استفسارات مختلفة عن اشكال واسعار ومواصفات ابيزا 92 / 99

[FlaminGo]

وعليكم السلام,,, برجاء الأطلاع على الرد باللون ...
عيد ام سعيد عليكم ههههههههههههههه


يارب حضراتكم جميعاً تكونوا بخير كان ليا بس كام استفسار كدا

ممكن حضرتك تحطوا لى صور ابيزا من اول موديل 92 لحد موديل 2000 او اللى هو 99 ؟؟

الأخ طارق قام بالواجب دة فى الرد بتاعة

ياترى الشكل واحد فى كل السنين دى ؟؟ ياريت حضراتكم تحطوا لى صور

ليا كام سؤال بعد اذن حضراتكم

فى واحد صاحبى فى القاهرة معاه ابيزا 92 وبيقولى عربية شكلها جميل وفاتحة سقف وفبريقة برا وجوا وفيها 2 ازار كهرباء بس مش مكيفة ومش فاكر باقى الكماليات بس اكيد حضراتكم كدا عرفتوها

دلوقتى هو بيعرضها عليا للبيع لإنى نفسى فى عربية الحقيقة ياترى العربية شكلها حلو وشبابى فعلاً ؟

وكام سعرها عشان لا اظلمه ولا اظلم نفسى ؟؟

العربية ممكن من 23 الى 26 لو مش مكيفة ودة طبعا حسب الحالة العامة والموتور والصالون.... ويفضل طبعا الحالة نمرة واحد عشان العربيات دى كتير اوى منها لتبهدل بسبب الأهمال .... فيفضل الصبر فى الشراء وعدم العجلة

وهل العربية بيليق عليها التعديلات الشبابية ؟؟

طبعا... جرب جنوط 15 او عتب او كساحات امامى وخلفى او سبويلر واتفرج عليها... ما شاء الله

ياريت صور من حضراتكم للعربية وللموديلات الاعلى حتى موديل 2000 وسعر العربية كام لو سمحتم والاهم طبعاً سعة المحرك

السعر ذى ما قلت لحضرتك فى النوع الفاضى اما المكيف والأوبشن فبيعمل من 28 حتى 32 حسب الحالة العامة وبرضة يفضل نمرة واحد

ليام كام سؤال بقى بعيد عن الابيزا

ايه رأيكم فى الفيات بترا و الفيات تمبرا وايه الفرق بين الاتنين وايهما افضل؟

ممكن حضرتك تعرض سؤالك فى قسم الفيات وحيكونوا اكثر دقة مننا

ولو هنعمل مقارنة شاملة مين يكسب

فيات بترا

فيات تمبرا

ابيزا من 92 - 99 ؟

نصيحة لوجة الله مع احترامى لعشاق فيات بالطبع فهم اخوة افاضل وانا كنت واحد منهم
الألمانى المانى بمعنى عربيات اعتمادية لأقصى الحدود واقل القليل يخليها تمشي ... ودة عن تجربة لأنى اشتريت فيات 28 وفيات ريجاتا وابيزا وبصراحة الأخيرة تكسب... ولو غاوى فيات خليك فى التمبرا.. على الأقل سوقها احسن من البترا وحتلاقى حاجتها بسهولة
تحياتى

[عبدالله منصور]

جزيل الشكر لحضراتكم مقصرتوش والله بس الصور بتاع الاستاذ طارق ظهر منها بس موديل 92 ,, الصورتين التانيين مفتحوش

[efat_555]

مشكوووووووووووووووووووووو وور