شروع فى قتل

[خالدخليفة]

المشاركة الأصلية كتبت بواسطة corsair ههههههههههههه حبيبي خالد باشا طول عمرك بتاع مشاكل وغاوي تاذي الناس متعملش فيها طيب اودام المنتدي يا لوده شكلك كدا طلعت علي عربيتهم بالنيسان بتاعتك شغل الصعايده ده ميمشميش في القاهره هنا هههههههههههههههههههه حبيبي يا لوده عايزك تروق اي حد من العيال السيس بتوع اليومين دول وياريت تخلصنا منهم ومن قرفهم بس المهم متاذيش حد من الناس اللي ملهمش ذنب يعني تحاول تجرهم كدا في حته فاضيه وترميمهم من علي الدائري ولو كنت اعرف كان زماني جيتللك بسرعة الصاروخ وزنقناهم انا وانتا وخلينهم يحرموا يعملوا كدا تاني بس انا كنت عايزك تعمل زي محمد هنيدي تطلع راسك من الشباك من عندك وتقوله تلاقي امك اللي جايبهالك حمدلله علي السلامه يا برنجي

والله ياعمنا ابدا بس نا اللى اكتشفته ان فى ناس لما تلاقى واحد بيجرى بيحاولو يسبقوه وانا حريص جدا فى السواقة والجرى له اصول ومسيرك تركب معايا وتعرف انى مش مفترى وبسوق وبس ومليش علاقة بحد
ثم يامفترى عايزنى ارميهم من فوق اذا كان هما مماتوش ولاحصل حاجة ومش عارف اركب عربيتىثم هما قابلونى بعد ممشيت مسافة 2 كيلو ولقيتهم جايين من بعيييد فوسعتلهم لكن فوجئت بيهم لزقو ورايا واتاكدت انهم بيتراخمو
وتصور انا معرفش اقول لواحد كلمة امك جايبهالك دى هههههههههههه تحس انى من كوكب المريخ مثلا
الله يسلمك ياحبيبى ومسيرك تركب معايا وبعدها تقرر ياتشترى نيسان يااما تقاطعنى وتحمد ربنا على سلامتك ههههههههههه

[خالدخليفة]

المشاركة الأصلية كتبت بواسطة ahmed_eng2001 سؤال يا خالد باشا , بس بعيد عن الموضوع ده , اخبار الغاز معاك ايه ؟؟؟ و هل هو فعلا بياكل الموتور ؟ و بيخليك تعمل عمرة بسرعة ؟ اسف للتداخل

شوف الغاز فى النيسان مش بيبان له تاثير كبير لان موتور النيسان قوى وممكن بالغاز اوصل لحد سرعة 165 لو التانك مليان ولو نص نص يبقى اخرى 140 ودى سرعات عالية
وانا مشيت بالغاز حوالى 20 الف كيلو ومش هيبان دلو قت لكن بعض اخواننا نصحونى انى كل فترة امشى مشوار طويل بنزين لان الغاز مش عارف بيعمل ايه على الشربون ولما سالت واحد عن تاثير الغازعلى الموتور (سواق تاكسى طبعا لان كلهم مركبين غاز) فقال بالحرف لما توصل 200 الف وتيجى تعمل عمرة اللى بيتغير صباب فقط وده تمنه فى عربيتك حوالى 1200 جنيه وقال ياعم بلاش خليك هترمى الموتور موتور النيسان بكام فقلتله الاصلى ب25 الف فقال وهتبيع القديم ب5000 والفرق هتلقى الغاز وفره وزيادة كمان لكن هو ملوش تاثير على الموتور اكتر من نسبة 10% فقط لكن اللى بتسمعه ده اشاعة بيطلعوها سواقين التاكسى علشان متخصمش الفرق من النديرة واذكر سواق تاكسى غلط بلسانه ادامى وقال انت ملاكى مركب غاز ليه طب احنا بنركب غاز علشان نكسب اكتر ومكملش كلامه وسكت وقال انت حر ففهمت ان دى اشاعة ثم فى موضوع هنا فى المنتدى وادى الرابط بتاعه وهو اللى شجعنى بصراحة على الغاز
http://www.masrmotors.com/vb/showthread.php?t=7703
لكن نصيحة الغاز يوفر لو مشاويرك كتيرة وانا بسخنها بنزين وامشى شوية لحد ميكانيزم العربية ميتظبط وياخد ويدى حوالى ربع ساعة وانقلها غاز بعد كده
وللامانة انا كنت بدفع حوالى من 2500 جنيه الى 3000 بنزين 92 شهريا دلوقت مش بدفع اكتر من 300 جنيه غاز بالكتير فى الشهر يعنى ان شاء الله على معاد العمرة هيكون وفر تمن عربية مش موتور بس وانا شخصيا اخدت عربيتى وهيا زيرو وطلعت بيها من المعرض على محطة الغاز لكن وقتها فى ناس كتير عقدونى لحد م قريت الموضوع اللىجبت لك الرابط بتاعه ونزلت حولت العربية لغاز وانا قريت فى الاهرام من حوالى شهر تقريبا ان المانيا دلوقت بتصنع سيارات متحولة غاز وجاهزة

[خالدخليفة]

المشاركة الأصلية كتبت بواسطة lancer.style الحمد لله ان ربنا سترها معاهم بس اكيد حضرتك عملتلهم حاجة لان عمرهم مهيعملوا كدة من غير متكلمهم الا اذا كانوا عيال هبل او كان ممكن تركن يا اما يعدوك او يجوا جانبك و يقوللك انت عملتلهم اية او انت تسئالهم بيعملوا كدة لية و ممكن تليقيهم بيشدوا معاك لاقوك بتجرى قالك اذاى يعدى منى هاتة و هاتك يا جرى و راك و غرز وراك ليها اسباب كتير بس تحمد ربنا انهم محصلهمش حاجة و انت كمان محصلكش حاجة

والله العظيم م عملت ولاحاجة طيب خلينى عملت حاجة مش مفروض لما هديت السرعة ييجى جنبى يشتمنى ولما مسكت اليمين بعد مبعدت عنه وهديت السرعة كان ييجى ادامى ويتاخم عليا علشان يقرفنى لو انا عملت له حاجة والا برضه يدور عليا ويلزقلى
انا حاسس انه كان معجب بشنطة العربية او النمر هههههههههههههه
وهل لو انا عملت له حاجة يعرض نفسه للخطر وينط ورايا فى 5 او 6 غرز بين العربيات والا يسيبنى ويخلينى افكر له فى حيلة اخلص بيها منه
انا اللى بطلبه حل او فكرة لو حصل ده معايا تانى
الحمد لله انا مشيت اكترمن 70 الف كيلو فى اقل من سنة و دى اول مرة يحصل معايا كده كتير ممكن حد يرخم او يشد معاياا ونظرا لان عربيتى غاز ومفيش تسارع فمبسالش وهما بعد 5 دقايق بينسونى

[خالدخليفة]

المشاركة الأصلية كتبت بواسطة مورو (لع) يا عم خالد مينفعش الكلام دا - واضح انهم كانوا شويه عيال هايفه - بس المشكله ايه يا ( بوى) لو انت قاصد انك لما تعدى الميكروباس انه تحصلهم مشكله واعتقد ان دا هوه اللى مأنب ضميرك -المره الجايه يا عم خالد ابقى سيبهم يعدوا ومش هتخرب الدنيا. " من اجل ذلك كتبنا على بنى اسرائيل انه من قتل نفسا بغير نفس او فساد فى الأرض فكأنما قتل الناس جميعا ومن احياها فكأنما احيا الناس جميعا" صدق الله العظيم - فما بالك بنا نحن المسلمون.

بصراحة كنت قاصد لانى مستعجل لانى طالع من بنها 11 بالليل ومفروض اكون فى حلوان قبل 12 فلو وقفت هنتخانق ونتعطل وانا مستعجل فقررت انى اخلص منهم بانى ادبسهم فى مشكلة وامشى انا
وفعلا ده اللى مضايقنى وكل م اركب عربيتى اشوف المنظر وهو وسواق الميكروباس بيتخانقو والمسافة بينهم تقريبا اقل من 10 سم (انا خمنتها كده طبعا لانهم قريبين اوى من بعض وصوت الفرامل كان عاااااااالى جدا )
واتخيل ايه اللى كان ممكن يحصل لو سواق النوبيرا فرامله قليلة شوية
لكن النهاردة اتشجعت وركبت العربية ومشيت بيها شويتين وقاومت نفسى من تانى
صحيح وصلت حلوان 12 الا عشرة عند الحديقة اليابانية كمان بس مكنتش هسامح نفسى لو حصل لهم حاجة

[mahmoudnada80]

مع احترامي لحضرتك يا استاذ خالد
دي كله كلام غلط
لو حسبت الموضوع كله هتلاقي الخمس دقايق الي كنت هتركنهم كانوا ممكن يحافظوا علي ارواح الناس الي في الميكروباص الي كان ممكن يتقلب بسبب شويه عيال فاضيه
انا بيحصل معايا كتير اني الاقي واحد راكب عربيه جديده ومش عايز يطلع مني
يا عم يا تهدي يا تعدي ومفيش فايده ( علما انا معابا عربيه 3000 سي سي 6 سلندر ) يعني ممكن اعقده هو والي معاه
بس بدي اشاره يمين وممكن اركن اضرب فيه شويه وبعدين امشي
والحمد لله ربنا ستر