رحت شوفت ايمجراند وصورتها علي الطبيعه

[aly zafer]

المشاركة الأصلية كتبت بواسطة ايمن منصور رحت النهارده علشان اشوف العربيه علي الطبيعه انا معايا فيرنا 2008 وطبعا تقفيل غبور وكنت عايز اشوف تقفيلها واقارنه بالفيرنا انطباعي العربيه تخليك مش عارف تحكم عليها هل هي كويسه ولا لئه ازاي حقلكم التقفيل في عيوب الفواصل بين الاكصدمات والعتب الفيبر مع البيبان مكان اللحمات الي بنقول عليها بالبلدي ( الزنب ) معجبتنيش الكاوتش ماركه غريبه مش متركب دلايات وماادراك الطين ايام الشتاء لاكن تشوف الكماليات صراحه تغير رايك جنوط 15 حساس ركن تكيف تاتش كاسيت سي دي مع يواس بي شنطه واسعه680 لتر ظبط ارتفاع النور من الداخل وشده اضائه التبلو كراسي جلد 2 اير باج وسع داخلي رهيب تصميم جميل تناسق بين الواجه والخلفيه و حجات تانيه كتير مش فاكرها ودي الصور انا صورتها هناك ودي صوره وانا راكب ورا وعلي فكره الاول ركبت قدام وظبط الكرسي وبعدين نزلت ركبت ورا انا اتفرجت عليها في الدون تاون معرض جيلي في الاسكندريه : Wkiss5:

انا اتفرجت على السيارة فى نفس المعرض وظهرلى نفس العيوب واضيف عيب اخر وهو ان فوق الدريكسيون يوجد قطعة كاوتش محطوطة كساتر علشان ما تبينش اللحام السىء داخل عامود الدريكسيون ....الصراحة السيارة سيئة

[الاستاذ/ علاء]

المشاركة الأصلية كتبت بواسطة aly zafer انا اتفرجت على السيارة فى نفس المعرض وظهرلى نفس العيوب واضيف عيب اخر وهو ان فوق الدريكسيون يوجد قطعة كاوتش محطوطة كساتر علشان ما تبينش اللحام السىء داخل عامود الدريكسيون ....الصراحة السيارة سيئة

السلام عليكم

افهم من كدة ان عامود الدريكسيون ملحوم ؟؟؟
الدلايات عيب فى السيارة !!!! اللوجان لايوجد بها دلايات !!!!
الكاوتش ماركة غريبة !!! اعتقد مش عيب الا لما نجربه يمكن كويس !!!!!
يا اخوانى لا يوجد سيارة كاملة ....اهم شىء وضعها على الطريق و تجربتها ...

[hyundai 2005]

علي فكره برضه يا جماعه العربيه دي فيها عيب خطير جدا وهو اللي حيقضي علي انتشارها

العربيه فيها abs و ebd متخيلين معايا الكارثه !!!!!!!!!!!!!
واللي العن والعن ان العربيه بتجيب سرعات عاليه وده اكبر مخاطرها انها بتجري
بسرعه يا جماعه كله يلغي الحجز ويطلع يجيب سيراتو ولا حاجه عارفين انها اصلا بتاعه حوادث موت وبتخلص علطول ولا نجيب كلنا 128 زي الفل وكلنا عارفنها وبنلاقيها في كشك عم عبده البقال ..............

[ايمن منصور ((عباسى ))]

المشاركة الأصلية كتبت بواسطة الاستاذ/ علاء السلام عليكم افهم من كدة ان عامود الدريكسيون ملحوم ؟؟؟ الدلايات عيب فى السيارة !!!! اللوجان لايوجد بها دلايات !!!! الكاوتش ماركة غريبة !!! اعتقد مش عيب الا لما نجربه يمكن كويس !!!!! يا اخوانى لا يوجد سيارة كاملة ....اهم شىء وضعها على الطريق و تجربتها ...

طيب الدلايات نركبها الكوتش نغيره
بس حنعمل ايه في اللحمات والزنب حنروح لسمكري يظبطها
والفرقات حتعمل فيها ايه وبنسبه للفلوت
الفلوت ده الي بيبقي بين فورقات الصاج لما تشوفه تحس ان العربيه عامله حادثه ومعمول فيها شغل من رداءه شكله
يافندم انا معايا فيرنا وعارف يعني ايه تقفيل غبور
وكل ده ميمنعش اني معجب بالعربيه وممكن اشتريها بس لازم نبقي حيادين ونوقل كل حاجه بالحق لان انا بعتبرها شهاده لان ممكن واحد يشتري العربيه من كلمنا عليها وممكن واحدىتاني ميرضاش يشتريها لنفس الكلام

[الاستاذ/ علاء]

السلام عليكم
/ ايمن
وهل تقفيل غبور للفيرنا منع الناس تشتريها ؟؟؟ بالعكس الفيرنا برغم كل اللى فيها وعدم وجود اى وسيلة امان كانت وما زالت محققة ربح ومبيعات كثيرة جدا جدا ...
( يظهر اننا اخدنا على التقفيل ده ومباش ياثر فينا ...........)

واى سيارة لانستطيع الحكم عليها الا بعد التجربة العملية فى الشارع ...
وربنا يكرمنا جميعا ونلاقى سيارة نجتمع عليها جميعا ...لانها تعتبر مكسب لنا ..