تجرربتى مع مركز المتحدة وصيانة ال50 الف كم هاااااااام جدااااااااا

[mhamdy75]

المشاركة الأصلية كتبت بواسطة eng_yeso دى بصراحة كانت اول مرة اعمل صيانة عندهم وبعد الكلام الكتير اللى الواحد سمعة عن التوكيل فقولت اجربهم كدة وقد كان وروحت بدرى الساعة 11 كدة(بعد عناء نظرا لصعوبة المكان اللى موجودين فية والطريق كمان غير ممهد خااااااااااالص) كانو لسة فاتحين وقالوولى عايز تعمل اية فقولتلهم انا ماشى 50 ال كم فقالولى خلاص انت كدة هتغير كاتينة اساسى وسيور وفلاتر وشوف لو انت عايز تعمل حاجة تانية فقولت تمام وابتدينا على بركة الله وفيما يلى بقا تفاصيل للاشخاص اللى قابلتهم هناك واللى اتعاملت معاهم هناك والاسعار بتاعة قطع الغيار والمصنعيات وكل التفاصيل :_ 1- أ/ محمود حسين ودة صاحب المركز استنيتو لحد السعة 1 ونص كدة عقبال ما وصل واتكلمت معاة وبصراحة هو راجل محترم جدا وقعد يتكلم معايا شوية وطلبلى شاى (اينعم انا اللى حاسبت علية بعدها بس مش مشكلة ) وبعدهها ب3 ساعات كدة مشى وللاسف مشفتوش تانى . 2- أ/ تامر ودة مندوب الاستقبال عندهم اللى هخو بيستقبلك وبياخد منك كل اللى انت عايز تعملة فى العربية ويعملك بية امر شغل وبصراحة دة بقا معندوش خلفية عن اى حاجة خالص لانة لسة جاى جديد (0قالى العربيى بتاخد 5 كيلو يت مع الفلتر مع العلم بان عربيتى اسبرانزا 113 المهم بعد كدة طلعت بتاخد 4 كيلو بس وقالى على اسعار قطع غيار وفى الاخر طلعت اغلى بكتيييييير وقالى المصنعيات ب 200 جنية وفى الاخر دفعنى 350 جنية وكان معايا كويس اوى فى الكلام لحد ما جينا فى اخر اليوم للحسااااااااااااب هههههههه المهم 3- الميكانيكية (عيسى واحمد حسين )بصراحة الاتنين شاطرين جدا وفاهمين هم بيعملو اية ومحترمين اوى 4- محمد رشاد (دة بقا كبير المكيانيكية يعنى الريس بتاعهم ودة بقا اعوذ بالله فظييييييييع تنك اووى فى الكلام وعامل نفسة فيها سقراط ورخم جدا فى الاسعار يعنى جة فى الاخر وانا هحاسب بص على امر الشغل وهو اللى سعرلى المصنعيات ولقيتة بيقولى ان المصنعيات 350 جنية وانا اقولة يا عن قالولى 300 جنية شاملة الكاتينة والفلاتر والزيوت وكلة وهو يقولى لأ يا استاذ كل حاجة وليها سعر واتصدمت بقا فى الاسعار بتاعة قطع الغيار اللى كتبهالى واللى بصراحة حسيت انها مبالغ فيها اوى على سبيل المثال مثلا /- 1- اوكرة باب خارجية يمين خلفى الاكرة (65 جنية على الرغم ان كان فى عربية بتعمل صيانة معايا مركبة اختها بالظبط ب 40 جنية بس)ومصنعية تركيبها وتصليح غطاء تانك البنزين 50 جنية 2- قاعدة موتور 225 جنية 3- سير تكييف 65 جنية 4- سير دينامو 55 جنية 5- فلتر بنزين 45 جنية فلتر زيت 35 جنية ريشة مساحة خلفية 35 جنية (على الرغم انى شارى ال2 الامامين من بنزينة ب 22 جنية ونوع نضيف جدا) فتلر هواء تقريبا 50 جنية طقم بوجيهات 90 جنية زيت شيل 5000 ب 125 جنية طقم سير كاتينة ب 675 جنية يعنى دة اللى انا فاكرة بصراحة كنت رايح عامل حسابى على مبلغ معين وكانت الفاجعة لما شوفت الفاتورة 1880 جنية لييييييييييييييية دة الصيانة داخل التوكيل نفسة ب 1800 ولمجرد انى قولت لتامر بية ومحمد رشاد بية كدة لقيت وش تانى خالص فى الكلام وابتدو يقلبو ويقولولى اصل فى التوكيل مش بتشوف اللى بيتعمل فى عربيتك اما هنا بتشوف كل حاجة قدام عنيك واصل قطع الغيار دى اصلية ومش عارف اية وما رضيوش ينزلولى عير 30 جنية ودفعت 1850 جنية وخرجت وانا مصدوم ومش عارف لية الاسعار دى كلها على الرغم انها صيانة عادية ومش جوهرية يعنى اة ونسيت اقولكم حاجة مهمة فى الاخر طلبت من استاذ تامر انو يختملى الفاتور على اساس ان الكاتينة عليها ضمان فالمفروض ان الفاتور تتختم عشان اضمن حقى بصلى بقرف كدة وقالى يا بية ختم اية انا ما بختمش فواتير دة انت لو ختمت هتدفع 10 % ضريبة مبيعات قولتلة اوك وخدتها ومشيت انا بس حبيت انقلكلم تجربتى معاهم وتحت امر اةى حد فى اى حاجة الخلاصة بقا انك لو هتروح تعمل صيانة عندهم هتاخد شغل كويس لكن المعاملة تختلف من واحد للتانى هناك وبشرط اساسى جدا هناك انك ما تحاولش حتى مجرد محاولة انك تتكلم معاهم فى الاسعار عشان هيكشرو فى وشك وهتشوف معاملة مش اللى هى وهيطلع شكلك وحش زى انا كدة وباردو هتدفع اللى هم عايزينة فى الاخر .

بسم الله الرحمن الرحيم
الاخ العزيز البشمهندس / ياسر
معلش بئة هو الموضوع بتاع حضرتك طويل شوية وفيه تفاصيل كتيرة محتاجة توضيح عشان باذن الله نقدر انا وحضرتك والسادة الاعضاء نوصل لسبب سوء التفاهم اللى حاصل واللى مزعلك مننا فعشان كدة انا مضطر اعلق على كل كلمة حضرتك كتبتها بالتفصيل . وهامشى معاك فى كل النقط بس طبعا هاعدى النقط اللى اتكلمنا فيها خلاص
1 - واما بالنسبة للطريق الغير ممهد والمكان اللى صعب الوصول ليه مع العلم انه مش تحت الارض يعنى بس ده يأكد لحضرتك وللكل انه يعنى مكان صعب الوصول ليه - اول مرة فقط - وكل اللى حضرتك كتبته على انه سلبيات ومع ذلك الناس بتجيله من كل حتة فى مصر .
3 – واما عن كلامك عن الصيانة طبعا حضرتك الحمد لله ومن كلامك راضى عن الصيانة والشغل اللى اتعمل فى العربية .
4- نيجى بئة للتعليق على الاشخاص اللى حضرتك اتعاملت معاهم وتعليق حضرتك عليهم :
·العبد لله ( اللى هو انا محمود حسين ) وعلى فكرة انا واحد من اصحاب المركز( بالاضافة للاسطى محمد رشاد – والاسطى حسين العلى وهو و محمد اساتذة الميكانيكا – والاسطى وائل عبقرى السمكرة والدهان ) لكن وظيفتى الاساسية فعلا هى انى مدير التسويق وخدمة العملاء . والحمد لله كلام حضرتك عنى شخصيا مافيهوش حاجة تزعلنى . مع العلم انه حضرتك فى اشارة تحمل معنى السلبية بتقول استنيته لغاية الساعة 1.30 مع العلم انه مافيش ميعاد بينى وبين حضرتك عشان تستنانى . حضرتك عميل عادى جاى يعمل صيانة والمفروض انه ده مش هيكون من مهام عملى يعنى مش انا اللى هاعمل لحضرتك الصيانة ولكن للعلم حضرتك ان بدير شركتين فى وقت واحد وبشتغل اكثر من 16 ساعة فى اليوم بجد واكبر دليل على كدة ان دلوقتى قاعد بقالى من مساء الثلاثاء تقريبا الساعة 9 بالليل وده طبعا بعد يوم الشغل اللى بدأ من الساعة 11 الصبح والله الساعة دولقتى وانا بكتبلك الكلام ده الساعة 9 صباح الاربعاء يعنى تقريبا قربت اكمل 24 ساعة ومروحتش انا لسة فى المركز عشان خاطر انى احاول اوصلك اهمية الموضوع عندى اد ايه .
·واما الاستاذ تامر اتكلمنا عنه بما فيه الكفاية فى المشاركات السابقة معنديش كلام غير انه اكد لى انه كان على مستوى الذوق المطلوب مع عميل وعلى فكرة هو ماقلش لحضرتك اسعار قطع غيار او صيانة بالعكس هوقالى انه حضرتك قولتله انك سألتنى وانا اللى قولت لحضرتك انه االصيانة بتكلفة تركيب لعربيتك 200 ج شاملة تغير الزيت والفلاتر البوجيهات او تنظيفها وطبعا غسيل المحرك ومراجعة السيارة بجهاز كشف الاعطال وتربيط العفشة . وده فعلا اللى حصل بينى وبينك لما سألتى واحنا واقفين عند العربية . والكلام ده هحتاج عليه تأكيد من حضرتك اقصد بالنسبة لكلام الاستاذ تامر
·الناس الفنيين اللى اشتغلوا فى الصيانة حضرتك الحمد لله راضى عن ادائهم المهنى والتعامل معاك ( مع العلم على فكرة انه من قواعد الشغل عندنا انه حضرتك من حقك تشوف العربية وتكون جنبها مع الالتزام بعد ادارة حوار مع الفنين لانه ببساطة كلامهم غير مسئول . اصحاب الرأى الذى نسأل عنه هم اصحاب المكان فقط الاربعة ومستحيل انه لا يكون على لاقل 2 منهم موجودين فى اى وقت .
·واما بالنسبة لمحمد رشاد ففعلا من اسلوبه يبان انه الاسطى بتاع الورشة عشان صوته عالى شوية وبالنسبة لرأى حضرتك فيه – تجاوزا يعنى نسميه رأى مع العلم انه شتيمة لاتصح - المهم محمد حضرتك هو المسئول عن اسعار قطع الغيار والمصنعيات بالنسبة للكهرباء والميكانيكا وعلى فكرة هو مش حد زى ماحضرتك وصفته خالص يعنى التناكة وانه فاكر نفسه سقراط وانه بشع فى الفلوس يعنى الموضوع كله انه معندوش وقت يتكلم كتير وخصوصا لما يكون فى ضغط شغل ومع عميل عايز يتكلم فى حاجة هو مش هينفع يعملها بالاضافة انه زى ماهو والاسطوات الشركاء مسئولين عن انه حضرتك تستلم شغل عربيتك مظبوط ايضا مسئول انه يجيب للمركز حقه وهو اصلا كشخص بصراحة مابيحبش يسيب حقه ودى حقيقة - حتى معانا احنا شخصيا - مع العلم انه من خلال كلامى معاه اكد لى انه مقصرش مع حضرتك فى حاجة وانه خد وقته معاك فى شرح تفاصيل الاسعار وعلى الملآ يعنى قدام كل العملاء بس حضرتك شبه مكنتش عايز تسمع وانا عارف ان حضرتك قولت انه هو اللى مكنش عايز يشرحلك وياخد ويدى معاك فى الكلام وادينى يا جميل بداله قاعد بكتبلك بقالى تقريبا 16 ساعة فلو كان قصر فى دى بالتحديد ارجو انه اهتمامى بكلامك واللى بعمله معاك دلوقتى كله يكون مقبول كاعتذار بالنيابة عن محمد رشاد ده لو هو فعلا عمل كدة معاك .
· وعلى فكرة كلامك عن انه قعد يقولك عن ميزة المتحدة عن التوكيل والكلام ده . كان من الناس العملاء اللى موجودة وكانت حاضرة الحوار بالتحديد استاذ محمد تيسير .
·واخيرا بالنسبة لجزئية محمد رشاد هو على فكرة بردوا هو من وجهة نظره عمل مع حضرتك الصح هو وكل الناس حتى فى موضوع الفلوس من اول تقديرها - ودى هنتكلم فيها بالتفصيل - لغاية لما بعت حد مع حضرتك لغاية ماكينة سحب الفلوس وحضرتك مشكورا دفعتله الفلوس بالاضافة ل 10 ج ثمن تاكسى عشان يرجع للمركز يعنى لو هو بالوصف اللى انت بتوصفه كان قالك معلش انا اسف مش هقدر اخرج العربية غير لما تجيب الفلوس ومكنش حد هيغلطه انت اول مرة تتعامل معانا وهو ميعرفكش .بس طبعا احنا عمرنا ما نعمل كدة مع حد الا لو كان ابن تيييييت وبيبان عليه وده اكيد مش حضرتك واضح فعلا انك حد محترم بجد .

·نيجى بئة لموضوع الفلوس وان حضرتك كلامك مليان بالغضب لانه التوكيل اللى بياكل الناس قالك الصيانة ب1800. جنيه والمتحدة خدت منك 1850 ج بعد خصم 30 جنيه يعنى كانو عايزين 1880 ج

بص ياباشا اولا اللى انت عملته فى المتحدة مش اللى انت سألت عليه فى التوكيل يعنى من كلامك ان الصيانة شاملة تغير الزيوت والفلاتر والبوجيهات وسير الدينامو وسير التكييف ومراجعة السوائل والكشف بالجهاز وغسيل المحرك ( اللى هى صيانة الكاتينة يعنى ) فى التوكيل ب1800

وتعالى نشوف بئة انت دفعت ايه فى المتحدة وفى ايه :

طبعا اولا هتسمحلى انى اصلح بعض الاسعار اللى حضرتك مصمم انه كلها صح وهى فيها حاجات غلط فعلا وعندك صورة امر الشغل طابق عليهاوهتلاقى فعلا انها اتكتبت غلط بالزيادة بالتحديد . فعلا حضرتك كتبتها غلط الاسعار الصح مش اللى حضرتك كاتبها فى اول الموضوع وطبعا بعد كلامنا الكتير ده ان متأكد من حسن النية وانها مش مقصودة بس انا عايز حضرتك يبئة عندك ثقة فى كلامى زى ما انا واثق فى ان كلامك الهدف منه نقل التجربة فقط وعرض السلبيات اللى فى المتحدة كنوع من النقد الهادف ودى الاسعار اللى محتاجة تتصلح حتى لو مش مهمة بس المبدأ يا بشمهندس ياسر

فلتر بنزين حضرتك كاتبه 65 وهو ومن امر الشغل 55
فلتر هواء حضرتك كاتبه 50 وهو ومن امر الشغل 40
سير دينامو حضرتك كاتبه 55 وهو ومن امر الشغل 45
سير تكييف حضرتك كاتبه 65 وهو من امر الشغل 55

نرجع لامر الشغل واللى مكتوب فيه

اولا: طقم كاتينة بالضمان بسعر 675 ج و اكيد حضرتك عارف انك كان ممكن تحاسب عليه هو هو وبعد تركيبه فى العربية بدون ضمان ب 575 ج وده معلن فى الموضوع الخاص بعروض الكاتينة من المتحدة ومشروح فيه باستفاضة كاملة هو ليه سعره كدة
طقم بوجيهات NGK يابانى اصلى مدموغ 90 ج
زيت شل 5000 كم 120 ج
فلتر زيت 35 ج
فلتر بنزين 55 ج وده انا معاك انه ممكن يكون غالى شوية بس والله فى مكانه والبديل كويس مش اارخص كتير
فلتر هواء 40 ج
سير دينامو 45 ج
سير تكييف 55 ج
زيت فتيس 2.5 كيلو بسعر 65 ج

يعنى الاجمالى واللى انا قولت لحضرتك انه تكلفة تركيبه 200 ج هو حاصل جمع ما سبق
= 675 + 90 + 120 + 35 + 55 + 40 + 45 +55 + 65 + 200( الصيانة ) يساوى 1380 واعتقد انه فى المجمل مع الضمان 30000 كم لاهم صيانة ممكن حضرتك تعملها فى العربية مش زى ماحضرتك قولت عنها انها صيانة مش جوهرية ( واحب اسمع رأى الاشراف فى الموضوع ده بالتحديد لانه واضح انه البشمهندس تامر مش عارف اهمية صيانة الكاتينة ومعتبرها صيانة مش جوهرية وخايف اقوله اهميتها يفتكرنى ببالغ بس ) وبما انه من كلام حضرتك هى بتتعمل 1800 فى التوكيل يبئة المتحدة مش اغلى من التوكيل ولا حاجة مع العلم انه مش فارق اوى معانا الموضوع بتاع اغلى وارخص فى صيانة زى دى بمعنى انه لو مش هانعرف نعملها للعميل غير ب 3000 ج والتوكيل يكون بيعملها ب 500 ج مش هنحاول ننافس فيها وهنقول اننا بنعملها اغلى من التوكيل ب 2500 ج مع ان ده طبعا مش وارد يحصل وحاجة مش منطقية بس انا بحاول اوصل لحضرتك اهمية الصيانة دى للعربية

نكمل بئة باقى حسابات امر الشغل :

جركن مياة عادية ب 25 ج
قاعدة موتور اصلية 225 ج وانا اتأكدت من محمد انه قال لحضرتك سعرها قبل التركيب يعنى هى مش مفاجأة ولا حاجة لما تشوفها فى الحسابات وتضاف على ال 1370 + جركن المياة اللى بصراحة انا معرفش نوعها ايه بس سعرها غريب اللى اعرفه اننا بنحط مياة موبيل والجركن ثمنه 75 ج ليصبح المجموع يساوى 1380+ 225 +25 = 1630 ج لغاية دلوقتى
ريشة مساحة خلفية 35 ج ودى على فكرة حضرتك سعرها كدة فعلا ممكن تلاقيه اقل 5 ج ولا حاجة. وهى طبعا مالهاش علاقة باسعار الريش الامامية اللى ممكن تبدأ من 10 ج .. اصلا مش هتلاقيها غير عند حد متخصص مش فى البنزينة يعنى لازم عند حد بتاع قطع غيار اسبرانزا ودايما ناقصة حتى عندنا فى المركز

اكرة باب خارجية خلفى يمين 65 ج ودى غير اللى ب 40 ج حضرتك كنا بنجيبها زمان وعملتلنا مشاكل ومن ساعتها قررنا نركب الاصلى فقط وعلى فكرة حضرتك ممكن تشترى اللى ب 40 ج ولو حسيت انهم فعلا زى بعض بجد ومافيش فرق حتى بالعين كدة انا على استعداد حضرتك تكلمنى واجيلك فى اى مكان انت فيه وادفع لحضرتك ثمن الاكرة ال 65 ج وعلى فكرة انا بكلمك بصفة رسمية وانا مسئول عن كلامى دى سمعة شغلى ومعنديش اهم منها

نجمع بس تانى عشان ميحصلش لغبطة اخر حاجة كانت 1620 وبعدها 35 ج ريشة مساحة و 65 ج الاكرة الخارجية يعنى بيساوى 1630+35+65 = 1730 ج

كدة يبئة فاضل 120 ج عشان نبئة عرفنا ال 1850 ج دول ليه وانا تحت امرك فى التوضيح بس فى الاول اكيد انا لما حضرتك سألتنى عن الصيانة وقولتلك انها ب 200 جنيه مكنتش اقصد انه الاعمال التالية هتكون داخلة ضمن تكلفة الصيانة اللى هى 200 ج ولا حضرتك سألأتنى عنها اصلا . وهقولك ليه طبعا بس خلينا الاول نقول ايه اللى اتعمل ومصنعيات التركيب بتاعته محسوبة ازاى
·فك التيل الامامى ومعالجه مشكلته بالصنفرة ودى هتتحسب زى مصنعيات تغير التيل 30 ج
·فك التيل الخلفى والطنابير الخلفية ورجلاش العجل الخلفى وفرامل اليد 40 ج . وده على فكرة مش زى ال 128 يعنى ده بجد لازم حد متخصص والا ......... تشوف مصايب

·الكشف على خراطيم الفرامل . واخذ الهواء للاربع عجلات . استخراج حساسات ال ABS وتنظيفها 25 ج
·تغير قاعدة الموتور تجاه الكاتينة عشان حضرتك بتعمل شغل فى نفس المكان تقريبا تركيبها يتكلف 25 ولو بدون الشغل بتاع الكاتينة مصنعايتها 65 ج يعنى لو حضرتك جاى بس عشان القاعدة دى هتدفع كدة
·ظبط لوك التنك وتركيب الاكرة 50 ج ( اعمال سمكرة )
ودى بئة بالذات هنقف عندها شوية لانها محتاجة توضيح فعلا اقصد بالتحديد ظبط لوك التانك هو الموضوع انه غطاء التانك مش بيفتح من الزار بتاعه وحضرتك كنت بتفتحه بمفك او حاجة معدن يعنى بالعافية وده عمل مشكلة اكبر وهو انه بوظ الريشة بتاعة اللوك او مش عارف اسمه ايه بالظبط الحاجة اللى باظت بسبب الفتح بالعافية ده غير المشكلة الاصلية اللى بتخليه ما يفتحش بالزار وهى انه الواير بتاعه كان فيه مشكلة
دى كانت المشكلة على حسب ماقدرت افهم من الاسطى عبد العزيز السمكرى اللى اشتغل فى العربية ومعلش انا بئة هنا حبيت اعلق مش عشان اوضح قيمة الموضوع من الناحية الفنية فقط يعنى لانه بالنسبة لاى حد غطاء التانك مش بيفتح والراجل عمله وخلاص مشكلة هايفة يعنى لكن انا عايز اوضحها من كذا جهة بصراحة بس اولا احب اوضح انه مشكلة عدم فتح غطاء التانك من الزرار بتاعه بتحصل كتير او انه يكون بيفتح ضعيف وعادة بتكون انه الواير مش راكب فى مكانه وبتكون محتاجة حد فاهم وبسرعة فى اقل من 5 دقايق بيكون فك الجنب الفبر بتاع الشنطة وثبت الواير مكانه والموضوع بيخلص وحاجة زى دى احنا مش ممكن نطلب عليها فلوس يعنى مع العلم انه من حقنا احنا صلحنا العيب ولكنه بردوا من حق العميل بتاعنا انه العميل يتوقع انى مش هاحسبه عليها ... لكن الموضوع مع حضرتك مختلف لانه وبصرف النظر عن الفنى عملك ايه فيها لكن هو احتاج من ساعة لساعة ونصف على حد كلامه عشان يحل المشكلة وده على فكرة فنى بجد شاطر وخبره عمره فى المجال ده يعنى اكثر من 30 سنة شغل المهم ده من ناحية الوقت بالاضافة انه النور بردوا كان اتقطع والدنيا ليلت واضطر انه يعمله وهو ماسك كشاف فى الظلمة عشان خاطرك يعنى ماقلش لحضرتك لا وده لانه عرف من الاسطى وائل السمكرى وصاحب المكان انه حضرتك طلبت الموضوع بشكل جاد وضرورى . المهم اللى انا فعلا عايز اقوله بجد هو مبدأ الاصلاح نفسه لحاجة كانت عطلانة مش بتشتغل وحضرتك كملت عليها بالمرات اللى كنت بتفتحه فيها بالعافية .
يعنى انا باختصار عايز ارجع مع حضرتك لحتة المتحدة والتوكيل - وياريت استاذ كماتشو يحضرنا بالسمع – من اهم ميزات المتحدة فى حاجة زى دى هو توافر مبدأ الاصلاح يعنى لو حضرتك فى التوكيل بكل وضوح كان الكلام فى انك تشترى لوك بدل اللى باظ وطبعا الواير اللى مش شغال عشان فيه حتة معصورة وطبعا تدفع مصنعيات محترمة دول هيفكوا الكراسى ويغيروا الواير بص ياباشا باختصار الموضوع مش هتقل تكلفته عن 300 ج بالتقريب طبعا ما بين قطع الغيار وتكلفة التركيب .

اخر حاجة احب اقولها توضح لحضرتك ليه اصبح فى فرق 150 ج حضرتك دفعت منهم 120 ج بعد الخصم زيادة عن اللى انا قولتله لحضرتك اللى هم ال 200 ج وده مجرد تخمين جه فى بالى وانا بكتب دلوقتى بس وياريت تفهمنى صح فيه ويكون عندك سعة صدر لكلامى . انه وعلى حد كلام حضرتك انت شرفتنا الساعة 11 واكيد على لما عرفتوا هتعملوا ايه ووصلتم لمراحلة بداية العمل ممكن تكون بئت 11:30 مثلا . وانا لما جيت واتشرفت بمقابلة حضرتك حضرتك قولت انها كانت 1:30 تقريبا وساعتها انا روحت عند العربية معاك وكان الكشاف الامامى لسة مفكوك والفنى شغال فى الموتور وساعتها حتى انا لاحظت الموضوع بتاع الحادثة اللى فى العربية عندك اللى مشوهة كارتيرة الشاسيه لانها بتبان والفانوس مفكوك وقولتلى انك عارف انها عاملة حادثة وانك شريها بالعيب ده عشان سعرها عجبك ورديت عليك وقولتلك بس ده كدة ممكن ما يخلكش تعرف تبيعها لو حبيت تبيعها لما تبيع - انا بس بفكرك بالحوار – لكن نرجع تانى لموضوع الوقت بعدها بربع ساعة يمكن اقل جبت انا الاسطى وائل كنت عايزه يشوف القصة بتاعة كارتيرة الشاسيه عشان هو خبرته طبعا اكثر منى بكتيررررررر ولكن معرفش يشوف الموضوع لانه كان الفانوس اتقفل وده اللى انا عايز اوصله فعلا وهو انه تقريبا الساعة بالكتير 2 كان موضوع الكاتينة خلص وبعدها العربية مش هتاخد اكثر من 1/2 ساعة شغل كمان فى غسيل المحرك وتغير فلتر البنزين والزيت يعنى الصيانة المفروض اللى حضرتك جاى عشانها تقريبا خلصت بحد اقصى الساعة 3 وطبعا حضرتك كنت واقف جنب العربية يعنى الفنى اللى شغال ماسبش حضرتك ومشى مثلا او انه كان بيضيع وقت او راح اشتغل فى عربية تانية .
السؤال اللى سألته لنفسى اومال حضرتك ليه مشيت من عندنا الساعة 6:30 اكيد الوقت ده هو اللى احتاجته الاعمال الاضافية اللى اتكلمنا فيها .. والقصة مش كدة بالتحديد احنا مش بنحاسب بالساعة بس انا بحاول انبه حضرتك لحتة انه الشغل ده بيكون على انا كمركز المتحدة تكلفة ممكن اكبر دماغى منها مع حد زى حضرتك اول مرة يشرفنا بس بصراحة مش لدرجة انى اشغل الناس 3 ساعات زيادة وفى حاجات كلها فنيات بجد مجانا وانا متأكد انه لو حضرتك مكانى كنت هتفكر كدة بنفس الطريقة كشغل ..

بص يا بشمهندس ياسر بما يرضى الله اللى يخلينى افكر واتردد فى انى اعمل الشغل ده مجانا . يبئة اكيد وبدون مبالغة يخللى محمد – وانا قولتلك انه مش بيحب يسيب حقه او يعمل حاجة مجانا خصوصا لما تكون خدت منه وقت زى اللى اتكلمنا فيه - يحاسبك وهو من وجهة نظره انه عامل معاك الصح . بس هو ممكن على حسب كلام حضرتك فعلا قصر فعلا فى التوضيح والشرح لحضرتك وانا فهمتك ليه .
عموما يابشا انا مازلت عند عند كلمتى
وشوف حضرتك ايه اللى تأمرنا بيه لو ال 120 ج الزيادة بتاعة المصنعيات دى فيها مشكلة لحضرتك انا على اتم استعداد لارجعاها لحضرتك مافيش اى مشكلة وانا هاعمل كدة لانى هافترض انه حضرتك فهمت من كلامى انه كل اللى هيتعمل فى العربية سواء صيانة او اصلاح او علاج اى نوع من مشاكل العربية هيكون كل ده ب 200 ج فقط - وبرغم انه مش منطقى – انا تحت امرك ولو عايز تسترد مبلغ الصيانة بالكامل بردوا انا عند كلمتى وتحت امرك بس دى معلش يعنى هتكون بحكم اى حد من الناس اللى شاركت فى الموضوع لحد دلوقتى واللى تختاره حضرتك بنفسك بعد لما تطلب ده .

وايا كان اختيار حضرتك للحاجة اللى انت هتكون عايزنى اعملها انا صدقنى هاتقبلها بصدر رحب عشان بس اثبت لحضرتك انى مش حد مصدق انك معاك فلوس وقام خاطفها منك يابشا اعتبر انك لسة محاسب على الشغل ده دلوقتى حالا وانه فلوسكك لسة فى ايدى وانا واقف قدامك واختار اللى يرضيك .
انا وعدتك بانى مش هانهى الموضوع غير لما تقولى انه حضرتك راضى تماما وانك حاسس انه خد حقك .

وكنت عايز اقول حاجة كمان لو لسة هيكون فى نصيب ونتعامل مع بعض هى مجرد وسيلة تريحك لو تحب تتعامل معانا تانى انه بالنسبة لقطع الغيار ممكن حضرتك تشتريها واحنا فقط هنقوم بالتركيب – يعنى بما انه حضرتك راضى عن الشغل - يعنى بالنسبة لاسعار الفلاتر والبوجيهات والسيرين بتوع التكييف وقاعدة الموتور والاكرة والريشة دول ممكن يكون فيهم توفير لحضرتك حوالى من 50 الى 65 ج وبالبنسبة لطقم الكاتينة انت مازلت وقدامك الاختيار اننا نعدله ونخليه ب 575 ج فقط وتسترد حضرتك ال 100 ج ولكن بدون ضمان طبعا . واما تكلفة التركيب حضرتك ممكن تسأل عليها بالتفصيل قبل الشغل ولو بالتليفون عشان مايكونش فى اى حرج بالنسبة ليك ولو معجبتكش بردوا ده رقمى عشان لو كان ضاع منك 01112310801 كلمنى ساعتها ياباشا وبردوا هاعمل معاك الصح ... احنا بقينا عشرة ياراجل انا عمرى ما كتبت كمية كلام فى موضوع زى ده قبل كدة ..

واخيرا بشكر الجميع على سعة صدركم وصبركم على كلامى الكتير واللى الهدف منه والله وحياة اولادى ان اعرض الموضوع بمنتهى الشفافية والتأكيد على كل كبيرة وصغيرة ... فليس لدى ما هو اهم من سمعتى فى مجال عملى ورضاء كل من يتعامل معنا

انا كدة خلصت كلامى يا بشمهندس ياسر اللى كنت عايز اكتبه بدون ما حضرتك تقاطعنى عشان اقدر اخليه يكون واضح من كل الجهات بس

حضرتك تقدر تكتب اللى نفسك فيه واعتقد ان دى مش هاتكون اخر مشاركة لى فى الموضوع ده طبعا لانه ايا كان ردك فهيكون الواجب على انى اشكرك على الاقل

محمود حسين مدير التسويق وخدمة العملاء بالمتحدة لصيانة السيارات الحديثة

[Marlborooo]

بصراحة ولا كلمة بعد كلامك يا بشمهندس محمود
انا متابع الموضوع من اول كلمة بس محبتش اعقب الا لما اكون قناعة كاملة

شكرا ليك يا بشمهندس علي التوضيح الوااافي وعلي سعة صدرك وان شاء الله سوء التفاهم يتحل

[محمود حسين المتحدة]

بسم الله الرحمن الرحيم

اولا طبعا وقبل اى شىء احب انى اشكر البشمهندس محمد حمدى لانى فعلا لما كنت بكتب الرد ده من يومين قبل لما السيرفر بتاع المنتدى وقع ولانى كنت مطبق فى المركز عشان اقدر ارد على الموضوع . كنت خلصت كتابة الساعة 9.30 الصبح تقريبا وفضلت مستنى السيرفر يشتغل ولكنه مشتغلش . وفعلا كنت خلاص هاموت من قلة النوم وساعتها فعلا انا اتصلت به وطلبت منه انى ابعتله المشاركتين الاخريتين على الميل بحيث انه اول ما السيرفر يشتغل ينزلهم بالنيابة عنى وكنت خايف البشمهندس ياسر يفتكرنى مش عايز ارد عليه ... المهم فعلا انا تعبت البشمهندس محمد بتكليفه بالموضوع ساعتها وهو اخ وصديق .. فشكرا مرة اخرى له
وكمان كنت بس عايز الفت النظر لانه بالنسبة للمشاركة الاخيرة اللى انا المفروض مصحح فيها بعض الاسعار لقطع الغيار اللى كان كاتبها البشمهندس ياسر فى الموضوع ذكرت 4 اسعار مكتوبة غلط وهى سير الدينامو و وسير التكييف وفلتر الهواء وفلتر البنزين هم كلهم فعلا كانو مكتوبين غلط بالزيادة فى الموضوع من البشمهندس ياسر ماعدا فلتر البنزين هو الحقيقة الراجل كتبه غلط بس بالنقص يعنى كتبه 45 بدل 55 وانا كنت فاكر انه كتبه 65 .. وطبعا الغلطة دى لانى كنت بفتكر من الذاكرة اصلا السيرفر بتاع المنتدى كان وقع وانا بكتب الموضوع ...

وشكرا للجميع

[Marlborooo]

وطبعا شكر للاستاذ mhamdy75:GROWI N~12::GROWIN~1 2:

[eng_yeso]

المشاركة الأصلية كتبت بواسطة محمود حسين المتحدة ممكن ندخل فى الموضوع بتاع تامر ده عشان واضح انه من اهم اسباب ان حضرتك زعلان بصرف النظر عن الفلوس مؤقتا طبعا وعلى فكرة والله وحياة اولادى كلامى كله معاك وفى كل النقط مش هيكون عشان اثبت انك غلط او صح انا هقولك فى ردودى كلها الكلام بما يرضى الله حتى لو طلعنا غلط فى شىء انا مقدما ومن دلوقتى بعتذرلك عنه - . كمان وفى نفس الوقت كمان موضوع تامر واحد من اسباب سوء التفاهم من وجهة نظرى واللى المفروض مكانتش تحصل وهقولك ليه .... لانه حضرتك بنفسك لسة كاتب فى مشاركة سابقة هنا فى الموضوع ده الكلام ده بالظبط وانا تقريبا فاكر الموقف فعلا (حضرتك بلسانك قولتلى ان تامر دة لسة جديدة ومش عارف حاجة يعنى فى الضياع حتى ساعتها كان معايا استاذ محمد تيسير شاهد على الموقف واسئلة ) الكلام اللى انا اقصد اقوله انه حضرتك يعنى زعلان من واحد انا بنفسى لما حضرتك سألتنى عن كلامه من اول ماقابلتك وبدون ماعرف تفاصيل غير تقريبا ساعتها كان موضوع زيت الفتيس او عدد لترات الزيت انا فعلا مش فاكر بس المهم انى قولت لحضرتك انه حد جديد ومش عارف حاجة بجد غير انه يسجل بيانات امر الشغل والاعمال الخاصة بالكمبيوتر يعنى وضحت لحضرتك انه مش مهندس استقبال وطبعا البديل ليه عشان حضرتك تاخد الخدمة وتعرف تكلفتك وكدة يعنى اللى هو انا او اى حد من اصحاب المكان وعلى فكرة تامر بيأكد انه متكلمش مع حضرتك فى اسعار اى قطع غيار ومن كلام حضرتك انا شايف انه فعلا مقالش لحضرتك حاجة غير معلومات فنية مش صح وكدة كدة هو مش اللى هينفذ هو مش فنى والفنيين اكيد قالو لحضرتك الصح واما عن انه يتعامل معاك بقلة زوق او انه يبصلك بقرف او اى شىء فيه عدم احترام لشخصك فطبعا ده شىء غير مسموح به بالمرة وانا فعلا حققت معاه ووريته الكلام اللى حضرتك كتبه عنه فعلا والنتيجة اللى طلعت بيها صدقنى انه شىء غير مقصود منه بالمرة وحضرتك بنفسك قولت انه كان لطيف معاك طول اليوم لغاية لما وصلتم عند موضوع الفلوس ...وهنا بئة ومن وجهة نظرى مربط الفرس زى ما بيقوله ... ازاى ياعم محمود ياللى تاعبنا معاك ؟؟؟؟؟ بص يا بشمهندس ياسر تامر اولا حد ابن ناس بجد والله وده كان سبب اختياى ليه انه يشتغل معايا فى مكان ممكن يتعامل فيه مع عميل- بس فعلا لسة هو فى مرحلة تدريب على الشغل بتاعنا- ولو حتى بشكل بسيط وهو ومن النوع الخجول جداااا صدقنى بس فعلا عنده مشكلة انا لاحظتها كام مرة بس بجد من غير ما تضحك او تفتكر انى بهزر لانه والله انا فعلا بتكلم بجد انا لاحظت المشكلة دى مرتين كدة فى مواقف مع تامر وحسيت انه ليه بصة غريبة شوية - عارف بين الحادة واللى مش فاهم - معرفش هى دى اللى حضرتك تقصدها ولا لآ بس اللى لاحظته انه بيعملها لما يلاقى نفسه فى موقف مش عارف يتصرف فيه ممكن يكون زى الموقف بتاع حضرتك اعتقد لما وجد نفسه امام عميل مصدوم فى فاتورة اصلاح عربيته ومش عارف يعمل حاجة غير انه يدفع وهو طبعا - اقصد تامر - فعلا معندوش اى صلاحيات لاى خصم او اضافة للفاتورة الا بعد الرجوع لحد مننا اصحاب المكان . والله اعلم طبعا بس ده تحليلى للموقف لما اكدلى انه مش ممكن يسمح لنفسه يعمل كدة مع حضرتك وانا بردوا عايز اكد لحضرتك حاجة مهمة واكيد مش هتعب فى انى اقنعك بيها وهى انى بدفع فلوس للراجل ومرتب اكيد محترم يليق بالمتحدة صدقنى اكثر بكتير من اللى بياخدوا مهندس الاستقبال فى التوكيل ودى معلومة اكيدة بالنسبة لاجر اى حد بيشتغل معانا فى اى تخصص بالنسبة لتامر صدقنى تعتبر الضعف بتاع مثيله فى التوكيل لو هو لسة بقاله فترة قصيرة . المهم انى اقصد انه لو هو زى ماحضرتك قولت انطباعك عنه مع كل الناس انه كنت اكيد طلبت منه يقدم استقالة من اول شكوى ولكن الحقيقة محدش اشتكى منه قبل كدة فعلا وبالنسبة لحضرتك وشكوتك انا شايف بس الفاتورة والاسعار مخلياك متحامل شوية - وطبعا انا مازلت فاكر انه حضرتك مستنى تفسيرات كتير فى الفاتورة - ويمكن الموقف كله كان انفعالى عموما حضرتك انا بعتذرلك بالنيابة عن تامر وبالاصالة عن نفسى لو كان تحليلى غلط وانه فعلا تجاوز حدوده معاك .. وبالنسبة للجزئية بتاعه انه قال لحضرتك اى معلومات غلط انا كنت واضح معاك وقولتلك انه لسة جديد وعموما هو احنا كدة كدة طبقنا نظام جديد ده كان بيتعمل بقاله اسابيع ولسة تحت التشطيب النهائى زى ما بيقوله بس مضمونه انه حضرتك لما هتسأل الراجل ده بعد كدة يعنى لو لينا نصيب مع بعض فى معاملة واتمنى انه يحصل انشاء الله لما تسأل تامر عن سعر حاجة بمنتهى البساطة يطلعها لحضرتك من الكمبيوتر فى دقيقة واكيد انشاء الله هتكون صح ولو حصلت انه قال سعر غلط لقطعة غيار مثلا هنكون ملزمين بيها زى اى مكان بيحترم نفسه وبيحترم الناس اللى بتتعامل معاه ( وده طبعا مطبق من يوم ما فتحنا بس هو محصلش قبل كدة لانه من اول ما بدأنا والموضوع ماشى انه الاسعار بتكون من خلالنا اصحاب المكان واحنا مش هنغلط فى حاجة زى دى عشان نضطر انه نخصمها لحد ومحدش قال حاجة زى دى قبل كدة ) . ده مع التأكيد على انه حضرتك عرفت سعر الصيانة اللى هو 200 ج منى انا شخصيا وكان كلامنا فى التليفون على حد كلامك وان كنت فاكر انى عيدته لحضرتك وانك سألتنى لما اتقابلنا المهم انه انا اللى قولتلك . يعنى قبل لما تشوف تامر اصلا لو كان كلامنا كان فى التليفون زى ما حضرتك بتقول والكلام ده هنقوله بالتفصيل فى الجزئية بتاعة الفلوس انا مش ناسيها وقاصد اعرف حضرتك كدة انى مش ناسى ولا بتوه فى الكلام يعنى . يتبع .. حالا.... واسف بجد على الاطالة معلش ياريت تستحملنى بس انا فعلا بحاول اوضح الكلام من كل وجهات النظر

كلام جميل ومحترم وبجد انا سعيد لردك المحترم بخصوص الجزئية دى بالرغم انى مش مقتنع يعنى ازاى واحد موظف استقبال يتكلم فى فنيات طالما هو مش فنى كان المفروض يقول مش عارف افضل بدل ما يقول كلام غلط ويطلع شكلة وشكل المكان وحش وثانيا مع احترامى ليك يا استاذ محمود ازاى بتقول انة بياخد مرتب ضعف بتاع التوكيل ( وهو لسة جديد ومبتدىء فى المكان وفى الوظيفة نفسها كمان) الاولى انة لو هياخد الضعف كان يبقى راجل عندة خبرة ومحترف فى التعامل مع العملاء (فة نقطة باردو حضرتك ما ردتش عليها والخاصة بموضوع ختم الفاتورة ورد فعلة الغريب معايا ) بس فى المجمل ماشى يعنى نقدر نعدى الجزئية دى مع عدم اقتناعى بيها
(وهرد على كل مشاركات حضرتك بس ادينى وقتى بس عشان انا فى الشغل واول ما افضى هكمل باقى الردود)