انجلون و مشكلة فى الغيارات و تقريباً كل حاجة

[mhamdy75]

hyundai 2005

[amada]

المشاركة الأصلية كتبت بواسطة icdl_man شكراً لكل من تفضل بالرد أولاً السيارة زيرو مشتراه بتاريخ 10/4/2012 و هى موديل 2011 ولو أن تاريخ التصنيع فى الكتالوج 9/2010 المهم الأكر النيكل طانت مطزسه و فعلاً غيروها لى و فعلاً المرايات الجناب كانت مطوسه و غيروها لى و غيره غير الشكمان يمكن أنا علشان حابب شكل العربية و كنت مستريح لها و سمعت كلام المبيعات انهم مسئولين عن العربية لغاية ما تبقى تمام كل ده على عينى و على رأسى لكن انا اخدذ 6 شمواير لفرع الصيانه بالإسكندرية ( و ده من أسواء اختيارات ابو غالى) و أخذت مشوار سخن للقاهرة و الباشمهندس شادى ربنا يكرمه معامله فوق الوصف و دى شهادة حق و لكن مش قادر اسافر القاهرة تانى و بالنسبة للغيارات أكثر من واحد جربها و قالوا لى عندك حق و فى مركز عفيفى موتورز العيب ظهر مع الأسطى كبيرهم و المهندس اللى جربها معايا و لكن يقولوا لى ما نقدرش نغير عشان ما نقدرش نتحمل المسئولية فى الأول قالوا العيب من رجلى و لكن لما العيب ظهر تانى اقتنعوا و قالوا لى سافر القاهرة أمال مركز صيانة و خدمة ايه المهم ان الغيارات دى عيب بيظهر و بيختفى يعنى ممكن أرب السيارة تبقى زى الفل و مرة واحدة ترفض تجيب مارشيدير و لا الغيار التانى إلى بعد محاولات و بعدين البويه بتاعتها بصراحة أى تنظيف فى العرابية تلاقيها مليئة بالخدوش مع العلم أنها فى جراج و ببتعامل معاملة الباشوات أنا فعلاً بعد تجربتها و بعد مركز الصيانة الجميل بتاع اسكندرية بدأت اتندم على شراها و بصراحة حاسس انهم لبسونى أخر عربية كانت عندهم و نسيت أقول لكم ان التكييف فى الأول كان بيطلع هواء ساخن و بالنسبة للون العربية هو أسود و اللى مش مصدق يسأل فى الصيانة و يشوف كام مرة اشتكى من العربية المهم لو الدربوكوس فيه العيب حيغيروا العربية و لا الدربوكس انا بدأت احسس ان المقلب كان تقييل و ربنا يستر

حضرتك شاريها عالوضع ده بكام ؟

[Ana Koko]

يـا سيدي السيـارات الصيني عموما معـروفة بالحظ
يعني ممكن تجيب واحده وتلاقيها اسطـورة بالنسبة لتمنها وتقـول هي دي ال عـربية
وواحد غيرك يجيب ال عـربية بعد سنــة يبقي مش عـاوز يركبها من كتر مـشاكلها

انا لـومكان حضرتك اطلع علي مركز حماية المستهلك وبعدان اعمل محضر ,, واطلع علي التوكيل اخرب الدنيا
انا دافع فلوس مش واخدها ببلاش او نزلولي فيها ,, فلوسهم واخدوها,, وحقي انا فيــن

وانا شـوفت شكـاوي هنا في المنتدي من الانجلــون قبل كدا ,, يعني اكيد وصل ل مركز حماية المستهلك
حاجات كتير عن العربيــة دي

وافضل ثــابت علي موقفك انت حقك عربية جديدة وربنا معاك

[icdl_man]

شكراً لكم
ثمن السيارة 75000 جنية مصرى علشان هى موديل 2011 ثمنها الأصلى 80000 جنية

و شركة ابو غالى اتصلت بى النهاردة علشان ابعت لهم العربية لصيانة القاهرة علشان يصلجوا العيوب اللى فيها

وسؤالى لجهلى بالقانون لو الدربوكس بايظ و هما صلحوه او غيروه هل من حقى المطالبة بسيارة جديدة و يبقى ايه الوضع لأنى شاريها بالتقسيط من البنك هى ايه الإجراءات اللى بتتعمل فى الوقت ده
طبعاً لو فتجوا الدربوكس و صلحوه من جوه و بعدين رجعوها لى تبقى كارثة أن اعرف لو الدربوكس اتفك يبقى يترمى فى الزبالة

و شكر خاس للأستاذ احمد hyndai 2005 للمكالمة التى تمت بيننا و ياريت يبلغنى عمل ايه

[icdl_man]

جهاز حماية المستهلك اتصل بى و اتفقوا ان الشركة حتأخد العربية و تشوف العيوب اللى فيها تتصلح إزاى

بس سؤالى هل يمكن تغيير السيارة لو رفضت استلامها بمعنى لو العيب لسه موجود و ايه الإجراءات المتبعة

يا ريت ما تبخلوش عليا بالمساعدة

و بالنسبة لحكاية الحرارة و الأستاذ / hyndai 2005 درجة المؤشر 90 عند النصف بالضبط يعنى بعد تسع شرط تماماً معنى كده كل شرطة تعادل 10 درجات و معنى كده زيادة 5 شرط = 50 درجة زيادة

يعنى 90 + 50 = 140 درجة يعنى اكثر من درجة الغليان بـ اربعون درجة يعنى العرابية تشيع بدرى بدرى

و يمكن أكون غلطان لكن العربية لو لمست الكبوت بتاعها و هى كده لازم إيدك تتحرق

و برضه يمكن أكون غلطان