مين نفسه ينفذ فكرة مشروعه بس معهووش فلوس.

[كيكى]

المشاركة الأصلية كتبت بواسطة mhamdy75 الله ينور والله ربنا يكرمك أنا حالياً ماعنديش فكرة لكن طالما الموضوع خير هاسعى معاك فيه

ربنا يكرم ان شاء الله

[eng_ahmed_90210]

عندي افكار لمشاريع مربحه بس محتاج شويه معلومات اكتر

عموما انتظر رساله علي الخاص بالتفاصيل

[crime]

بالتوفيق ان شاء الله

تقبل تحياتى

[aymangalal]

طبعا الفكرة جميلة جدا وتناسب الشباب اللى بدون شغل اكتر وخصوصا لما يكون عندهم طموح لتحقيق هدف او مشروع مدروس كويس بالنسبة للافكار هى كتير لكن لا ترقى لمستوى الدراسة المطلوب الاطلاع عليها ومناقشتها
يعنى مجرد عناوين لمشروعات فقط... كان عندى فكرة وتنفذة فى امكان كتير "مغسلة سيارات" وكنت على وشك انى انفذها لكن بما انى موظف وطول اليوم فى الشغل فاماعنديش وقت للادارة حتى لكن عموما المشروع ده كويس جدا وارباحة كويسة على حسب الاهتمام بادارة المشروع
فى كمان مشروع جديد لسه واحد صاحبى عارضه عليا هو مكلف لكن ارباحه ما شاء الله ممتازة
المشروع عبارة عن مزرعة دواجن بس فى طريق اسيوط الغربى حوالى 20كم من ميدان الرماية بعد الكارتة على طول الميزة فى المشروع ده اولا هى الارض بمساحة 1 فدان "4200 متر" سعر الفدان 35 الف جنية بس
طبعا سعر خيالى والجميل بقى ان فى ناس كتير عاملين المشروع ده هناك وماشاء الله متوسعين وفى ناس عندهم بدل الفدان خمسة التكلفة بقى فى بناء العنبر نفسة من تجهيزات ودواجن وامصال واعلاف ...الخ هاتحتاج حوالى 240 الف ويدر دخل سنوى لا يقل عن 50 او 60 الف
المضمون فى الفكرة دى ان زى ما قولت المشروع قائم بالفعل وفى اصحاب خبرة موجودين هناك مستعدين يفيدوا لوجه الله بدون مقابل والدراسة اعتقد انها متوفر برضه على النت
دى اخر فكرة اتعرضت عليا وعجيتنى جدا وقولت ان شاء الله اول ما يتوفر معايا سعر الفدان مش هاتردد فى الشراء
ملحوظة:الاراضى دى اصلا وضع يد عشان كده رخيصة وكمان المكان جديد لكن فى احد اصحاب المزارع بيسعى لتوثيق العقود لكل الجيران اللى حوالية طبعا القصة دى بتاخد وقت "عمل العقود الخضراء باثبات الملكية" بس فى النهاية بتمتلك الارض بطريقة قانونية بالاضافة الى ان بعض المشترين يعرفوا اصحاب الاراضى لانهم من عائلات كبيرة معروفة والتعامل معاهم امين ومافيهوش ضرر باذن الله...
الكلام ده كله منقول من لسان صديق مقرب ومضمون يعنى مش اعلان ولا حاجه انا بس حبيت اعرض الفكرة يمكن حد يحب يستفيد

المشاركة الأصلية كتبت بواسطة كيكى لو عندك فكرة مشروع مربح، و عندك خبره و على علم تام بادارة هذا المشروع، ممكن نشترى منك دراسة و تخطيط المشروع و تقوم انت بادارته كمان حسب رغبتك. يا جماعة الفكرة لسه جايه على بالنا و قلنا نعمل حاجة تفيدنا و تفيد صاحب الفكرة كمان. يلا بقى عايزين نشتغل و ربنا يكرم ان شاء الله. لو مهتمين ممكن تبعت على الخاص باختصار شديد جداً ما هو المشروع و خبرتكم فى المجال ده و الايميل او نمرة الموبيل و هنتصل بك.:010104~17 1:

رابط متعدد الافكار لمفهوم واحد !!!!!!!!
https://www.google.com/url?q=http://...hlw6_1bWHDcXaQ

( صورة)