مساعدة يأهل الحلال

[vet.mohamed]

المشاركة الأصلية كتبت بواسطة nktis هو سؤال اتمني صدرك يتسع له؟؟ حضرتك دكتور بيطري؟؟ لاني ملاحظ ان اغلب الدكاتره البيطريين معاهم نيفا .؟

ايوه يا استاذى انا دكتور بيطرى اما حكاية النيفا لانها العربية الوحيدة اللى تستحمل الشغل يعنى تخيل واحد بيروح فى شرق و جنوب و غرب مصرفى مناطق ضايعة ..وليا فعلا صحابى كتير معاهم نيفا لانها على قد الايد علشان كده قولت اشوفها لان نصهم بيشكر فيها والنص التانى بيلعن فيها ...وياريت مزيد من المعلومات حول عيوبها بعد اذنكوا وايه الموديل المناسب للفلوس اللى معايا

[vet.mohamed]

المشاركة الأصلية كتبت بواسطة mr_astra عربية قوية جدا وحمالة اسية ولو دخلت بيها فى الحيطة هاتخرج من النحية التانية الرد فى الاقتباس ومعرفش لية طلع بنفس اللون

شكرا ليك جدا ولكن ياريت مزيد من التفاصيل حول عيوبها اوحتى لينك موضوع يتكلم عنه علشان معلش ابقى عارف عيوبها الداخلية ....وبالنسة للسرعات العالية حكاية تعريض الكوتش دى ماشى اما الحاجة التانيةدى مش فاهمها

[mr_astra]

يا دكتور محمد انا اقصد تعريض الكاوتش وتهبيط العربية شوية يعنى بنقص من السوستة الحلزونية الخلفية لفة وبكدة العربية بتكون واطية من الخلف شوية ودة بيساعدها على انها تكون ثابتة اكتر على الطرق السريعة
اما بخصوص سؤالك عن مزيد من التفاصيل عن عيوبها
زى ما قلت لحضرتك شكلها ناس كتير مش بتحبة مع العلم ان الاشكال المنتظمة بتعجب ناس كتير وانا منهم
ممكن يكون الدركسيون تقيل شوية ودة له علاج لو صاحب العربية مش عاملة فى الاساس
طبعا مش مكيفة
مقاس الكاوتش بما انة كبير فهو غالى
اتنيبن باب او سبور فدة ممكن يكون عيب مع ان البى ام دبليو نصها سبورومش بيعتبر عيب
الموتور صوتة عالى نسبيا
بس تقريبا انا مش فاكر حاجة تانى
بس لو تكرمت اصحابك اللى تعباهم بيقولو اية عنها ونناقشة سبب سبب لان ممكن يكون عيوب فردية لا ترقى للحكم على نوع سيارة معين

[عايز عربية]

هي اسعارها كام النيفا؟؟؟ مفيش حاجة منها حلوة وحنينة؟؟:sycho26 :

[vet.mohamed]

المشاركة الأصلية كتبت بواسطة mr_astra يا دكتور محمد انا اقصد تعريض الكاوتش وتهبيط العربية شوية يعنى بنقص من السوستة الحلزونية الخلفية لفة وبكدة العربية بتكون واطية من الخلف شوية ودة بيساعدها على انها تكون ثابتة اكتر على الطرق السريعة اما بخصوص سؤالك عن مزيد من التفاصيل عن عيوبها زى ما قلت لحضرتك شكلها ناس كتير مش بتحبة مع العلم ان الاشكال المنتظمة بتعجب ناس كتير وانا منهم ممكن يكون الدركسيون تقيل شوية ودة له علاج لو صاحب العربية مش عاملة فى الاساس طبعا مش مكيفة مقاس الكاوتش بما انة كبير فهو غالى اتنيبن باب او سبور فدة ممكن يكون عيب مع ان البى ام دبليو نصها سبورومش بيعتبر عيب الموتور صوتة عالى نسبيا بس تقريبا انا مش فاكر حاجة تانى بس لو تكرمت اصحابك اللى تعباهم بيقولو اية عنها ونناقشة سبب سبب لان ممكن يكون عيوب فردية لا ترقى للحكم على نوع سيارة معين

شكرا اوى تانى مرة على اهتمام حضرتك
وانا فعلا كنت بتكلم مع واحد منهم مع واحدة موديل 85 سالته على اللى مضايقه قالى انا الكهرباء بتاعتها ضعيفة ودايما بتعطل يعنى مرة لمبة او مرة مروحةوطبعا مش قادر حتى يركبلها دى فى دى وقالى ان هى بتسخن فى الصيف بدرجة غبية اكنها سيات وهو حاول يصلح العيب ده اكتر من مرة بس بردك بتسخن بالذات فى الاشارات وحضرتك عارف بلدنا ...بس بصراحة هما دول اكتر عيبين رنوا فى دماغى اما باقى الحاجات فالعربية دى كويسة جدا على احتيجاتى فلو كان للعيبين دول حل جذرى فياريت يعنى والله مشكورا تقلى نظامهم وانا فعلا مش عارف اشكرك ازاى .