افضل زيت فتيس عادي 90 او 140 ؟؟؟ ارجو المساعده

[عادل ابو حازم]

لو عايز تعرف نوع الزيت اللي تحطة لعربيتك ادخل علي الرابط دة
http://www.valvolineeurope.com/engli...ricant_advisor
للامانة منقول عن منتدي اخر والشكر موصول لصاحب اللينك

[romioromio]

شكرا بس مش لاقي موديل عربيتي

دايو ليجانزا

[romioromio]

لقيتها يا باشا الف شكر

مكتوب 90

[الصقر_الجارح]

المشاركة الأصلية كتبت بواسطة samirayad شوف يا أستاذ : خالد الذى يتحكم فى أختيار زيت ذو لزوجه معينه لفتيس ما هو حالة الفتيس بمعنى لو فتيسك تمام ولايوجد به بوش أو وره يبقى على طول تستعمل لزوجه 90 أما لو كان الفتيس مبوش ومشخشخ ........هنا يفضل لزوجه 140

أستاذ سمير,

ممكن تقولي يعني ايه بوش أو وره/مبوش ومشخشخ؟

يمكن يكون سؤال غريب شوية بس بجد أنا مش عارف معنى الكلام ده.

تاني حاجة/مشكلتي في الفتيس بتاعي هي:

اني بحس بخشونة غير طبيعية في الغيارات, بالذات لما اجي أنقل الفتيس على الأول والمارشدير مبيرضاش ينقل من أول مرة وبيعلق وبتحس بالخشونة الشديدة في اديك وانتا بتنقل, والكلام بالنسبة لباقي الغيارات 2,3,4,5 بس على أخف شوية.

وفي الشتا في عز البرد الصبح بدري لما بكون رايح مشوار مش عايز أقول ان الفتيس بينقل بصعوبة شديدة جدا ويمكن ساعات مبيرضاش ينقل إلا لما اسيب العربية تسخن لمدة ربع ساعة مثلا.

الكلام ده لحد دلوقتي من ساعة ما اشتريت العربية من 7 شهور, ومودتهاش لميكانيكي ولا لأي حد لحد النهارده!!

أنا قريت موضوع تغيير زيت الفتيس للأستاذ عصام غنيام في قسم الدايو لانوس وإن شاء الله هغيره بنفسي الأول وهشوف المشكلة هتنحل ولا لا يمكن ميكونش في زيت خالص!

مرة كنت عند ميكانيكي بغير البوجيهات وبعمل تنظيف للبوابة خليته يبص على الفتيس بس كنا في الظهر فقالي مافيهوش حاجة هو كده طبيعي!!

وقولتله على موضوع زيت الفتيس كالعاده رد الميكانيكية ان زيت الفتيس مبيتغيرش ولكن بيتزود بس.

ياريت أشوف رأي حضرتك يا استاذ سمير بالكلام ده علما بن الفتيس حالته كويسة والغيارات كلها تمام وسحب العربية ممتاز.بس مشكلته زي ما قلتلك موضوع الخشونة.

طبعا عربيتي دايو لانوس 2006 كاملة.

وشكرا.

[samirayad]

ممكن تقولي يعني ايه بوش أو وره/مبوش ومشخشخ؟ يمكن يكون سؤال غريب شوية بس بجد أنا مش عارف معنى الكلام ده.

الوره .........مصدرها غالبا بيكون سببه بلى مبوش ردىء داخل الفتيس

وصوتها يشبه إلى حد ما صوت خشن فى البلى مثل صوت الرحايه وقت جرش الحبوب

الشخشخه ......بيكون سببها وجود بوش أو زيادة خلوص بين التروس

وصوتها بيشبه أما يكون معاك شوية فلوس فضه بجيبك وبتشخشخ بيهم

وفي الشتا في عز البرد الصبح بدري لما بكون رايح مشوار مش عايز أقول ان الفتيس بينقل بصعوبة شديدة جدا ويمكن ساعات مبيرضاش ينقل إلا لما اسيب العربية تسخن لمدة ربع ساعة مثلا.

هل سبق لك أن غيرت زيت الفرامل والدبرياج

وهل تم إستنزاف الهواء من على ماستر الدبرياج السفلى

لو الإجابه بلا

ياريت تغير الزيت وتأخد الهواء وجرب