اريد تغيير مياه الردياتير

[abokoko]

المشاركة الأصلية كتبت بواسطة Maged_Samy اخضر احمر ازرق كل ده واحد لون وبس سيبها ذى ما هيه متخافش واساسا المياه الملونه دى اشتغاله ثبت فشلها مفيش احسن من المياه العادية بس يفضل تكون مقطرة علشان الاملاح

ممكن التوضيح ؟؟؟

[سيف الدين سعيد]

المشاركة الأصلية كتبت بواسطة abokoko ممكن التوضيح ؟؟؟

بعض عمال الصيانه والميكانيكا بتهاجم المياه الملونه بحجة ان الكيماويات التى بها تتلف الموتور والريداتير . وطبعا دا لغرض فى نفس يعقوب . وهو ان المياه بتحافظ على الريداتير والموتور من الصدأ وده فى غير مصلحتهم . والدليل على ذلك ان السيارات عندما تخرج من مصنعها فانها تخرج بالمياه الملونه وفى فترة صيانة السياره بالضمان يتم تزويدها أيضا بالمياه الملونه . . يعنى ماعتقدش انها اشتغاله زى ما صديقنا قال .

[abokoko]

لاحظت وانا عند بتوع الردياتير ( 2 ) عندهم زجاجات مياه ملونه خضراء
باسم شركة لا اعرفها ومش متذكرها
وطبعا بيشكروا فيها وانها الاحسن من اى نوع تذكره لهم
والاكثر -- اننى شككت فى ان هذه المياه معبأه - وليست انتاج شركة
على اساس ان الكل بعد افراغ محتوى العلبة يتركها بجانب المحل
وعليه من الممكن ان يتم اعادة ملاها بعرفتهم
والله اعلى واعلم

[TiTo Sky]

روح مركز متخصص للراداتير

ونزل المية وبالمرة يغسلوا دورة التبريد كلها

وحط مية مقطرة

تقبل مروري

[bekeat]

المشاركة الأصلية كتبت بواسطة Maged_Samy اخضر احمر ازرق كل ده واحد لون وبس سيبها ذى ما هيه متخافش واساسا المياه الملونه دى اشتغاله ثبت فشلها مفيش احسن من المياه العادية بس يفضل تكون مقطرة علشان الاملاح

يا صديقي اسمح لي أن أختلف معك .
فالتركيب الكيميائي مختلف بين كل من المياة الحمراء والمياة الخضراء .
المياة الحمراء تتركب من بروبلين جليكول , في حين أن المياة الخضراء تتركب من إيثيلين جليكول .
والمياة الحمراء تمتص الحرارة بمعدل أكبر من المياة الخضراء .
وكل سيارة موصي لها بنوع المياة اللازمة لها من المصنع .
فلو تم وضع مياة حمراء بدلا من مياة خضراء يزيد معدل التبريد للمحرك , ويقل الأداء للمحرك .
ولو تم وضع مياة خضراء في سيارة موصى لها بمياة حمراء فأن معدل التبريد يقل , وتزيد سخونة المحرك .