حقيقة البنزين الـ80

[aymanlaw]

المشاركة الأصلية كتبت بواسطة Hisham.Elgazzar أستاذ خالد و أستاذ Vinditta ارجو من سيادتكم التكرم بتوضيح معنى ان صوت الموتور بيعلا أزاى يعنى مع تزويد البنزين اه الصوت العالى اللى بيحصل فى الموتور وهل انتوا ظبطوا التاكيهات فى العربيات بتاعتكوا بمناسبة الصيف الجميل اللى احنا دخلنا فيه ؟؟ انا لقيت عندى 3 تاكيهات محملة وصوت الموتور اختلف قبل وبعد الظبط ياريت تقولولى اه اللى بيحصل عندكوا بالظبط علشان لو كده نتقابل يوم الجمعه الصبح بدرى و أظبطهالكوا بإذن الله

يابختهم بيك ياهندسة

[nawwara]

فى حاجتين عايزة اعرف معناهم بعد اذنكم
السلانسيه
ار بى ام
جزاكم الله خيرا

[mhamdy75]

السلانسيه : الموتور وهو شغال من غير ماندوس على دواسة البنزين
ار بى ام : عداد لفات الموتور فى الدقيقة Revolution per minut
rate of revolution of a motor
والمفروض ان عداد لفات الموتور على السلانسيه يبقى على 8

[msr1192]

لو سمحتولى بالاشتراك
عن تجربة بنزين 80 مش وحش ولا بيوسخ ولا بيسد الطرمبة ولا الكلام ده كلة والله عن تجربة ولكن لما كان عندي 132 كنت بحطة وماكانش بيقعد في العربية بحس انه بيطير واحيانا لما كانت بتحصل ازمات ونمون 90 والله كنت بحط 20 لتر بس لغاية الزمة ما تعدي والله كانو بيعدوا في التانك قد 30 لتر من ال80
دي من ناحية التجربة العملية ومن الناحية العملية ايضا الناس الى معاها لانسر وتويوتا وعربيات حديثة وبتمون 80 عمرك ما هتكون محافظ على العربية وفي لحظة مثلا تقل معاها بحاجة هتفضحك وقتها انما اصبر شوية وهتشوف والله بشوف الناس اللى بتقوله عليهم ماشيين بالعربية كانها بطه بلدي ده غير صوت الموتور الى بسمعه حاولوا تركزو وهتشوفو

[الهولندى الطائر]

اشمعنى البنزين 80 دلوقتى اللى وحش
ما كل حاجة فى البلد وحشة
المرور
الشرطة
المكيانيكية
العيش
الايجارات
حتى احنا
كلنا وحشين الا من رحم
لازم نصلح نفسنا الاول قبل ما نصلح اللى حوالينا