موضوع التنطيط .. نيو أكسنت

[eng_ahmed_90210]

الموضوع باختصار ان العفشه طريه جدا
فبتتنطط من ورا علي السرعات العاليه
ده غير فراملها التعبانه
زي الفيرنا بالظبط

[matars]

لاء كلامك مش صح معليش انا معايا 2010 حاجة تانية غيرة الفيرنا نسخة مصغرة من الالنترا الفرق في بور الدريكسيون في الاكسنت ققل شوية بس احسن في التحكم على السرعات العلية انا بجيب 180 مرتاحة بس اهم حاجة سنس الفرامل في الدوسة بعد ال 140 علشان لو جربت تزود السنس هتلاقي العربية هتمشي بجنبها علشان بتكلبش من ورا كويس عن قدام بعد 140

[AbOnOrA]

اى عربيه قاعدة عجلاتها مدمجة كده والمساعدين بتوعها معمولين للاستخدام العادى ( مهماش دبل اكشن ،، ومهماش سبور) لازم لازم المساعد ياخد ويدى مع المطبات وباعتبار صغر قاعدة العجلات ووزنها الخفيف وكونها بشنطة فده يبان للى بيبص عليها من بره لكن بشكل طبيعى جداً وكل العربيات المماثلة كده وتاثيرها على الثبات مش درامى يعنى ولا حاجة

كمان العربيه عن تجربتى الشخصية الهاندلينج بتاعها جميل وده بيدى ثقة للراكب بالتحكم فيها على سرعات عاليه وفى المناورات بش مهياش الفا رميو برضو علشان نقول تاخد بيها ملفات العين السخنة على 160 مستريح

الخلاصة العربيه افضل بكتير من الفيرنا طبعاً واقرب فعلا لإداء اللنترا بس مش خرافيه ولا هى اثبت حاجة فى فئتها لو بنتكلم عن اثبت حاجة يبقى الجين 2 لكن مقارنة بسعرها فى الشراء واعادة البيع وانتشارها وصيانتها وقطع غيارها تعتبر متوازنه جداً واختيار عملى واقتصادى ناجح

مقارنتها بتوامها المتنكر كيا ريو فى محلها طبعا بس الريو اغلى واقل انتشارا وبالتالى فهى انسب لحد بيدور على التميز اكتر ما بيدور القرار الاقتصادى

لكن الاتنين فى الاساس عربيه واحدة

[sergeant]

السلام عليكم

طبعا الساده الاعضاء اتكلمو بشكل كامل وانا مش حقول اكتر من ان موضوع التنطيط دا طبيعي في اي عربيه مفهاش على الاقل نظام ال esp وانا اتحدي اي عربيه متعملش ال بمبنج دا (التنطيط) من لانسر او النترا او السيراتو او الحين تو او الصني كلو بيعمل التنطيط دا مع مطباط الهوا والبمبنج دا بيبقا مع السرعات العليه ومطبات الهوا مش الفرامل يعني ازاي تنط مع الفرامل دل لو انسان بيجري وحب يقف مراه واحده لازم جسمو يتجه قدام او ورا نتيجه تحوله من السرعه للثبات

والبنسبه للنيو اكسنت العفشه حلوه مش ممتازه يعني
المتور قوي بجد كمان مش كسلان زي الانترا بعد ال 140
والفرامل كويسه جدا وفعلا بتوقف العربيه عن تجربه بس مدوسي برامل جامد على رامله او تراب كتير او مايه وعوزها تقف بسرعه يبقا بتحلم في اي عربيه لو حته اي بي اس او اي بي دي في اليباني او الكوري.


وانا العربيه كانت ماشي بيها على الدائري رايح السويس من طلعه الجيزه وكانت ماشي 190 وكنت انا وواحد صحبي وكانت ثابته وجميله بالنسبه لفئتها او سعرها او مواصفتها والبور تقيل مش سايب .

وكمان الي بيزم في العربيه دي يبقا مركبهاش انا ركبت عربيات كتير بحكم شغلي بجد متمزكش من عربيه في فئه المدمجه زي الاكسنت والهوندا و الانسر
ولو فعلا عاوز تخيط اي عربيه 1.6 ايا كانت معدا التربو هات الاكسنت المانول بس لازم التجنيط عشان المنول اخف من الاوتو والاوتو برضو مجرمه بجد وانا كلت عربيات كتير بيها بيجو وصني وفكترا وهوندا سيتي والنترا واوبترا والعربيات دي كلها اوتو استوك ومع صحابي وكانا بشد مع بعض عشان محدش يطلع يقول عيب سواق وكلام دا انا عارف بقول ايه والي مش مصدقي يجي بعربيتو ونعمل سباق ونشوف ..

وربنا يرزقق بيها وهى عربيه حلوه ومعمره ومشكلها بسيطه وملهاش دعوه بالفيرنا خالص دا جيل ودا جيل .
وربنا يديك خيره انشاء الله ويكفيك شرها

[abotok]

أنا معايا نيو اكسنت 2010 و الكلام ده غلط العربية ممتازة و كفاية شكلها أشيك عربية فى فئتها حتى الموديل الجديد منها RB الشكل القديم أشيك