العودة   مصر موتورز مجتمع السيارات > السيارات الكورية والماليزية > شيفروليه الكورية CHEVROLET و دايو DAEWOO > كروز

كروز chevy gold logo


إضافة رد
 
أدوات الموضوع
  #1  
قديم 17-01-2012, 06:08 PM
الصورة الرمزية YahiaAshraf
YahiaAshraf YahiaAshraf غير متواجد حالياً
التخصص العملى: طالب بالأكادمية العربية للعلوم و التكنولوجيا و النقل البحرى بالاسكندرية
هواياتي: السيارات - الكمبيوتر
 
تاريخ التسجيل: Mar 2011
الموقع: Alexandria
المشاركات: 11,343
YahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond repute
مميز تقرير مصور عن الكروز lt 2010

بسم الله الرحمن الرحيم
السلام عليكم ورحمه الله وبركاته , اخوانى قبل كل شئ أود أن اشكركم على المجهود العظيم واسلوبكم الرائع فى كتابة التقارير
انا فى شهر رمضان بعت عربيتى اللانسر ووقعت طبعا فى حيرة كبيرة اشترى ايه انا بصراحة كنت ناوى على لانسر شارك أو كروز ده قبل ما أبيع عربيتى المهم نزلت اتفرجت على العربيتين عند سمير ريان وبجد انا كنت محتار بين العربيتين اللانسر عربية محترمةو انا مجربها وقعدت معايا 6 سنوات من 2006 والحمد لله عمرها ماعملت موقف اى كلام أو حصل فيها عطل وانا بعتها بهدف التجديد فقط وبصراحة انا كنت مقتنع تماما ان عمر الموديل الجديد هيكون أسوا من القديم المهم اللى رجعنى عن الشارك صراحة هو حجم شنطتها حسيت انه مش مناسب ليا وخصوصا انه ممكن بالكاد يأخد عربية محمد ابنى والحمد لله نويت على الكروز وبعت عربيتى وابتديت أدور على كروز مستعملة استعمال خفيف بس ربنا رزقنى بواحد صاحبى قلب دماغى وقالى هاتلك أوكتافيا A5 موديل 2007 أو 2008 هتلاقيها بنفس السعر ودى عربية كذا و كذا .... وطبعا ماكانش محتاج يشرحلى مواصفات السكودا لأن والدى عندى واحدة وانا عارف سواقتها عاملة وازاى قعدت أدور لقيت معظم الموديلات اللى بيقولى عليها ماشية كتير .. أو راشة جنين ... أو حالتها مش عاجبانى وبصراحة انا كنت بايع اللانسر من غير خدش بره والصالون كان جديد جدا مش معقول هأركب حلجه أقل منها فى النظافه المهم صرفت نظر عن الموضوع ده ورجعت ادور عن الكروز تانى بس مش عارف ايه اللى جرى عديلى رجع من السعودية علشان يحضر العيد وقالى هاتلك نيو الانترا وحاول يقنعنى بيها وموتورها كذا وشكلها كذا... والكلام اللى انتوا عارفينه اتفرجت على العربية .... العربية فعلا شيك جدا جدا من بره لكن لما ركبتها مش عجبنى شكل التابلوه يمكن عصرى جدا او انا اللى ذوقى وحش .......المهم توكلت على الله وصليت استخارة ودورت على الكروز تانى لحد مالقيت عربية موديل 2010 Lt أو توب لاين وكانت ماشيه 21000 كم توكلت على الله واشترتها وطبعا انا قلت لازم أعمل تقرير وبالصور عنها لأعزائى أعضاء نايل موتورز بس قلت استنى لما أعمل 1000 كم علشان اعرف اقول راى والحمد لله دلوقتى عملت 2000كم وعلى فكره انا قلت التقرير ياخد شكل المقارنه بينها وبين عربيتى السابقة اللانسر وعربية والدى الأوكتافيا وأحيانا عربية أخوى الافانتى (الانترا)
أعتذر عن المقدمة الطويلة ويالا نبتدى التقرير
طبعا المواصفات الفنية تقريبا معروفه وموجوده فى موضوعات هنا فى المنتدى
السياره مزوده محرك 4 سلندر ذو سعة 1.6 ليتر ويخرج قوة قدرها 107 حصان عند 6000د/د والسيارة مزوده بفتيس أوتوماتيكى من 6 سرعات ومزود بخاصية التحكم اليدوى فى النقلات (ستيبترونيك)
تجهيزات السيارة
باور - تكييف - سنتر لوك- ريموت كنترول مزود بخاصية فتح الشنطه - جهاز انذار - زجاج كهربائى أمامى وخلفى مزود بخاصية اللمسة الواحده للأربع ابواب للنزول فقط والرفع لزجاج السائق - مرايات كرباء - كمبيوتر رحلات فى لوحة العدادات - كاسيت سى دى - مسند يد للسائق متحرك للأمام والخلف مع مخرج صوت AUX - ولا يوجد USB - امكانية التحكم فى ارتفاع السائق - عجلة قياده متحركة - مخرج كهرباء خلفى - حامل أكواب فى الكونسول الأوسط والأبواب الأمامية - جيب للأوراق للراكب الأمامى - امكانية التحكم فى نور الطابلوه - فوانيس شبورة أمامية فقط - امكانيه التحكم فى الكاسيت من الدريكسيون - فرامل ABS - وسائد هوائيه للسائق والراكب - جنوط اسبور مقاس 16 مع كاوتش 205/60 R16 - حامل للنظارة أعلى السائق - لمبات للقرائة اعلى مرأة الصالون
دى مواصفات السيارة ال LS الهاى لاين ولكن ال LT أو التوب لايننفس الكماليات وتزيد عنها فى الأتى
كاسيت CD Changer 6 CDs audio & MP3 - مزود بعدد 2 تويتر فى القايم+ 4 سماعات - مرايات كهرباء تضم كهربائيا - مساند رأس امامية متحركة لأعلى وأسفل وللأمام والخلف للسائق والراكب - عدد 3 مساند رأس خلفية متحركة لأعلى وأسفل فقط - مسند يد خلفى مزود بحامل أكواب - امكانيه طى الكنبة الخلفية 2/3 و 1/3 - التابلوه فيه خامه سوداء زى الأبانوس - عجلة قياده قابلة لتعديل الإرتفاع والأنضغاط - مراية الصالون ذاتية التعتيم - تكييف هواء أوتوماتيكى مزود ب 6 سرعات للمروحه - باركينج سينسور خلفى - شاشه عريضة تعرض بيانات الكاسيت والتكييف - حليات كروم على مقابض الأبواب من الخارج - حلية نيكل حول عدادات القيادة
شكل السيارة الخارجى طبعا ماينفعش أتكلم فيه لأن موضوع الشكل ده اذواق بس بالنسبة ليا عاجبنى جدا
من الداخل العربية صالونها يوحى بالفخامه والتابلوه من وجه نظرى انيق ومنظم جدا أزرار الكاسيت كبيرة وعريضة وسهل الوصول اليها وتتم اضاءة جميع انوار التابلوه بمجرد فتح باب السائق ماعدا انوار العدادات ذات الشكل الانيق والتى يتم اضاءة انوارها بشكل اوتوماتيكى بمجرد ادارة محرك السياره والذى يدور مجرد لمسة واحده لمفتاح السيارة ...
وضعية القياده جيده جدا وخصوصا مع المرايات الخارجيه كبيرة الحجم وحجم الصالون يتسع لأربع أفراد بصورة مريحة .... صندوق الأمتعه حجمه كبير مع فتحة كبيرة ولكن ينقصه ان يتم فتحه بمساعدين مثل الشارك أو الجيتا
على الطريق
العربيه عند قيادتها لأول مرة وكان على طريق الأسكندرية الزراعى انتابنى شعور غريب حاسس انى راكب عربية مش جديده علي مختلفه تماما عن اللانسر البوما وقريبه بعض الشئ من الأوكتافيا تعالوا أفسرلكم
السحب : من اول مره حسيت انه ضعيف عن اللانسر أو الانترا طبعا وده كان المتوقع مع موتور 107 حصان مع الجسم والوزن الكبير بس ده مش عملى مشكله على الإطلاق لأنه كان قريب من عربية والدى الأوكتافيا وخصوصا ان العربيتين فيهم فتيس 6 سرعات ( على فكرة انا اول ما استلمت العربية الأوكتافيا من أرتوك أوتو كنت هارجع ليهم واقولك العربية فتيسها بايظ بس المشكله كانت انك محتاج تعود على الفتيس ال6 سرعات ) الفكرة انك لو سايق على طريق مزدحم ووصلت مثلا لسرعة 80 وبعدين رفعت رجلك من على البنزين العربية بتنقل للسرعة ال6 على طول وذلك لتوفير الوقود وطبعا اول ما السائق يحاول يزود السرعة التانية هيفاجئ بالسحب الضعييييف جدا لأن العربيه ماشيه على السادس فلازم يضغط بصوره أكبر على دواسة البنزين علشان العربية تنزل للرابع وتقدر تسحب تانى ولو داس اكترالعربية ممكن تنزل للتالت وده اللى احنا بنسميه الكيك داون أو المفاجئ بالخليجى طبعا الأوكتافيا فيها ميزة أكبر وهى انا شاشه كمبيوتر الرحلات مكتوب فيه النقله حتى ولو العربية على الأوتوماتيك على عكس الكروز مش بيكتب رقم النقلة غير لو العربية على الستيبترونيك بس ده ذى ماقلت ماكنش مشكلة لي خالص لأنى متعود على كده من السكودا وخصوصا ان برضه فتيس اللانسر ال cvt ماكنش عاجبنى ....
صوت الموتور أثناء السحب عالى بعض الشئ وخصوصا لو ال RPM عدا ال3500 -4000 بس برضه أحسن من صوت اللانسر الأوتوماتيك مع الفتيس ال CVT بس مش وصل لجمال صوت الأوكتافيا
الفتيس : جيد جدا وموضوع الست سرعات بجد جميل جدا بيخلى صوت العربيه فى السرعات العالية هادى وسلس فى النقلات بس مش وصل لنعومة فتيس الأوكتافيا .... الستيب ترونيك استجابته بطيئه بعض الشئ مقارنة بالأوكتافيا والبيجو307 و الجولف5 وخصوصا فى النقلة الأولى والثانية على عكس الأوكتافيا بس بصراحه الستيب افضل خيار للقيادة فى الطرق المزدحمه زى الأوتوستراد سواء للأوكتافيا أو الكروز علشان غالبا الواحد بيقى ماشى على 60-70 والعربية فى الحاله دى بتنقل على السادس وبالتالى مش كل ماهأدى شويه ارجع أعمل كيك
الثبات : بصراحه العربية ثباتها ممتاز كفايه ان انا كنت مسافر اسكندرية وكنت ماشى على 140 على الطريق الزراعى ومراتى جنبى وبتقولى ايه احنا مش هنمشى بقى زود السرعه شوية بجد ده أكتر حاجه عجبتنى فى العربية قربت جدا من ثبات الأوكتافيا بس انا مش جربت العربية فوق ال 175 كم/س بس الأوكتافيا أنا جربتها لحد 200 كم/س وطبعا لا تعليق وطبعا فى الملفات الأوكتافيا أفضل بس المهم فعلا ثبات الكروز غير اللانسر البومه خاااااااااااااااااااالص انا كنت بامشى بيها 120 واللى معايا يقوللى هدى يمكن بسبب صوت صفارة السرعه .... بس فعلا ثبات الكروز افضل كتير بصوره ملحوظه وانا طبعا مش عأعرف أقارنه بالإلنترا الشكل القديم اللى معى أخويا لأن عربية أخوي أفانتى ومزوده بكاوتش عريض وحاسس انها أتقل من المصرى لأن انا جربت فيها 180 كم/س غير ال 140كم/س فى عربية واحد زميلى 2011 بس مواصفات مصرى ( غبور ) بس ده موضوعنا )
استهلاك النزين : حاسس انه عالى عن الانسر والسكودا بس انا عاوز أحسب بس اكون مسافر سفر على طريق طويللأن معظم تنقلاتى على طرق زراعية
المطبات ودى كانت نقطى تهمنى جدا لأنى مقيم فى الشرقية وطبعا مش هأقول عن المطبات اللى عندنا أكيد غنيه عن التعريف .... وانا كنت حامل هم الموضوع خالص لأن العربيه طبعا كلنا عارفين انها واطية من الأرض بس بجد العربية فأجتنى العربية فى أول مشوار كنت انا ومراتى وابنى وشنتطين هاند باج فى الشنطه العربية بدون أدنى مبالغه ممتازه حكت فى مطب او اتنين فقط من جمله 60مطب أيوه 60 الرقم صحيح ماحدش يستعجب ويمكن يكون أكتر كمان المهم العربية كانت تعتبر فاضية بعدها بأسبوع كنت مسافر اسكندريه أنا ومراتى ومحمد ابنى (10 شهور) والشنطه كانت على أخرها (عربية ابنى وغطاء السياره وحوالى 3 شنط اتنين منهم BOX متوسطين والأخرى هاندباج وفى الصالون شنطه هاند فيها حاجات الواد ابنى وطلعت من الزقازيق على بنها علشان أطلع على الطريق الزراعى واللى من الزقازيق عارف شكل المطبات على الطريق ده عاملة ازاى وخصوصا مابين الزقازيق ومنيا القمح بجد العربية كانت مذهله بس انا من النوع اللى مش بأحب الهبد ودايما بأخد المطبات بالراحه حتى لو العربيه فاضيه خالص... بس للأمانه انا لما ركبت معايا ناس ورا كنت مش ضامن العربيه فكنت باحافظ واخد المطبات كلها بميل
داخل المدينه : قياده السيارة جيده مثل اى سيارة لكن مع القيادة فى الشوارع الضيقة يظهر عيبان... الأول وهو ان العربية زاويتها واسعهة جدا (نصف قطر الدوران 10 متر ) وهنا تتفوق اللانسر (نصف قطر الدوران 5.5 متر ) وتتفوق الأوكتافيا طبعا بينما تاتى الإلنترا فى المنتصف بين الكروز واللانسر..... طبعا دى بيعمللى مشكلة فى الدوران خلال ال U-turn الضيقة بس بالتعود .... العيب الأخر هو مجال الرؤيه وخصوصا الجانب الأيمن صعب انك تشوف الرصيف اللى على يمينك أو أى حاجه من اللى شوارعنا مليانه بيها وده دايما بيجبرنى أخد الملف على واسع لو طالع من شارع وهأخد يمينى ..... عملية ركن السيارة بموازاة الرصيف وبين سيارتين (انا باتكلم عن الاماكن الضيقة ) صعبة بعض الشئ لأن بالرغم من المرايات الكبير الا انا صعب تشوف أخر العربية وبالتالى عاوزه تعود بس الحمد لله عربيتى فى سينسور وده سهلى الموضوع شويه ودى كانت نفس المشكله مع الأوكتافيا والإلنترا بس التعود مع الوقت وهنا تتفوق اللانسر
القياده ليلا : اضاءة التابلوه ممتعه جميله جدا وخصوصا مع شاشة الكاسيت الكبيرة لونها أزرق... اضاءة السياره الأمامية هالوجين مش زينون مزوده بلمبات من نوع H4 55/60 زى اللانسر وتقربيا نفس القوه والتوزيع وتتفوق فى ذلك الأوكتافيا والألنترا فى توزيع وقوه الإضائة لأن لمبة العالى غير لمبه الواطى وتتعادل الكروز واللانسر .....ولكن نور الشبوره تتفوق الكروز على اللانسر واللألنترا و تتعادل مع الأوكتافيا....... المرأة ذاتيه التعتيم ممتازة جدا وممتعه جدا فى القيادة ليلا .... السيارة لايوجد بها حساسات اضائة على عكس الإلنترا
مساحة التخزين
بكل تأكيد وبلامنافس تتفوق الأوكتافيا وتأتى الكروز والألنترا فى نفس الحجم تقريبا ثم اللانسر
وسائل الأمان :
الأوكتافيا اولا طبعا فرامل MBA +ASR +ABS بينما الكروز و الإلنترا واللانسر فرامل ABS وتتفوق الكروز واللإلنترا فى قوه الفرامل ( 4 ديسك ) عن اللانسر .........كل العربيات فيها 2 ايرباج
وسائل الرفاهية
اللانسر كان فيها فتحه سقف وما اروعها ... الإلنترا تتفوق حساسات ضوء ومطر بلوتووث أصلى مع تحكم فى الدريكسيون ودفايات للكراسى الأمامية مرايات ضم فتحة USB تكييف تتش بس طبعا دى مواصفات كوريه ( أفانتى ) وفى أحد الأعضاء عامل تقرير مصور عنها ( تقرير عن سيارتى اللأفانتى ) فى قسم هيونداى بس مع الهيونداى المصرى تتفوق الكروز ثم الأوكتافيا ( الموديل اللى معانا ambiant أو كلاسيك ) بس الفانتازيا تتفوق حتى لو كلاسيك
الكروز فيها حاجات كتيرة ظريفة زى ...
- أول ماتفتح باب العربية أنوار التابلوة والأبواب وأزرار التحكم بتاع الكاسيت اللى فىى الدريسكيون كلها بتنور كان العربية بترحب بيك
- لوحة العدادات مضيئة بإستمرار ليل نهار
- الضم الكهربائى للمرايات
- مزيل ضباب للزجاج الأمامى ( موجود فى معظم العربيات المكيفة بس يدوى ) لكن فى الكروز ماعليك سوى ان تضغط على زرار مزيل االضباب حتى يعمل اوتوماتيكى وملحوظه العربية فيها مزيل ضباب أوتوماتيكى auto rear and front defrost ويمكن تفعيل هذه الخاصية من اعدادات المركبة اللى فى الكاسيت
- امكانية التحكم فى اشياء كثيرة مثل عند فتح السيارة بالريموت يتم فتح باب السائق فقط ثم الضغطة الثانية تقوم بفتح جميع الأبواب او فتح جميع الأبواب من البداية ... عند غلق السيارة بالريموت تحب تقفل ازاى نور الإشارات فقط ولا النور وكلاكس ولا الكلاكس بس ولا مافيش حاجه صامتة يعنى .... تشغيل او غلق البارك سينسور .... اعدادت التكييف زى التدوير التلقائى لهواءء السيارة ... غلق السيارة أوتوماتيكى بمجرد الوصول لسرعة 10كم/س ..... صوت أجراس التننبية عالى ام منخفض ... اللغة ومتوفر فيها اللغة العربية ... اعدادات الراديو مثل auto speed volume وهو ان الكاسيت يعلى كل ما تزود السرعة والعكس بس بصراحة الخاصية دى مش قد كده فى الكروز بس فى الجولف 5 تحفة ..... مستوى الصوت اللى انت عاوز الكاسيت يبتدى الشغل علية startup volume .... عدد صفحات المفضلة Favourite 1 ولا 2 ولا 3 ولا 4 وكل صفحة فيها 6 محطات... وهكذا
- عند فتح شنطة السيارة تضئ مصابيح اللوحة الخلفية بجد شكلها جميل
- العربية معاها دواسات موكيت أصلية ليها كلبسات تثبيت فى الأرضية
- المرايا الداخلية ذاتية التعتيم ودى جامده جدا انا مش ليها دعوة باللى ورايا خالص يدينى العالى المرايا تغمق ويبقى نور العربيات منم ورايا أخضر ومش مبهر خالص
العيوب
- السعر : انا شايف ان سعرها مبالغ فيه شويه وخصوصا لو قارنا التوب لاين المزوده بفرش جلد ... 161 الف جنية طيب ما أزود 7 الاف وأجيب فانتازيا واسف مافيش مقارنه .... أو حتى بالدايو لاسيتى
- التجهييزات : فقيرة اذا ما قورنت بالسيراتو أو بنظيرتها الدايو
- نصف قطر الدوران كبير
- الكراسى ناشفة شويه بس قريبه من الألمانى وكرسى السائق متعب بعض الشئ فى السفر الطويل بس يمكن المشكله منى لأنى طويل 190سم وجسمى مليان يمكن ده السبب وخصوصا ان أحيانا بأحس بفس المشكله مع الأوكتافيا فى السفر الطويل (400كم أيام ماكنت شغال فى العريش )
- العفشة ناشفة شوية واعتقد انه بسبب مقاس الكاوتش 205/60 عاملة زى الأوبل بس انا مش بأعتبره عيب وخصوصا انه صعب تحصل على ثبات كويس مع عفشة ناعمة أو العكس .....
- مافيش مثبت سرعة ولا فتحة USB
المميزات
- ثبات العربية بجد مش تحس انها عربية كورى خالص
- تقفيل السيارة الخارجى او الداخلى ممتاز ونسبة العزل جيدة جدا
- حجم شنطة أمتعة كبير
- شكل خارجى مميز
- التكييف جودتة ممتازة
يارب أكون عرفت أعمل تقرير كويس ودلوقتى مع الصور
الشكل الخارجى
















نيجى للصور من الداخل


















































































لى ملحوظه ياريت تسامحونى عن عدم نظافة السيارة خصوصا من الداخل بس بجد ماكنش فيه وقت خالص انى انضفها ظروف شغلى اعتذر وبشدة

ياريت الموضوع يكون عجبكم ويارب أكون قدرت اقدم صورة واضحة عن السيارة وده هيبان طبعا من ردود حضراتكم

تم بحمد الله

منقول للافاده العامه
رد مع اقتباس
  #2  
قديم 18-01-2012, 03:55 AM
tamer.koko tamer.koko غير متواجد حالياً
 
تاريخ التسجيل: May 2011
الموقع: القاهره
المشاركات: 3,589
tamer.koko has a reputation beyond reputetamer.koko has a reputation beyond reputetamer.koko has a reputation beyond reputetamer.koko has a reputation beyond reputetamer.koko has a reputation beyond reputetamer.koko has a reputation beyond reputetamer.koko has a reputation beyond reputetamer.koko has a reputation beyond reputetamer.koko has a reputation beyond reputetamer.koko has a reputation beyond reputetamer.koko has a reputation beyond repute
افتراضي رد: تقرير مصور عن الكروز lt 2010

: 01FDAB~189:
رد مع اقتباس
  #3  
قديم 20-01-2012, 10:02 PM
الصورة الرمزية hany61
hany61 hany61 غير متواجد حالياً
من انا؟: انا المصرى كريم العنصرين
التخصص العملى: محاسب
هواياتي: حبى لبلدى مصر
 
تاريخ التسجيل: Feb 2010
الموقع: المنصورة
المشاركات: 73
hany61 is a glorious beacon of lighthany61 is a glorious beacon of lighthany61 is a glorious beacon of lighthany61 is a glorious beacon of lighthany61 is a glorious beacon of light
افتراضي رد: تقرير مصور عن الكروز lt 2010


المشاركة الأصلية كتبت بواسطة tamer.koko مشاهدة المشاركة

: 01FDAB~189:
شىءجميل جدا ربنا يبارك لك فيها ويعطيك خيرها وبيعد عنك شرها
امين يارب
__________________

سبحان اللة وبحمدة سبحان اللة العظبم
لاحول ولاقوة الا باللة العلى العظيم
رحمك الله يا ابي
: BUTTER~183:
موقع عصاية الامان
http://www.youtube.com/watch?v=DYMq5J3KGEU
موقع رفع الصور
http://www.masr1.com/
رد مع اقتباس
  #4  
قديم 20-01-2012, 11:28 PM
حسام نوبيرا حسام نوبيرا غير متواجد حالياً
التخصص العملى: محاسب
 
تاريخ التسجيل: Jan 2012
الموقع: مدينه نصر
المشاركات: 150
حسام نوبيرا is just really niceحسام نوبيرا is just really niceحسام نوبيرا is just really niceحسام نوبيرا is just really niceحسام نوبيرا is just really nice
افتراضي رد: تقرير مصور عن الكروز lt 2010

مليون مبروك.تقرير اكثر من رائع.ربنا يباركلك فيها ويديك خرها ويبعد عنك شرها.
رد مع اقتباس
  #5  
قديم 21-01-2012, 12:01 AM
الصورة الرمزية walidelmorsi
walidelmorsi walidelmorsi غير متواجد حالياً
 
تاريخ التسجيل: Jul 2011
المشاركات: 815
walidelmorsi has a reputation beyond reputewalidelmorsi has a reputation beyond reputewalidelmorsi has a reputation beyond reputewalidelmorsi has a reputation beyond reputewalidelmorsi has a reputation beyond reputewalidelmorsi has a reputation beyond reputewalidelmorsi has a reputation beyond reputewalidelmorsi has a reputation beyond reputewalidelmorsi has a reputation beyond reputewalidelmorsi has a reputation beyond reputewalidelmorsi has a reputation beyond repute
افتراضي رد: تقرير مصور عن الكروز lt 2010

ما شاء الله بارك الله لك فيها
: 010104~171:
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 06:06 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017