استفسار بخصوص دهان سقف العربية

[MR speed]

انا كان عندى استفسار صغير انا العربية عندى مرشوشة كلها ماعدا السقف من فترة فاخدت تجاريح واتبهدلت وانا عايز ارشها بس عندى مشكلة ان بوية السقف طوست وباظت فاشكل العلربية حيبقى زبالة لو رشتها ماعدا السقف عشان يفضل فبريكة ومحدش يقول العربية عملت حادثة فهل فى اى طريقة تحل الموضوع ده حتو لو استيكر او اى حاجة

[savant]

انا كمان العربيه عندي السقف و الكبوت لاسعين من الشمس و لونهم راح تقريبا .. و فيه حتت بيضه كتير ... بلغه الصنايعيه .... البوهيه كلحت .... حلها ايه لو سمحتو للي يعرف

[ahmed el gendy]

روح عند اي حد بتاع كماليات واعمل السقف او الكبوت كربون بلون العربيه هتبان كانك مروشن العربيه ولما تيجي تبيع ابقي شيله عشان اللي هيعاين

[savant]

المشاركة الأصلية كتبت بواسطة ahmed el gendy روح عند اي حد بتاع كماليات واعمل السقف او الكبوت كربون بلون العربيه هتبان كانك مروشن العربيه ولما تيجي تبيع ابقي شيله عشان اللي هيعاين

الف شكر يا باشا ع ردك السريع .... طيب الكربون ده سعرو ايه ؟؟؟ و ليه لامعه ولا لا ؟؟؟ و تنصحني بالكربون ولا ارش السقف و الكبوت شمع احسن ؟؟؟؟

[أيمن الروبي]

يا جماعه عمر الرش ما بيعيب العربيه ده كلام تجار وقلة ادب
يعني المفروض امشي بعربيتي متبهدله علشان يتقال عليها فابريكا
راحت فين النزاهه
اللي بيشتري عربيه وبيفهم يعرف اذا كان العربيه رشه نضافه ولا حادثه
وكل واحد عارف عربيته يعني لو عربيتي سليمه ونضيفه ومعملتش حادثه ورشتها نضافه لنفسي
ابعها بالبخس علشان رشتها نضافه لنفسي
لأ طبعا هتنك واطلب السعر اللي يعجبني طالما مش بغش ولا بنصب