{{ باركولي : عقدت قراني على جميلة الجميلات EMGRAND E7 اليوم }}

[hanylord]

المشاركة الأصلية كتبت بواسطة Heli الف مليون مبروك يا بابا محمد بصراحة انت شخص قدير و تستحق كل التقدير على موضوعاتك الجميلة. بس بصراحة انت حيرتنى معاك لأنك شكرت فى السيارة jac j5 و رفعت فيديوهات توضح تفوقها على emgrand خصوصا فى المنحنيات من حيث الثبات بالاضافة لكونها افضل فى الخامات و جودة الفرش و التقفيل. انت كدة حيرتنى كتير لانى كنت ناوى على jac j5 بس لما شوفت تقريرك دة مدعوم بالصور و الفديو احترت اكتر، مش عارف مين احسن فى العربيتين؟ طيب انت شوفت jac j5 على الطبيعة و قارنت بينهم؟ ممكن توضح لى علشان تساعدنى فى اخذ قرارى

اولا الف مبرو للاستاذ محمد علي الامجراند ثانيا الجاك j5 فعلا احسن من الجيلي بس المشكله في التوكيل توكيل الجال زي الزفت ومش عملها سمعه كويسه مع انها عربيه جامده جدا ولو غبور كان اخدها كانت هي العربيه الاولي في مصر بلا منافس وذلك عن تجربه شخصيه لاني عاينتها وسوقتها فعلا عربيه فاخمه جدا من حيث الامكانيات والتقفيل وذلك في موديلات 2010 و2011 بس لكن الموجوده حاليا شايلين منها بعض الامكانيات ولكن زاد الهورس باور بتاعها الي 114 حصان ولكن شالو الجنوط وخلوها طاسات ومفيهاش لمبه في الشنطه وده شئ غريب جدا ومفيهاش ebd يعني ممكن تقول byd بس تقفيل صيني وكام التكيف بقي عادي مش تتش وكذلك الكاسيت بقي عادي مش تتش طبعا الاميجراند فيها كل امكانيات الj5 بس باقل من سعر الj5 بالفين جنيه لكن سعر الj5 اول مانزلت كانت ب84000 لكن بعد ما شالو بعض الامكانيات المهمه خلوها ب 78000 طبعا الامجراند تكسب من حيث السعر والامكانيات ولكن جوده التقفيل تكسب الجاك والتوكيل يبقي غبور احسن من هورس موتورز اللي معرفش يحافظ عليها وكان نفسي غبور ياخدها وشكرا علي فكره انا حجزت وهاستلم ان شاء الله في الدفعه التانيه مع الاستاذ محمد وحجزت الدهبي

[baba mohamed]

المشاركة الأصلية كتبت بواسطة د.كمال الف مبروك ياأستاذ محمد وربنا يباركلك فيها ويجعلها قدم السعد عليك . وايا ان كان الاختيار فهدفنا هو سعادتك .. ومعرفه انسان فاضل مثلك هو رصيدنا ومكسبنا ......................... ...لك تحياتى

السيد المحترم الدكتور/كمال
بارك الله فيك وشكرا على التهنئة الطيبة والكلام الرائع وأسلوبك الحضاري الراقي الذي يدل على عظمة خلقك ، وكما قلت سابقا سنظل نتعلم من حضرتك دائما بارك الله فيك وجزاك عنا كل الخير.

[baba mohamed]

المشاركة الأصلية كتبت بواسطة hanylord اولا الف مبرو للاستاذ محمد علي الامجراند ثانيا الجاك j5 فعلا احسن من الجيلي بس المشكله في التوكيل توكيل الجال زي الزفت ومش عملها سمعه كويسه مع انها عربيه جامده جدا ولو غبور كان اخدها كانت هي العربيه الاولي في مصر بلا منافس وذلك عن تجربه شخصيه لاني عاينتها وسوقتها فعلا عربيه فاخمه جدا من حيث الامكانيات والتقفيل وذلك في موديلات 2010 و2011 بس لكن الموجوده حاليا شايلين منها بعض الامكانيات ولكن زاد الهورس باور بتاعها الي 114 حصان ولكن شالو الجنوط وخلوها طاسات ومفيهاش لمبه في الشنطه وده شئ غريب جدا ومفيهاش ebd يعني ممكن تقول byd بس تقفيل صيني وكام التكيف بقي عادي مش تتش وكذلك الكاسيت بقي عادي مش تتش طبعا الاميجراند فيها كل امكانيات الj5 بس باقل من سعر الj5 بالفين جنيه لكن سعر الj5 اول مانزلت كانت ب84000 لكن بعد ما شالو بعض الامكانيات المهمه خلوها ب 78000 طبعا الامجراند تكسب من حيث السعر والامكانيات ولكن جوده التقفيل تكسب الجاك والتوكيل يبقي غبور احسن من هورس موتورز اللي معرفش يحافظ عليها وكان نفسي غبور ياخدها وشكرا علي فكره انا حجزت وهاستلم ان شاء الله في الدفعه التانيه مع الاستاذ محمد وحجزت الدهبي

الأستاذ الفاضل/hanylord

شكرا على التهنئة وألف مبروك على الشراء وربنا يعطيك خيرها ويكفيك شرها ،وما ذكرته في مداخلتك هو نفس الرأي الذي قلته أكثر من مرة ، ولهذا اتخذت قراري بشراء الإيمجراند بدلا من الجاك التي ما زلت أعشقها ، ونسأل الله أن يبارك لنا فيما رزقنا وأعطانا والحمد لله.

[سمرى فتحى]

على فكرة احيانا الصينى بتظهر فيه مشاكل غريبة اوى
واحد صاحبى اشترى جيلى ام كيه وكان فيها مشكلة غريبة اوى مع تشغيل التكييف والجرى بالعربية ولو حتى على طريق سفر العربية كانت بتسخن لدرجة الوصول للحرارة القصوى ومع اضائة لمبة انذار الحرارة كنا بنركن لحد ماتبرد و بعدين نكمل سفرنا ونضطر لقفل التكييف فى عز الحر ورحنا للتوكيل وكل مرة يخترع حل للمشكلة ومع اول تجربة نكتشف ان الحل كان مجرد كلام وان المشكلة لسة زى ماهي
ومن كتر الشكوى تدخل رئيس مركز الصيانة فى الموضوع
وبرضو لسة المشكله موجودة وسمعنا ميت سبب وميت حل
اللي يقول غير الترموستات واللي يقول غير علبة البيئة بالشكمان واللى...............واللى ...................
لكن احنا وصلنل لحل ممتاز
بلاها تكييف
دا حتى بياكل بنزين
بجد حاجة تزعل

[امير الجبالى]

الاخ العزيز أ/ محمد
اولا الف مبروك على القران و ربنا يتتم الجواز على خير إن شاء الله
انا لية سؤاليين عند حضرتك بعد اذنك بما ان حضرتك خبرة فى السيارات لاننى للاسف لست كذلك فعايز استفيد من حضرتك
اولا. اية راى حضرتك فى صاج السيارة علشان انا حاسس انة ضعيف ؟
ثانيا . انا شوفت ان الكارتيرات الخاصة بالسيارة الملمس الخاص بيها زى القطيفة فهل هذا طبيعى ام لا ؟
ثالتا . التقيل والخامات المستخدة هل هى جيدة وتعيش ؟
رابعا . فية اخ فاضل هنا فى المنتدى اتكلم عن عيوب فى التقفيل فى الشنطة فاية راى حضرتك و فية عيوب ثانية حضرتك ممكن تعلق عليها ؟
معلش انا اسألتى كتير بس انا معجب جدا بالسيارة من ساعة ما شفتها و ناوى إن شاء الله اجبها بس انا خايف وخصوصا انها حتكون اول زيرو ليا و هتجوزها رسمى 5 سنوات علشان القسط فعايز اطمن عليها جامد الواحد مش بتجوز كل يوم .
ولك جزيل الشكر