|
BYD من الشركات الصينية الطموحة التى تستثمر فى الابحاث والتطوير لانشاء سيارات وفقاً لاحدث المعايير البيئية ولديها مشاريع لانتاج سيارات هجينة |
|
أدوات الموضوع |
#1
|
|||
|
|||
تقرير عن BYD F3 AT بعد 700 كم داخل القاهره
السلام عليكم يا أحلى أعضاء وأعظم خبره فى منتدى مصر موتور.
عاوز أعمل تقرير عن عربيتى الأف3 أوتوماتيك وكمان نتكلم شويه عن بعض الحاجات أللى لافتت أنتباهى فى السياره أللى كنت مقتنع بيها جدآ وبدأت أتردد فى أقتناعى بيها نظرآ لأداء المحرك والفتيس والتقفيل وكمان أنأ قربت من صيانة 1000 كم. 1- فتحة السقف بتزيء معايا فى أخف المطبات وكمان مش مضبوطه بعد الأقفل يعنى ناحيه خارجة عن التانيه عن السقف. 2- النور بتاعها عاااااالى جدآ وضارب فى عين أى حد أمامى هل فيه رجلاش تعليه وتوطية الفانوس ؟ من التابلوه أو مسمار فى الفانوس. 3- الدريكسيون مش مظبوط فى النص لافف شويه يمين + عاوزه ضبط زوايا بتحدف منى على أقل سرعه. 4- أداء المحرك مش حاسه خالص بطييييييييىء جدآ فى التحضير + صوت الموتور عااااااااالى جدآ يا جماعه والله عالى بطريقه مش كويسه خالص على 2000 أر بى أم. 5- الفتيس فيه بقى حاجه غريبه للتذكره الفتيس أوتوماتيك لما أكون على البارك وأجى أنقل على الأر للخلف يعنى تحس أن الفتيس بيتكسر فيه حاجه أو مفهوش زيت خالص حديد فى حديد يعنى مع أنى دايس فرامل وغير كده انا كنت راكب أوتوماتيك قبل كده كيا سيفيا 1999 سنتين يعنى خبره فى صوت نقل الفتيس الأوتوماتيك. 6- الشنطه الشنطه الشنطه طبعآ فاهمييييييييييين قصدى. 7- أستهلاك البنزين عالى جدآ يا جماعه المفروض أننا راكبين زيرو يعنى زيرو توفير تقريبا ال 400 كم عمات معايا بنزين 45 لتر مع تكيف قلللللللللللللليل جدآ بالنهار داخل مدينة نصر منزلتش وسط البلد خالص. 8- سؤال أللى أعرفه أن تانك البنزين 57 لتر تقريبآ وده عرفته من أول تفويلة للعربيه المهم لمبة البنزين نورت معايا وكان فيه لسه فى التانك حوالى 15 لتر هل ده بيحصل معاكو برضه. 9- لما بكون مشغل التكيف العربيه بتبقى تقيييييييييييله جدآ فى السحب مع أنى مشغل التكيف على أول درجه علشان التليين. 10- وأنا ماشى بالعربيه موجرد شوفو موجرد وخودوا بالكوا من كلمة موجرد أنى أشيل رجلى من على دواسة البنزين ألاقى العربيه بقة تقيييييييييييييييييلة جدآ وتقريبا هيا بتفرمل لوحدها من غير م أدوس فرامل هل ده نتيجة ثقل السياره ولا قلة أداء المحرك مع أنى ببقى لوحدى فى العربيه 70 كيلو بس. أنا عارف أنى أتكلمت كتير بس معلش أنا بحب أركز فى كل حاجه فى العربيه وتقريبآ أن شاء الله منسيتش حاجه ومسبتيش حاجة متكلمتيش عليها. أرجو الأفاده قبل م أروح صيانة 1000 كم. التعديل الأخير تم بواسطة mhamdy75 ; 09-09-2012 الساعة 12:57 AM |
#2
|
||||
|
||||
رد: تقرير عن BYD F3 AT بعد 700 كم داخل القاهره
ممكن تقول للتوكل على المشاكل دي وهما هيحلوها ان شاء الله
__________________
الاجابة عن جميع استفساراتكم حول السيارات وانواعها يرجى التواصل على الفيس بوك https://www.facebook.com/profile.php...46&ref=tn_tnmn |
#3
|
|||
|
|||
رد: تقرير عن BYD F3 AT بعد 700 كم داخل القاهره
ربنا معاك و ان شاء الله كله يتظبط و كلمهم في التوكيل ..............اخبار مؤشر الحرارة معاك عامل إيه ؟؟؟؟؟؟؟؟؟؟
|
#4
|
|||
|
|||
رد: تقرير عن BYD F3 AT بعد 700 كم داخل القاهره
مؤشر الحراره الحمد لله زى الفل على النص عالطول و بالتكيف كمان ومفيش سخونة على الكبوت كمان.
|
#5
|
|||
|
|||
رد: تقرير عن BYD F3 AT بعد 700 كم داخل القاهره
قناعتى الشخصية فى العربيات الصينى إن فرق السعر الكبير بينها وبين مثيلاتها فى الأوبشنز جاى على حساب الخامات والجودة... مش مقتنع إن F3 مثلاً يبقى فيها مواصفات نيسان صنى ويكون فرق السعر ده كله للمنافسة
ولا ايه رأيكم ؟ |
|
|