أشتريت ماروتى 2011 من 3 أيام وعندى كام أستفسار

[Mido615]

ألف شكر ليكم جميعا على الردود والشكر وأسف لتأخيرى فى الرد بس والله كان زحمه شغل لأنى محاسب قانونى والشهرين اللى فاتوا كانوا الموسم .
أنا أشترتها كاش بعد فصال وخناق ووسايط 36500 بالظبط .
وفى حاجه بالنسبه للبنزين انا بمون بنزين 92 علطول وحسبت أخر مره بعد التفويله لقتها عملت 11 كيلو فى اللتر الواحد فيا ترى كده كويس ولا أيه النظام .
وفيه كمان حاجه موضوع صوت الماتور عالى وفيه رجرجه جامده فى التسخين الصبح أو على الغيار الأولانى فيا ترى ده من أيه ؟؟؟؟؟
وشكراً للجميع

[هشام طلال]

صابع الشفاط موجودالجنب الشمال وهو عامل زى الصباع لونه اسود اسحبه للخارج شويه يشتغل معك الشفاط وبعد ما تدور العربيه شويه دون ان تدوس بنزين لان الشفاط بيعمل بدل ان تدوس بنزين اضغط عليه تانى للداخل وبكده تسخن معك العربيه تمام وده غالبا بيكون فى الشتاء اما الصيف فغالبا تدور دون الشفاط الا اذا كانت بارده اوى

[هشام طلال]

اخى الفاضل الشفاط راكب وموجود بالسياره وهو فى الجنب الشمال تحت الدريكسون مباشره وهو عباره عن صباع لونه اسود اسحبه للخارج عند تدوير السياره بدل ما تدوس بنزين وربنا يكقيك شرها ويعطيك خيرها

[احمد سالم رشاد]

انا عندى ماروت 2011 لسه من شهرين تقريبا وفيها نفس الكلام ده وقلتلهم فى التوكيل فى صيانه ال 1000 ك على موضوع الدبرياج قالولى لا هو كده مش عالى بس هو كده