استلمت فرنا 2011 من يومين وفية مشكلة بسيطة نرجو الرد لذوى الخبرة

[Dr KeNaWy]

فى البداية جزيل الشكر لكم جميعا ولموقع مصر موتورز وجميع افرادة
بالنسبة للمشكلة طبعا العربية فرنا 2011 اوتوماتك
الحمد للة العربية تمام
بس فية مشكلة بسيطة او ارجو ذلك
المشكلة كالتالى
انا لما اكون ماشى على ال D
وسرعة العربية وصلت الى 70 او 80 كيلو
ومثلا حبيت اهدى شوية بس مش بشكل طارئ
ومش لازم انى اهدى بسرعة
فانا بشيل رجلى من على البنزين فقط بدون فرامل
مجرد ما اشيل رجلى من على البنزين طبعا العربية بتهدى بشويش
وفى الوقت دة باسمع صفارة شدتها تقل مع انخفاض سرعة العربية الى ان تختفى
الصفارة دى ملهاش علاقة بالفرامل
لانها تظهر لو شلت رجلى من البنزين بدون ما اضغط فرامل
المهم انا شيكت على زيت الموتور والفتيس وتمام
وكمان سجلت الصفارة دية فى ملف صوتى
فى المرفقات (ملف مضغوط)
الصفارة تظهر بعد الثانية ال 14 وتستمر الى ان تختفى
ارجو الرد بسرعة لانى الصوت دة قالقنى
وشكرا لكم

[sad-bird]

يا باشا انت لسه مستلم العربية من يومين يعني لسه بتلين
في صيانه 1000 اكيد فيه حاجات كتير هتخف وحاجات هتظهر
وانت في الصيانه ابقى قولهم على اللي انت حاسس بيه
جايز يكون ده حاجة من مكونات التصينع في الفتيس بتتاكل مع الوقت

[Dr KeNaWy]

المشاركة الأصلية كتبت بواسطة sad-bird يا باشا انت لسه مستلم العربية من يومين يعني لسه بتلين في صيانه 1000 اكيد فيه حاجات كتير هتخف وحاجات هتظهر وانت في الصيانه ابقى قولهم على اللي انت حاسس بيه جايز يكون ده حاجة من مكونات التصينع في الفتيس بتتاكل مع الوقت

كلامك اكيد وانت معاك حق كتر خيرك
ننتظر سواء التوكيل او راى الاخوة ايهما اقرب

[بحر الحياه]

انصحك نصيحه لوجه الله اتصل بالتوكيل وخد ميعاد صيانه ومش هتخسر حاجه لان الفتيس الاوتوماتيك لو فيه مشكله هتزيد وتبقى تكلفته عاليه جدا فى التصليح هتقولى ما هى فى الضمان هقولك ايوه فى الضمان بس ماتضمنش التوكيل هيلاعبك ولا هيغيرلك على طول بالاضافه الى انعدام الزمه والضمير اللى هتقابله
هذا مجرد تصور ولك الاختيار

[mesho70]

- حضرتك فية تشك استلام فالتوكيل روح التوكيل فورا ً بابو رواش الرئيسى افضل
- بس الاول اتصل واحجز ميعاد واظن ان فية مواعيد بالليل للسيارات اقل من 5 الاف كم ( تأكد منها )
- واول ما تدخل هيجى مهندس الاستقبال تأكد انة بيكتب الملاحظة دى فى امر الشغل وابقى جرب العربية مع مهندس الصيانة وتأكد من اختفاء الصوت تماما ً
- اى ملاحظات على العربية اكتبها فى ورقة امامك من دلوقتى علشان على ما مهندس الصيانة يجيلك تكون زهقت وعايز تخلص ومش هتفتكر حاجة
- خلية بالمرة يراجع على الزوايا والرصرصة حتى لو مش ظاهرة عندك لانك لسة بتلين ويمكن ممشيتش على سرعات عالية
- ولغاية ما تاخد ميعاد ودنك وركز مع العربية وسجل اى ملاحظة وان شاء الله كلة يتحل