حقيقة البنزين الـ80

[star2008]

السلام عليكم هو البنزين 80 مشكلة بحد زاتها بس نعمل اية طب لو مفيش 90 ولا92 مش نمشى بس للضرورة احكام بس الافضل طبعا 90 و92 للمدى البعيد وبيحافظ على الماتور وكل حاجة فى العربية انا لو مفيش غير 80 مش بتحرك بس اعمل اية الظروف حكمت بكدة وربنا يستر

[Neo206]

بجد شرح رائع من فندتا و بجد الرد من الاخوة و الود الموجود ده
حجاه رائعة

[Vanditta]

المشاركة الأصلية كتبت بواسطة dr_eslam_66 أقول أنا إيه بقى. إنتا رديت وأخجلتم تواضعنا يافندم والراجل كمان رد وأنا مش لاقي حاجة أقولها. أنا كدة هتضطر أشتكيكوا في الإدارة لأنكوا مش مخلييني أعرف أتكلم. عموما يا أ.فانديتا أنا إتشرفت بمعرفتك. وبالمناسبة هوا آه كان فيه نبرة تريقة فعلا في ردي الأول بس فعلا كانت لمجرد إني لفظ سواقة الـ 80 دا خلاني في موود كوميدي ولما كتبت الكومن خرج بهذه الصورة وأنا مالاحظتش إنك ممكن تكون متدايق من حاجة زي كدة. تقبل تحياتي يا اخي.

ياباشا من غير ماتقول حاجة احنا هنا كلنا اخوة وكلنا بنفيد ونستفيد من بعض والمنتدى دة بجد فية روح طيبة كدة مابين اعضاءة مايحسهاش الا اللى يدخل وسطيهم
وانا يزيدنى شرف يافندم بمعرفة حضرتك وباقى الاعضاء المحترمين وبالتسجيل فى المنتدى الجميل دة

وبينى بينك عندك حق اية كلمة سواقة ال 80 دى
انا برضو اما قريت انا كاتب اية استغربت شوية من اللى كتبتة
اعزرنى اصلى ساعات بكتب اللى بييجى فى بالى على طوول كدة اكنى قاعد مع صحابى مثلا فما بخدش بالى انا قولت اية بالظبط

المشاركة الأصلية كتبت بواسطة dr_eslam_66 إنشاء الله تكون بخير. وبالتوفيق والنجاح بردو إنشاء الله.

انا بس اماعلقت على كلمة ( انشاء الله ) كنت اقصد ان طريقة كتابتها غير صحيحة عشان

( إن شاء الله ) هذا من المشيئة
و ( إنشاء ) هذا من الإنشاء

وحضرتك ممكن تتأكد من اللينك دة
http://www.islam2all.com/dont/dont/latnshor/14.html

[dr_eslam_66]

المشاركة الأصلية كتبت بواسطة Vanditta ياباشا من غير ماتقول حاجة احنا هنا كلنا اخوة وكلنا بنفيد ونستفيد من بعض والمنتدى دة بجد فية روح طيبة كدة مابين اعضاءة مايحسهاش الا اللى يدخل وسطيهم وانا يزيدنى شرف يافندم بمعرفة حضرتك وباقى الاعضاء المحترمين وبالتسجيل فى المنتدى الجميل دة وبينى بينك عندك حق اية كلمة سواقة ال 80 دى انا برضو اما قريت انا كاتب اية استغربت شوية من اللى كتبتة اعزرنى اصلى ساعات بكتب اللى بييجى فى بالى على طوول كدة اكنى قاعد مع صحابى مثلا فما بخدش بالى انا قولت اية بالظبط انا بس اماعلقت على كلمة ( انشاء الله ) كنت اقصد ان طريقة كتابتها غير صحيحة عشان ( إن شاء الله ) هذا من المشيئة و ( إنشاء ) هذا من الإنشاء وحضرتك ممكن تتأكد من اللينك دة http://www.islam2all.com/dont/dont/latnshor/14.html

ماشي ياكبير تسلم على الإحضاح ياباشا.
والله أنا الي زادني شرف إني بتعرف على اعضاء محترمين زي حضرتك ودا السمة العامة والله على المنتدى الجميل ده.
وهحاول إن شاء الله آخد بالي .
بس كلام في سرك أصلي أنا كهندس إنشائي فا ممكن علشان كدة بقى.
إوعى تقول لحد لأني كنت مفهم الناس هنا إني دكتور.

[samykenzy]

المشاركة الأصلية كتبت بواسطة Vanditta مع انى حاسس بنبرة تريقة بس مش مهم اكيد حضرتك ماتقصدش ولو كلمة سواقة 80 مزعلاك يا سيدى انا بعتزرلك عشان ماوضحتش معناها اللى اقصدة ظنا منى ان اللى بيحط 80 و 90 عارف انااقصد اية اقولك الفرق يا باشا هو مش محتاج جدول ولا حاجة كل الحكاية انة فى ال80 بلغى شوية حاجات طبيعية اى حد بيعملها وهو سايق 1-فى الطلعة لو حد راكب معايا رجلى لازم تبقى تقيلة شوية على البنزين عشان العربية ماتسقفش ولا تكركر زى مابيقولو (فى ال 90 لا) 2- لو خدت مطب ماينفعش اطلع على التانى عشان هاتسقف لو ماخدتش بالى وطلعت عادى من غير ما اوازن الدبرياج مع البنزين كدة سنة سنة لحد ماتطلع (فى ال90 بطلع عادى جدا ولو العربية واقفة كمان ممكن اطلع على التانى ) 3- فى كل غيار لو نقلت اقل من 3 ار بى ام الغيار اللى بعدية بيشلنى على مايجمع سرعتة وياسلام بقى لو على طلعة كوبرى (فى ال 90 بنقل على 2-2.5 ار بى ام وكل غيار بيجمع بسرعة عادى جدا) 4- احيانا بتبقى ماشى هادى وعايز تسرع فجأة فبتدوس بنزين جامد عشان العربية تسحب لو فى ال 80 العربية هتسقف مع الدوسة الجامدة دى (فى ال 90 بتسحب عادى جدا ) ف بنسى موضوع التسارع دة لو مفول 80 4- مع ال80 العربية مابتجيبش اكترمن 100-110 مهما فحت الدواسة مع ال 90 بتجيب 120 وبيبقى لسة فية سحب بس مابزودش عشان العربية عندى خفيفة اوى على السرعات ف نقدر نلخص الموضوع دة كلة فى الفرق بين سواقة ال 90 الطبيعية وسواقة ال80 1- رجلى لازم تبقى تقيلة على البنزين فى الطلعة لو محمل 2-فى كل مطب لازم اطلع منة على الاولانى 3-الغيار لازم ياخد حقة تماما لو عايز اجارى بس العربيات اللى جنبى فى الطريق (مش بشد) 4-مابحاولش اعدى ال 100 عشان مابتعديهاش 5- مابحاولش اسرع مرة واحد عشان ماتسقفش وباخد الغيار واحدة واحدة على مايجمع سرعتة ممكن يكون الكلام دة كلة بيحصل عشان الكهربا لازم توطى عشان ال 80 بس انا زى ماذكرت مابحطش 80 الا فى اواخر الشهركدة (مضطرا) غيركدة بحط 92 ف ماينفعش اظبط كهربتى على ال 80 وعشان كدة بحاول اتعايش مع الموقف بما يسمى سواقة ال 80 اللى مزعلة حضرتك دى اسف للاطالة وتقبل مرورى

على فكرة انا معايا عربيه 2011باحط 80 ولو مافيش باحط92 والفروقات دى ممكن السواق يعالجها لو حافظ عربيته!!!!
وعلى فكرة العربيه بجيب بيها 160 كم وبالتكييف!!!!!!!!!