رد: احترس من الخواجة تلاكـيـكو
الاخ سانتوس بيقول هو عيب ان الواحد يمشى ع النظام
وانا بقول
لا مش عيب لكن لما يبقى كل 300 متر مطب صناعى تطلعه العربية وتنزله ولا جبل المقطم وبعدين يوقف لجنتين ورا بعض ويدور على الحزام فى كل اشارة مرور للغرباء فقط مش اهل البلد يبقى ده تلكيك لان القانون للكل مش للغرباء بس
ولما يحط رادار جوه البلد امعانا فى تحصيل الغرامات وسحب الرخص وخصوصا العربيات الحديثة بتلمسها توصل70 كيلو ويعمل لك السرعة القصوى 60 ولما يمسكنى انا وتاكسى من اهل البلد ويحصل منى الغرامة ويسيب التاكسى
يبقى ده تلكيك لان القانون للكل مش للغرباء بس
وعلى فكرة بقى وانت داخل من بوابات مطروح مش بتلاقى لجنة واقفة زى اى بلد تانية بعد البوابات لكن بيسيبوك تدخل ويقابلوك جوه وطبيعى انت جاى من سفر طويل وسايق بسرعة لاتزيد عن 100 لو قلنا ملتزم بالسرعة ورابط حزامك وكناحية نفسية بعد البوابات ملقيتش اللجنة بتنزل السرعة شوية وتفك الحزام وتريح رجلك من الضغط على دواسة البنزين لكن عمرها مهتنزل من 100 الى 60 مرة واحدة والكاميرا محطوطة ورا البوابة على طول وعلى اليمين 5 او 6 يفط ورا بعض السرعة 60 علشان ميبقالكش حجة
وانا هنا بنبه الغرباء اللى هيروحو يصيفو مش اهل البلد
التعديل الأخير تم بواسطة خالدخليفة ; 15-09-2010 الساعة 05:25 PM
|
15-09-2010, 04:41 PM
