نداء لكل مالكي الانجلون

[hyundai2005]

المشاركة الأصلية كتبت بواسطة odaoda احنا مختلفناش على نقطة السعر انا بكلم من وجة نظر السيراة ككل عموما حضرتك شايف ان الانجلون افضل؟؟ اجمالا!!؟

طبعا ده مافيش مقارنه اصلا دي حاجه ودي حاجه تانيه خالص لو كنت جيت المقابله كنت عرفت الفرق كويس بين العربيتين بس الجاك مش وحشه بالمره بس بالمقارنه مع الانجلون الانجلون تكسب في حاجات كتيييييييييييييير

[odaoda]

أية دة مفيش مقارنة كمان

طيب بقى

بس ياريت تقولى بس الفرق بين العربيتين الى الانجلون فيها مفيش مقارنة
لانى شفت الاتنين بغض النظر عن ملكيتى للجاك

[hyundai2005]

المشاركة الأصلية كتبت بواسطة odaoda أية دة مفيش مقارنة كمان طيب بقى بس ياريت تقولى بس الفرق بين العربيتين الى الانجلون فيها مفيش مقارنة لانى شفت الاتنين بغض النظر عن ملكيتى للجاك

بص يا سيدي انا مش عايزك تزعل مني دي رأي وكل رأي يحترم ولما قولت مافيش فرق ده مش تقليل من قدر الجاك لاسمح الله انا اقصد الفروق وهي
1- حجم السياره الانجلون سيدان فئه ا aclass
2- الانجلون 118 حصان
3- طول الانجلون 4700 الجاك 4600
4- شنطه الانجلون 560 لتر اد الجاك 3 مرات
5-ناهيك عن الفرق الماهول في نظام الساوند برغم وجود سماعات اكتر فالجاك
6- نظام guide me home
7- نظام الاضاءه الاكتروني
8- التكييف التاتش الاوتوماتيك
9- الانجلون بها نظام قراءه كروت الميموري
10- الثبات الماهول نظرا لاختلاف الحجم
11- عداد 260 كم /س
12- زينون بعدسات مجمعه
13- سموكات للفوانيس
14- رينجات للفوانيس
15- سينسور بارك
16 - ستاره خلفيه ومخادع رأس
17- المسافه بين اول العربيه والريداتير والماتور نص متر تقريبا
ده اللي قدرت افتكره ولو افتكرت تاني حقولك بس للامانه شكل التابلوه اجمل فالجاك من الانجلون بس ينقصه الوضوح

[odaoda]

لأا انا مش زعلان بس متزعلش انت منى

المشاركة الأصلية كتبت بواسطة hyundai2005 بص يا سيدي انا مش عايزك تزعل مني دي رأي وكل رأي يحترم ولما قولت مافيش فرق ده مش تقليل من قدر الجاك لاسمح الله انا اقصد الفروق وهي 1- حجم السياره الانجلون سيدان فئه ا aclass الجاك نفس الموضوع اية الفرق يعنى وبعدين معلش لو هنتكلم على حجم الصالون الجاك اوسع صالون ففئتها بقاعدة عجلات 2710 2- الانجلون 118 حصان الانجلون 107 حصان وليس كما يدعى الوكيل 118 وكتير شككوا فالرقم دة وخش على ماوقعا لسيارات الصينية هلتاقية يأما 106 او 105 باختلاف الى كاتب 3- طول الانجلون 4700 الجاك 4600 معنديش معلومة الصراحة 4- شنطه الانجلون 560 لتر اد الجاك 3 مرات يا راجل بزمتك فى شنطة قد شنطة 3 مرات بالاقناع والعقل فقط يعنى !!!! 5-ناهيك عن الفرق الماهول في نظام الساوند برغم وجود سماعات اكتر فالجاك على فكرة السوند سيستم دة وان كان مش الحاجة المهولة يعنى لكن انا شايف ان الجاك افضل وبمراحل وليس افضل فقط كمان وان كانت حاجة لا تعنينى انا مش هعلى الكاسيت يعنى على 30 بس كنقاء صوت وعلو وسماعات وتوزيع الصوت رهيب ووهمى 6- نظام guide me home اول ميزة اقتنع انها موجودة فالنجلون ومش موجودة فالجاك وان كنت معرفش اية النظام دةي اريت توضيح اكتر 7- نظام الاضاءه الاكتروني يعنى اية بردو ياريت توضيح اكتر 8- التكييف التاتش الاوتوماتيك موجود فالجاك وبدرجات الحراراة الديجيتل زى النجلون بالظبط بلون سهارى زى لون العربية 9- الانجلون بها نظام قراءه كروت الميموري موجود فالجاك بوصلة اليو اكس عادى جدا 10- الثبات الماهول نظرا لاختلاف الحجم على فكرة وزن الجاك فاضية 1400 11- عداد 260 كم /س اية المشكلة يعنى فالعداد انة يكون 260 انا ممكن اخليلك العداد 400 وميعديش ال 200 فالاخر 12- زينون بعدسات مجمعه فوانيس الجاك عدسات بردو وفوج لايت وكل الى انت عاوزة 13- سموكات للفوانيس مش فاهم بصراحة 14- رينجات للفوانيس اية الميزة فكدة طيب ياريت توضيح 15- سينسور بارك عز الطلب موجود فى الجاك 16 - ستاره خلفيه ومخادع رأس مخادع خلفية فالجاك وبتتشال وتتحط واذا كان عالستارة فانا فيمت الزجاج الخلفى اول مجبتها 17- المسافه بين اول العربيه والريداتير والماتور نص متر تقريبا يا باشا يعنى اية؟؟هجبلك صورة الحوض للجاك والانجلون وكل العريات الجديدة كدةمش شايف فين الميزة الواضحة طيب@@@!! ده اللي قدرت افتكره ولو افتكرت تاني حقولك بس للامانه شكل التابلوه اجمل فالجاك من الانجلون بس ينقصه الوضوح

الجاك بقى

1 - تصميم الطابلوة اجمل واشيك واقيم من حيث الخامات مش بلاستيك لكن جلد فخم ولونة فمنتهى الشياكة
2 - 2 ايرباج للسائق والراكب الامامى
3 - تصميم ايطالى مبدع وغير مقلد لاى عربية اخرى من المصمم الايطالى الاشهر فى العالم بنفارينايبنا
4 -موتور متسوبيشى تكنو نفس الموتور ال 1500 بتصريح من الشركة الام متسوبيشى بنفس قطع الغيار وبمقدار 104 حصان او 106 مش فاكر والله
4 -قاعدة عجلات 2710 متميزة لها دون يغرها فاى سيارة من فئات السيارات السيدان واتحدى اى سيارة تكون بنفس الوسع الداخلى للجاك
5 - فرش جلد 6 - المالك الاول تمت معاة العربية 45 الف كيلو
....
..
.

اخيرا سيدى العزيز انا كل اعتراضى على جملة واحدة ان مفيش مقارنةولصالح الانجلون
انا سيدى العزيز مبقولش ان دى افضل او دى افضل لكن كل الى اقدر اقولة ان الاتنين جيدين
وانا رديت على النقط الى حضرتك كتبتها بكل موضوعية فالاخر العربيتين صناعة صينية لها نفس المميزات يعنى من اوبشن فخم وهكذااا
عموما بارك الله لك فى عربيتك ويحفظهالك ربنا ان شاء الله وانا اسف جدا على الاطالة

[elmanahry]

ممكن سيادتك تعرفنى الموتور مبنى على اى تكنولوجى وايضا العفشة لان الجاك اعرف ان كله ميتسوبيشى وشكرا جزيلا