخر من الزواج لا لشيء الا لإنه صعب جدا وشايفين انه مستحيل بالنسبة ليهم (ديه الخلاصه)
__________________
|
|
|